Presoen gerturatzea eskatu dute Bilboko Udaleko EAJk eta EH Bilduk agiri batean
Presoen sakabanaketa lehen lerrora itzuli da Jone Artola Etxerateko bozeramaile ohiak senidea kartzelan bisitatzetik bueltan izandako istripuaren ondotik. Horrek eraginda, Bilboko Udaleko EAJk eta EH Bilduk bat egin dute agiri batean presoen gerturatzea eskatuz.
Bilboko alkateorde Ibone Bengoetxeak eta EH Bilduko zinegotzi Aitziber Ibaibarriagak sinatu dute agiria. Espetxe Erakundeari “euskal preso guztiak Euskal Herriko kartzeletara hurbiltzeko” eskatu diete. Artolaren kasua adibidetzat hartuta, presoa 600 kilometrora dagoen kartzelan egoteak, senide zein presoentzat “gehitutako kondena” ezin duela izan azaldu dute.
Artolak Tuteran izan zuen istripua igandean, Ugaitz Perez presoa Castellon II kartzelan bisitatzetik zetorrela. Basurtuko ospitalean ingresatuta dago ordutik, eta Etxeratek azaldu duenez, hiru saihets eta humeroa hautsita eta pitzadura du bularrezurrean. Haurdun zegoen Zaragozako emakumea hil egin zen istripuan.
EAJk eta EH Bilduk kezka agertu dute istripua dela-eta. Plazaratutako komunikatuan Jone Artolaren osasun egoerak hobera egitea espero dutela adierazi eta istripuan hildako emakumearen senideei doluminak eman dizkie.
Joseba Artola: "Lasai asko egon zitezkeen hiru hileta"
Etxeratek Arriaga plazan agerraldia egin du gertatutakoa salatzeko. Joneren anai Joseba Artolak hartu du hitza eta adierazi du "barruan daudenak maitatzeagatik senideen aurkako mendeku hutsa” dela sakabaneta. "Lasai asko hiru hileta egon zitezkeen", gaineratu du eta eskerrak eman ditu jasotako babes guztiagatik.
Presoen senideek bederatzi hilabetetan bataz beste bederatzi istripu izan dituztela gogorarazi dute Etxeratekeko kideek. "Kopuru ikaragarria" dela salatu dute eta lehendakariarengana zuzendu dira, "sakabanaketak eragindako edozein biktimaren egoeraz" zein arduratuko den galdetuz.
Jone Artolaren hitzak batu ditu Sarek:
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Bizkaia, Gipuzkoa eta Lapurdiko hamabost hondartzetan antolatu ditu mobilizazioak Etxeratek, Etxera lelopean.
Elkarretaratzea egin dute larunbata eguerdian Laudioko Herriko plazan, Pili Arsuaga eta Fontso Isasiren heriotzaren 33. urteurrena dela eta. Bi bizilagunak 1990ko uztailaren 1ean zendu ziren, Maribi Ramila euskal preso politikoa bisitatzera zihoazela izandako trafiko istripuan... [+]
Pasa den martxoaren 25ean ofizialki bukatu zen euskal presoen sakabanatzea. El Paíseko lerroburuaren arabera, "34 urte igaro eta gero, Espainiako Barne Ministerioak amaiera eman dio ETAko presoen sakabanatzeari". Euskal Herriko komunikabideek ere dataren berri... [+]
34 urtez luzatu den euskal preso politikoen sakabanatze politika amaitutzat eman dute Etxeratek eta Sarek, ostiralean Espainiako Gobernuak iragarritako bost Euskal Herriratzeekin. Pozez hartu dute berria bi elkarteek, eta iragarri dute orain lanean jarraituko dutela preso,... [+]
Urtarrilaren hasieran euskal preso politikoen eskubideen alde Bilbon egiten den manifestazioa beti da berezia eskubideen aldeko egutegian, baina aurtengoa bereziki nabarmendu da, besteak beste, dagoeneko sakabanaketaren amaiera irudikatu nahi delako.
Iñigo Guridi Lasa, Asier Badiola Lasarte, Iñaki Bilbao Goikoetxea, Orkatz Gallastegi Sodupe, Fermin Vila Mitxelena, Iñigo Zapirain Romano eta Alberto Viedma Morillas preso politikoak Euskal Herriko espetxeetara hurbilduko dituzte.
Espainiako Gobernuko Espetxe Zuzendaritzak eta Eusko Jaurlaritzak adostu dute beste hamahiru euskal preso Bizkaia, Araba eta Gipuzkoako espetxeetara hurbiltzea. Ez da jakinarazi zein espetxetara eramango dituzten; Lakuako Gobernuaren esku dago erabakia.
Etxarri Aranazko Jon Gurutz Maiza Artola preso politikoa Frantziako Estatuko Lannemezaneko espetxetik (Euskal Herritik 330 kilometrotara) Donostiako Martuteneko kartzelara hurbildu dute, Etxeratek zabaldu duenez.
Garazi Abrisketa (Zollo, 1988) eta Aitana Izagirre (Zollo, 1993) Mirentxin Gidariak ekimenaren parte izan dira eta euren esperientzia azaldu dute, baita taldearen disoluzioak utzi dien sentsazioa ere.