Presoen etxeratzea “egia bihurtu dadin” urtarrilaren 7an Bilbon mobilizatzera deitu dute Sarek eta Etxeratek
Urruntze politika amaitzear dela sinetsita daude Sare Herritarra plataforma eta Etxerat elkartea. Ildo horretatik bideratu dute urtarrilaren 7an Bilbon egingo den manifestazioaren leloa, Etxera bidean gertu, baita asteartean aurkeztu duten ikur berria ere. Lanean jarraitzea beharrezkoa dela gogorarazi dute, salbuespen politikak indarrean jarraitzen duelako: besteak beste, legez dagozkien gradu aldaketa eta espetxe baimenak ukatzean.
Pandemiagatik bi urteko etenaren ondoren, aurten manifestazio bateratua egingo dute Sarek eta Bake Bidea-Bakegileek. Presoen eskubideen alde egiteko manifestaziora deitu dute, Etxera bidean gertu lelopean.
Urruntze politika indarrean jarri zenetik 34 urte igaro direla gogorarazi dute asteartean Sarek eta Etxerat elkarteak, eta denbora horretan eragin duen “sufrimendu psikologiko, emozional, ekonomiko eta fisikoa” gaitzetsi dute. Itzulbiderik gabeko ondorioak nabarmendu dituzte: “Nola ahaztu etenik gabeko joan-etorri horietan errepidean hil diren hamasei pertsonak?”.
Donostian bildu dira, bi eragileek deituta, hainbat sindikalista, abokatu, kazetari, kulturgile eta kirolari. Xabier Eguzkitze bertsolariak –euskaraz– eta Iholdi Beristain aktoreak –gazteleraz– irakurri dute adierazpena.
Urruntze politika amaitzear
Urruntzea amaitzeko egindako lana goraipatu dute, eta preso gehienak dagoeneko Euskal Herrian daudela nabarmendu. 2023 hasieran denak Euskal Herriratzea espero dute bi eragileek.
Dagoeneko sei presori galarazi diete hirugarren gradua, Eusko Jaurlaritzak baimena eman arren
Hala ere, oraindik “bide luzea” egiteko dagoela oroitarazi dute, salbuespen-politikak indarrean jarraitzen duelako. Nabarmendu dute Espainiako justizia ukatzen ari zaizkiela presoei legez dagozkien eskubideak, hala nola gradu aldaketak eta espetxe baimenak. Dagoeneko sei preso dira espetxera itzuli behar izan dutenak hirugarren gradua lortu eta gero, Auzitegi Nazionalaren ekimenez.
Egungo egoerari, ikur berria
Etxera bidea gertu aldarrikapenarekin koherentzian, ikur berria ere aurkeztu dute Donostian. Oraingo honetan ez du Euskal Herriko maparik, “ez duelako behar”, eta Euskal presoak Euskal Herrira beharrean, etxera izango da leloa aurrerantzean.
Geziak mantendu dituzte, bidea egiten jarraitu behar denaren adierazle gisa. Horretarako hurrengo pausoa, adierazi dute, Bilboko larunbateko manifestazioan parte hartzea dela.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]
Eragile sozial, politiko, sindikal eta norbanako ugarik bat egin dute Sare Herritarrarekin, euskal preso politikoek jasaten duten eskubide urraketari amaiera emateko. Urtarrilaren 13an Bilboko kaleak hartzera deitu dute.
Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.
Espetxe politikaren ondorioz euskal preso politikoen “eskubideen urraketak” ematen direla salatu du Sarek, eta lege arrunta aplikatuz guztiak “etxera bidean” jartzeko unea dela aldarrikatu du. Donostiako manifestazioa abuztuaren 19an izango da, eguerdiko... [+]
Sare Herritarrak elkarretaratzea deitu du abuztuaren 4an Urretxun. Epaitegiak euskal presoen eskubideei “boikot” egiten ari direla salatu dute.
Ekainaren 27ko gauean sartu dute berriro espetxera, Espetxe Zaintzako Epaitegiak hirugarren gradura igarotzeari buruzko helegitea noiz ebatziko duten zain. Orain zenbait hilabetetatik, prozedura aldatu, eta fiskaltzak helegitea jartzen badu, kasua ebatzita egon ala ez, espetxera... [+]
34 urtez luzatu den euskal preso politikoen sakabanatze politika amaitutzat eman dute Etxeratek eta Sarek, ostiralean Espainiako Gobernuak iragarritako bost Euskal Herriratzeekin. Pozez hartu dute berria bi elkarteek, eta iragarri dute orain lanean jarraituko dutela preso,... [+]
Dozenaka mila lagun bildu dituzte larunbatean Bilbon Sare Herritarra plataformak eta Bake Bidea mugimenduak, euskal presoen eskubideen aldeko manifestazioan. Etxera bidea gertu lelopean, salbuespenezko espetxe politika amaitzeko eskatu dute, eta Espainiako eta Frantziako... [+]
Urtarrilaren hasieran euskal preso politikoen eskubideen alde Bilbon egiten den manifestazioa beti da berezia eskubideen aldeko egutegian, baina aurtengoa bereziki nabarmendu da, besteak beste, dagoeneko sakabanaketaren amaiera irudikatu nahi delako.