Salbuespenezko espetxe politikaren aurka, Sarek manifestazioa deitu du larunbaterako Donostian
"Resolution! Etxera!" lelopean, manifestazioa deitu du Sarek hilaren 24an, Donostian. Antigua auzoan hasi eta Kontxako hondartzan amaituko da, mosaiko batekin.
Ekimen honen helburua Espainiako eta Frantziako estatuetan presoei aplikatzen zaien espetxe politikaren "salbuespen egoera" salatzea da. "Hainbeste urtetako sufrimenduarekin amaitzeko eta konponbiderako eta bizikidetzarako urrats irmoak ematen hasteko momentua" dela adierazi dute Sareko kide Joseba Azkarraga eta Inaxio Oiartzabalek. Mobilizazioa Donostiako Antigua auzoan hasiko da, eta Kontxako hondartzan amaituko da, mosaiko handi bat osatuz.
Sarek azken hilabeteetan gerturatzeak eta presoen lekualdatzeak izan direla aitortu duen arren, adierazi du ez dela nahikoa, "204 presoetatik sei baino ez daude euskal espetxeetan" eta egoera hau "behin betiko amaitzea" eskatu du.
Koronabirusaren egoera dela eta, presoen eguneroko bizitza eta beren senideena nabarmen aldatu direla adierazi dute. "Espetxeetan, kontuan izan behar da, leku itxi eta masifikatuetan bizi direla eta honek, osasun eta higiene baldintza prekarioak izatea dakar". Senideek, bestalde, bisitak egiteko zailtasunak besterik ez dituztela adierazi dute. "Presoen 89 haurrei eragiten dien egoera da hau, horietako askok sei hilabete baino gehiago daramatzate aita, ama edo biak ikusi gabe". Une hau aprobetxatzeko garaia dela gehitu dute, eta dei egin diete euskal herritarrei, larunbatean Donostian izateko.
Mobilizazioan segurtasun neurriak bermatuko direla jakinarazi dute, lau ilaratan antolatuko dira eta parte hartzaileek musukoa jantzita eramango dute. Ilaren artean metro eta erdiko distantzia mantenduko da une oro. Bukaeran osatuko duten mosaikoan ere neurri berak errespetatuko dira. Osasun krisiaren larritzearekin Eusko Jaurlarizak hartutako azken neurri murriztaileen aurrean, Sarek jakinarazi du deialdia egoera berrira egokituko duela, eta mosaikoa "Euskal Herriko herri eta auzo gehienetatik lotutako 600 pertsonekin" osatuko dela.
Donostiatik ere, datorren larunbatean mobilizatzeko deia egiten dugu! Egoera zail hauetan, kartzeletan eta senideek bizi dutena are gogorragoa delako. 📌URRIAK 24, 17:00 Antiguatik #Resolution #izanbidea #denaketxera pic.twitter.com/qH2jr8wWS8
— Sare Donostia (@SareDonostia) October 18, 2020
"Jarrera proaktiboagoa" eskatu dio Eusko Jaurlaritzaren Justizia Sail berriari Sarek, abuztuaren 20an egindako prentsaurrekoan. Espetxeetako normalizazioa "oraindik urruti" dagoela salatu dute, ikusita 148 presoetatik "ehun preso baino gehiago" egon... [+]
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]
Eragile sozial, politiko, sindikal eta norbanako ugarik bat egin dute Sare Herritarrarekin, euskal preso politikoek jasaten duten eskubide urraketari amaiera emateko. Urtarrilaren 13an Bilboko kaleak hartzera deitu dute.
Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.
Espetxe politikaren ondorioz euskal preso politikoen “eskubideen urraketak” ematen direla salatu du Sarek, eta lege arrunta aplikatuz guztiak “etxera bidean” jartzeko unea dela aldarrikatu du. Donostiako manifestazioa abuztuaren 19an izango da, eguerdiko... [+]
Sare Herritarrak elkarretaratzea deitu du abuztuaren 4an Urretxun. Epaitegiak euskal presoen eskubideei “boikot” egiten ari direla salatu dute.
Ekainaren 27ko gauean sartu dute berriro espetxera, Espetxe Zaintzako Epaitegiak hirugarren gradura igarotzeari buruzko helegitea noiz ebatziko duten zain. Orain zenbait hilabetetatik, prozedura aldatu, eta fiskaltzak helegitea jartzen badu, kasua ebatzita egon ala ez, espetxera... [+]
34 urtez luzatu den euskal preso politikoen sakabanatze politika amaitutzat eman dute Etxeratek eta Sarek, ostiralean Espainiako Gobernuak iragarritako bost Euskal Herriratzeekin. Pozez hartu dute berria bi elkarteek, eta iragarri dute orain lanean jarraituko dutela preso,... [+]
Dozenaka mila lagun bildu dituzte larunbatean Bilbon Sare Herritarra plataformak eta Bake Bidea mugimenduak, euskal presoen eskubideen aldeko manifestazioan. Etxera bidea gertu lelopean, salbuespenezko espetxe politika amaitzeko eskatu dute, eta Espainiako eta Frantziako... [+]