Presoen auziaren konponbidean egindako lehen etapa baloratu, eta aurrera begirako bideari ateak zabaldu dizkiote Baionan
Azken bi urteetan Frantziako Estatuarekin izandako elkarrizketen emaitza baloratu dute Bake Bidea, Bakegileak eta Ipar Euskal Herriko ordezkaritzak. Presoen afera konpontzera bidean, egindakoa lehen etapa izan dela adierazi dute, eta aurrera egiteko data jarri: azaroaren 2a.
Presoen auzian konponbidea bultzatu asmoz Frantziako Estatuarekin elkarrizketa abiatu zenetik bi urtera, Bake Bidea, Bakegileak eta Ipar Euskal Herriko ordezkaritzak prentsaurrekoa egin dute ostiralean Baionan. Epe-tarte honetan egindako lanaren balorazioa egin dute.
Adierazi dutenez, “konponbide orokor eta definitibo baten perspektiban” ari dira lanean, baina oraindino lehenengo etapan, euskal presoei ezartzen zaizkien salbuespenezko neurriekin bukatzea xede duena. Lehen etapa horren lehentasunak lirateke DSP estatusak —bereziki zaindutako presoei ezartzen zazkienak—, hurbilketak eta baldintzapeko askatasunak bultzatzea eta preso gaixoak.
DPS estatusa kendu edo berritu ez zitzaien presoak bederatzi izan ziren 2017ko uztaila eta 2018ko maiatza bitartean; maiatzetik gaur artean, berriz, beste hamasei DPS estatus altxatu dira.
Baldintzapean aske geratzeko hamaika eskaera egin dira, eta horietatik bi ez dira onartuak izan, eta bederatzi aztertzeke daude, horietatik hiru kasutan zigor bukaera hurbil dagoela argudiatuta.
Gaixotasunagatik, bi suspentsio eskaera egin dira. Oier Gómezek egin zuen horietako bat: 2017ko apirilaren 26an askatu zuten eta 2019ko urtarrilaren 26an zendu zen. Beste eskaera Ibon Fernández Iradik egina da, baina erantzunaren zain da, urriaren 30erako espero dena.
Presoen gerturatzeari dagokionez, hurbilketa prozesuak aldatu egin du Frantziako Estatuko urrunketa mapa. Hiru etapatan egindako hurbilketak, momentuz, soilik gizonezko euskal presoak gerturatu ditu:
– Hurbilketak 3 etapatan : 2018ko martxoa-2018ko ekaina 14 gizon hurbildiak izan dira Mont-de-Marsan et Lannemezaner, 2018 uztaila – 2018 iraila, 10 gizon eta 2019 maiatza - 2019 urria 5 gizon. #OrainPresoak
– Mapa 2017 eta 2019 pic.twitter.com/oPKx3KfmTx
— Bake Bidea (@BakeBidea) October 4, 2019
Mont-de-Marsanen eta Lannemezanen (Okzitania) ari dira elkartzen horiek, eta bide horretan jarraituko dute.
Emakume presoak “epe motzera begira” ez direla hurbilduak izanen jakinarazi dute. Akitaniako espetxeetan ez dago emakumeentzako modulorik. Alabaina, emakumeek kontrakorik ez badiote, hauek Roazhongo espetxean (Bretainia) batuko dituzte. Orotara, zortzi dira Frantziako espetxeetan preso dauden euskal preso emakumeak.
Justiziaren alorrean “pauso oso garrantzitsuak baina noizbehinkakoak" egin direla eta epaileek "jarrera arrunt izoztua" izan dutela salatu dute bozeramaileek, baita fiskaltza orokorraren jarrera kritikatu ere.
Aurrera begira lanean jarraitu asmoz, azaroaren 2an "bake prozesuko aktore guztiak" bilduko dira. "Ez gara bidearen bukaeran; Baionako Adierazpena aktualizatu behar dugu, eta prespektibei gogoetatu behar dugu", adierazi dute bozeramaileek.
Datorren urtarrilaren 11n Bilbon Sare Herritarrak deitutako mobilizazioaren leloa “Behin betiko konponbidea” izanen da, eta urtero bezala milaka lagunen babesa espero du Sarek.
EAEko Justizia Auzitegi Nagusiak ebatzi du hirugarren graduan dagoen presoak eskubidea duela langabezia jasotzeko. LAB sindikatuak aurrekari gisa ikusi du epaia eta urrats bat dela dio "presoen oinarrizko eskubideak aitortzera bidean".
Espainiako Estatuko espetxeetatik Euskal Herriratu gintuztenetik Zaballako espetxean komunikazioaren alorrean gabezia ugari topatu ditugu. Aurrez aurreko gutxiago eta laburragoak dauzkagu, lokutorioko bisitak baldintza tekniko kaxkarretan gauzatu behar izan ditugu eta telefono... [+]
"Jarrera proaktiboagoa" eskatu dio Eusko Jaurlaritzaren Justizia Sail berriari Sarek, abuztuaren 20an egindako prentsaurrekoan. Espetxeetako normalizazioa "oraindik urruti" dagoela salatu dute, ikusita 148 presoetatik "ehun preso baino gehiago" egon... [+]
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.