Presoen auzian urrats berriak emateko exijitu diote Parisi 10.000 lagunek Baionatik
Senideek ireki dute bidea "ez dadila historia errepikatu, orain presoak" lemapean egindako manifestazioan, atzetik ukan dituztela Ipar Euskal Herriko hamar bat gazte, bake prozesuan daukaten papera azpimarratzeko helburuarekin. Hautetsi andana ere bertaratu da, aniztasun zabala irudikatuz beste behin ere. Euskal presoen auziari dagokionez, guztiek dizkiote urrats berriak exijitu Frantziako Estatuari.
10.000 lagun batuz Lapurdiko hiriburuan, manifestazio jendetsua izan da “Ez dadila historia errepikatu, orain presoak” lemapean egindakoa. Hamar bat traktorek irekirik bidea senideei, txalo eta “euskal presoak etxera” oihu artean abiatu da manifestazioa 15:30ean, Bilbokoari tenorez lekukoa uzteko gisan.
Euskal presoen auziari dagokionez, azken bi urteetan emandako urratsak kontuan hartu arren –hurbilketa batzuk eta DPS estatusaren kentzeak–, bidean pauso berriak emateko deia luzatu diote Frantziako Estatuari antolatzaileek. Parisen partetik dagoen “immobilismo” joera deitoraturik, “atzoko blokeoak gainditu diren bezala, gaurkoak ere gainditzeko beharra” azpimarratu dute bukaerako hitzartzean Bake Bideako Anais Funosasek eta Mixel Berhokoirigoin Bakegileak. Besteak beste, gogoan ukan dituzte 30 urtez geroztik Frantziako kartzeletan diren Ion Parot, Jakes Esnal, Xistor Haranburu baita Espainiako Estatuan preso dagoen Unai Parot. “Pertsona horiek preso atxikitzea heriotza zigorrera kondenatzea da”. Etxean eta bizirik nahi dituztela erranik, horretarako borrokatuko direla argi utzi dute. Espainiako Estatuan gobernu berria dagoela kontutan harturik, Pedro Sánchez Espainiako presidenteak iraganean adierazitako kartzela politika aldatzeko nahia oroitarazi eta “hitzetatik ekintzetara pasatzea” exijitu diote.
Hautetsien aniztasuna Baionan
Hirorugei bat hautetsik luzatu zuten aste honetan Baionako manifestaziora bertaratzeko deia. Horietarik anitz ikusgai izan dira manifestazioan. Tendentzia politiko zein kargu ugaritakoak, berriz ere islatu da bake prozesuak Ipar Euskal Herrian daukan sostengu anitza. Besteak beste, auzapez andana, eskualdeko zein departamenduko Kontseiluetako kontseilariak eta Frantziako Parlamentuan aulkia daukatenak egon dira Baionan urtarrilak 11 honetan. Tartean Max Brisson senatorea eta Vincent Bru diputatua. Hautetsien inplikazioaren erakusle, Euskal Elkargoaren izenean hitza hartu dute Maider Behotegi eta Kotte Ezenarro auzapezek ere manifestazio bukaeran. Parisi urrats berriak eskatu dizkiote haiek ere: “Presoak dauden bitartean ez da bake prozesu iraunkorrik izaten ahal”. Justizia trantsizionalaren gauzapena beharrezkotzat daukate, “biktima guztien justiziarako, egia jakiteko, erreparaziorako eta gertatutakoa errepikatuko ez den segurtamenerako eskubidea bermatzeko”.
Gazteak eragile
Emmanuel Macron Frantziako presidentearen hitzak berriz hartuz, haiek ere “historia errepikatzerik” ez dutela nahi erranik, lehen lerroan egon dira Lapurdi, Nafarroa Beherea eta Zuberoako hamar bat gazte. Tartean egon da Joana Hoqui Zuberoako Azia eta Prefosta elkarteetako kidea. Gazteek bake prozesua bultzatzeko eta borrokaren segida hartzeko garrantzia azpimarratu du Hoquik. Banderolaren atzean agerturiko gazteek osatu “aniztasuna” ere nabarmendu du, bake iraunkor eta justu bat lortzeko bidean aniztasunak ezinbesteko garrantzia duela azpimarratuz.
Gazteek dute Baionako manifestaziorako banderola atxikiko. Joana Hoquik azaldu digu haien mezua. @argia #U11Baiona #OrainPresoak pic.twitter.com/QproiVl0jE
— Jenofa_B (@Jenofa_B) January 11, 2020
Makila eskuan etortzea eskatu zuten antolatzaileek eta deiari baikorki erantzun diote ehundaka herritarrek. Makila airean eta "euskal presoak etxera" oihu artean bukatu dira bukaerako hitzartzeak. Irrintzi bat botaz eman diote bukaera Baionako manifestazioari, lekukoa Bilbori pasaz. Bat bukatu orduko bestea abiatzen zelako.
https://twitter.com/Jenofa_B/status/1216033699340390400?s=20
Irrintzinarekin bukatu da Baionako manifestazioa. 10.000 lagun batu dira Lapurdiko hiriburuan. Bilboko manifestazioarekin lotura eginez agurtu dituzte bertaratuak antolatzaileek. @argia #U11Baiona #OrainPresoak pic.twitter.com/EJ1Juempx5
— Jenofa_B (@Jenofa_B) January 11, 2020
Manifestazioko zenbait argazki jarraian
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.