Presoek bideo-deiak egiteko aukera izatea aldarrikatu du Etxeratek
Euskal presoak dituzten Espainiako eta Frantziako 55 espetxeetatik 14tan soilik ari dira 10-15 minutuko bideo-deiak egiten. Presoak bisitarik eta jarduerarik gabe dauden honetan, inoiz baino beharrezkoago jo ditu bideo-deiak Etxeratek. Lehentasuna pekuliorik ez duten edo gaixo dauden presoek dutela azpimarratu du.
Espetxeetan pandemia kontrolatzeko Espainiako eta Frantziako estatuek hartu duten erabaki nagusia “ohiko eta ezohiko komunikazioak etetea” izan dela azaldu du Etxeratek. Presoek zein haien senideek emandako informazioa oinarri, “kontaktua” mantentzeko ezarri diren neurriak ez direla nahikoak ziurtatu du, alternatibak garatzea defendatuz.
Presoek bideo-deiak egiteko eskubidea dute Espainiako Estatuan, baina espetxeak ez dira informazio hori ematen ari “kasu gutxi batzuetan izan ezik”, eta senide eta lagunen bitartez ari dira eskubidearen berri izaten presoak. Hamalau espetxeetan ari dira WhatsApp bidezko 10-15 minutuko deiak egiten. Etxeratek horien zerrenda jakinarazi du: “Almería, Cáceres, Castelló emakumeak, Granada (ezohiko egoeretan: heriotzak, etab.), Herrera, Jaén, Logroño emakumeak (baimendua), Murcia I (orain hastear), Ocaña I, Puerto III, Villabona (gizonezkoak eta ezohiko egoeretan), Teruel, Villena eta Zaballa”. Frantziako estatuko kartzeletan presoek ez dute bideo-deirako eskubiderik.
Idatziz komunikatzeko zailtasunak handiak izaten ari dira ere, Etxeraten esanetan: “Ia 20 espetxetara ez dira gutunak iristen”. Ohiko komunikazio bideak etenik, telefono dei gehiago egiten ari dira presoak, dituzten gastuak areagotuz. Etxeratek deien prezioen murrizketa eskatu du.
Bideo-deien garrantzia
Bideo-deiak egitea borondate kontua da euskal preso politikoen senide eta lagunen elkartearen ustez. Gaixorik dauden presoak, senide edo lagun gaixoak dituztenak eta pekuliorik ez dutenak lehentasuna direla aldarrikatu du Etxeratek. Bisitak eta bisak debekatuta eta espetxe barruko jarduerak etenik, telefono bidezko dei arrunt bat edo bideo-dei bat zeharo ezberdinak direla azaldu du: “Batez ere adin txikiko seme edo alabei, adin nagusiko gurasoei, arazo psikologikoak dituzten pertsonei, animikoki gaizki dauden pertsonei edo gaixotasun kronikoak dituzten pertsonei egin behar badizkiete”.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.