“Presidente euskalduna, feminista eta errepublikazalea naiz”
Podemos Ahal Dugu-ko Ainhoa Aznarez da Parlamentuko presidente berria. 26 boto izan ditu alde, eta 24 boto zuri izan dira. Foru Legebiltzarreko lehen presidente euskalduna da.
Abian da Nafarroako Parlamentuko IX legealdia. Eraketa bilkuran, Ahal Duguko Ainhoa Aznarez hautatu dute presidente moduan. 44 urte ditu. Altsasuarra da. Haur hezitzailea. PSNko kide ohia. Alderdi horrekin, Iruñeko zinegotzia izan zen. Eta bere burua modu honetan definitu du, karguaz jabetu berritan: “Presidente euskalduna, feminista eta errepublikazalea naiz”.
Kazetarien aitzinean egindako lehen hitzetan, Aznarezek bizi dugun unearen garrantzia nabarmendu du: “Une historikoa da, aldaketaren unea. Nafarroa grisa atzean utzi nahi dugu, Nafarroa koloretsua lortzeko”. Bide horretatik, Parlamentua herritarrei zabalduko dietela gaineratu du: “Batzarrak egiteko tokia ere izanen da”.
Eraketa bilkuran, euskara nagusi
Gaurko eraketa bilkuran euskara izan da nagusi, Adin Mahaiko presidente Koldo Martinezek euskara hutsean egin baitu saio ia osoa. Gainera, parlamentari karguaz jabetzeko tenorean 21 parlamentari euskaldunek euskaraz hitzeman edo zin egin dute. Haietako askok, euskara hutsean. Haien artean, UPNko Cristina Altunak eta Iñaki Iriartek. Kurioski, lehen sei parlamentariek euskaraz jardun dute: Virginia Aleman (Geroa Bai), Cristina Altuna (UPN), David Anaut (EH Bildu), Adolfo Araiz (EH Bildu), Isabel Aranburu (Geroa Bai) eta Miren Aranoa (EH Bildu).
Hizkuntza aferak alde batera utzita, parlamentari askok formula luzeak erabili dituzte hitzeman edo zin egiteko tenorean. Geroa Baiko, EH Bilduko eta Ahal Duguko denek nabarmendu dute legeak hala aginduta egiten zutela. Izquierda Ezkerrako Nuinek errepublikazalea dela azpimarratu du.
Bestalde, Urritasunak dituzten pertsonak zaintzen dituzten zentroetako langileek elkarretaratzea egin dute Parlamentuaren aitzinean, UGT, CCOO, ELA eta LAB sindikatuek sinaturiko pankarta batekin. Yolanda Barcina jarduneko presidenteak esan du bera eta bere alderdikideak iraindu egin dituztela. Zenbait kazetarik horretaz galdetu diote Ainhoa Aznarezi. Parlamentuko presidenteak erantzun du bera irainen aurka dagoela, baina adierazpen askatasuna ere errespetatu beharreko balorea dela.
(CC lizentzia baliatuta, Euskalerria Irratitik jasotako albistea. Hemen origilanala: Ainhoa Aznarez: "Presidente euskalduna, feminista eta errepublikazalea naiz"
Nafarroako Parlamentuko zarata politikotik at, Uxue Barkos lehendakariak gizartea lasai dakusa. “Kalera ateratzen bazara, jendea lasai ikusten duzu, lasaitasunez hartzen dute azken lau urteotan gizartean gertatu den aldaketa sakona”, adierazi du Barkosek,... [+]
Nafarroako Foru hauteskundeak maiatzean izanen dira. EiTB Focusek egindako inkesta baikorra da oro har, gaur egun, Nafarroako Gobernuan ari den koalizioarentzat. Iruñeko Udalean ordea, egungo gobernuaren jarraipena kolokan liteke.
Nafarroako Ahal Duguko bozeramaile ohiak bere kontra abiatutako prozesua salatu, eta aldaketa arriskuan ez dagoela azpimarratu du.
Eremu mistoko hainbat herritan egingo dute kanpaina. Herritarrak instituzioei zonifikazioarekin amaitzeko eskabidea egitera bultzatu nahi dituzte.
Nafarroako Parlamentuko Bozeramaileen Batzordeak ferietako liskarragatik auzipetutako gazteen kontra fiskaltzak egindako zigor eskaeren aurka egin du.
Nafar Gobernuak energia plan berria aurkeztu du “2030 Ikusmuga Plan Energetikoa” zirriborroan. Energia berriztagarrien erabilpena %21etik %51ra handitzeko asmoa duen arren, planak Castejóngo zentral termikoak ixteari buruz ez duela ezer esaten salatu du... [+]
Hainbat sindikaturekin batera egindako agerraldian Nafarroako Gobernuari galdegin diote Madrilekin mantentzen ari den negoziazio eteteko eta "tren soziala zehazteko", herritarrei "parte hartzeko aukera" emanda.
Foruzaingoaren jarduna eraberritu eta gomazko pilotak ez erabiltzeko erabakia bururaino eraman dute, Ertzaintzak eskainitako bi prestakuntza ikastaro jasoz eta material berria eskuratuz.
UPN, PPN eta Ciudadanosekin batera parte hartuko du PSNk ekainaren 3ko manifestazioan. Nafarroako bandera defendatzeko aitzakiarekin egin dute bat deialdiarekin. Alderdiaren militante batzuek desadostasuna adierazi dute.
Nafarroako eta Espainiako Gobernuek AHTaren inguruan “ez-betetze klausulak” sinatzea proposatu du Iñigo De la Serna Barne Ministroak. Manu Aierdik ontzat hartu du proposamena: "Izugarri ona iruditzen zait ardura duena behartzea sinatutakoa... [+]
Mugikortasun planak sortu ditu desadostasunak. Ostegun goizean Podemosek, Aranzadik eta Izquierda-Ezkerrak agerraldia eginen dute. Joseba Asiron alkateak desadostasunak onartu ditu baina harrituta azaldu da udal gobernuaren krisia dagoela entzutean.
"Zigortzailea eta murriztailea" den legea bertan behera utziko dute Gobernua babesten duten lau alderdiek. 2003. urtetik dago abian Ikurren Legea, baina orain, Udalen autonomiaz baliatuta, udalerri bakoitzak erabakiko du zein ikur jarri erakunde ofizialetan.
Nafarroan 2003tik indarrean dagoen Ikurren Legea baliogabetu egingo du foru gobernuak, hura sostengatzen duten lau indarrek (Geroa Bai, EH Bildu, Podemos eta Izquierda-Ezkerra) hala adostu eta gero. Zigorrik eragingo ez duen lege berria sortzeko prozesu parte hartzailea iragarri... [+]
Nafarroan 2003tik indarrean dagoen Ikurren Legea baliogabetu egingo du foru gobernuak, hura sostengatzen duten lau indarrek (Geroa Bai, EH Bildu, Podemos eta Izquierda-Ezkerra) hala adostu eta gero. Zigorrik eragingo ez duen lege berria sortzeko prozesu parte hartzailea iragarri... [+]
Vascuencearen Legearen 30. urteurrenean Kontseiluko idazkari nagusiak esan du "ospatzeko deus ez dagoela, gehiago dagoela lege horrek utzitako ondorio latzen inguruan ohartarazteko”.