Hitz egin du; baita urduritasuna erein ere. Bere aldekoen artean, hizlaria nola dagoen erakusten duelako. Gainerakoon artean, haren pentsaera argitzen digulako.
Joe Biden presidentearen hanka-sartzeen aniztasuna ez ezik sakonera mitikoa bihurtzen ari da. 2024ko munduak horixe bakarrik behar zuen. Zer esanik ez bere hauteskunde-kanpainak.
Oraingoan, ekonomia-immigrazioa-xenofobia hirutasunari suertatu zaio Bidenen asmazioa: “Zergatik dago Txina horren gaizki ekonomikoki, zergatik ditu arazoak Japoniak, zergatik Errusiak, zergatik Indiak; xenofoboak direlako. Ez dute etorkinik nahi. Etorkinak dira indartsu egiten gaituztenak”.
Ez da erraza horren esaldi laburrean hainbeste kaikukeria uztartzea. Baina Bidenek bote lasterrean egin duela ematen du.
Orokorrean, ez dut uste inork inoiz frogatu duenik xenofobiak beherakada ekonomikoa erakartzen duenik. Aitzitik, alderantzizkoa, estualdi ekonomikoak xenofobia erein eta gartu dezaketela, hamaika aldiz egiaztatu den zerbait da, nik uste.
AEBek historia luze bezain zabala dute atal horretan. Preseski, asiar jatorriko langile etorkinak izan dira historikoki, beltzekin batera, halakoen nozitzaile handienak AEBetan. Bai lege-bidez eta bai eraso zuzenez. Sarkastikoena da haietako batzuen oinordekoen aurrean jaulki zuela Bidenek bere ergelkeria, Asian American, Native Hawaiian and Pacific Islander Heritage Month-aren hastapenean. Nork bere propaganda sinesten duenean, horrelakoak gertatzen dira.
Zehaztasunetan murgilduz, “irekitasunaren” eredu eta onuradun liratekeen AEBen BPGa %2,5 hazi zen iaz (aurreikuspenak onduta); haatik, Bidenek maiseatuen artean, Japonia bakarrik ibili zen horren azpitik (%0,9). Errusia %3 inguru hazi zen, Txina %5,3 eta India %6,8.
Buruhauste ekonomikoak izango dituztela haiek ere? Bai, noski. Bidenek immigrazioari egiten dion “ongietorriak” Mexikorekiko mugan gorabeheraren batzuk dituen bezalaxe. Eta AEBetako gizartean xenofobiaren tankera guztia duen zerbait hedatzen ari denean.
Halaz eta guztiz ere, Bidenen ateraldiari arbuiatu zaion gauza bakarra izan da bi aliatu (Japonia eta India) bi etsairekin (Txina eta Errusia) zaku berean sartu izana. Bost axola dio nonbait iraganeko nahiz egungo errealitateak.
Enperadore biluzaren fabulak badu, beraz, XXI. mendeko remakea: presidente biluzak, larrugorritan dagoela ez ohartzeaz harago, gogotik epaitzen du ingurukoen –adiskideen zein etsaien– janzkera. Eta egitatea salatuko duten haurrak falta dira, agidanez.
Afari solidarioak banatzen diren ordu eta leku berean zegoen antolatuta baimenik ez zuen elkarretaratzea. Tentsio une handiak izan dira, eta Ertzaintzak KASen aldeko hainbat jarraitzaile identifikatu ditu.
Udaletxe aurrean eginiko prentsaurreko jendetsuan, Donostian gertatzen ari diren jarrera arrazista, klasista eta faxistekin kezka adierazi dute hiriko eragile sozial eta politiko ugarik. Irakurketa bateratua eskaini dute 37 eragilek, besteren artean, Ernai, GKS, Bilgune... [+]
Elkarretaratzea egin dute Iruñean asteazkenean SOS Arrazakeria taldeak eta LAB sindikatuak salatzeko zapia buruan erabiltzen duten zenbait emakumeri "mehatxuak" eta "irainak" eragin dizkietela euren lanpostutan. "Ohikoa" den diskriminazioa... [+]
Bost urtean, Inor ez da ilegala proiektuak lau haizetara zabaldu ditu migratzaileen eskubideen aldeko lelodun kamiseta, jertse eta poltsak; elkarlana eta elkartasuna oinarri dituen ekimenak istorio eta bizipen ugari oparitu dizkigu; eta zoritxarrez, inoiz baino biziago... [+]
Eskuin muturraren “diskurtso guztiz arrazisten”arriskuaz ohartarazi du Unai Hualde presidenteak. Bere aburuz, erakundeak giza eskubideak urratzen dituzten jokaerak ekidin behar ditu.
Immigrazioaren Euskal Behatokiaren 2023ko Barometroaren emaitzek diote “2021ko balioetara itzuli dela” euskal gizartearen "tolerantzia-maila". Datuen arabera, horrek lotura zuzena du Ukrainako gerraren kronifikazioarekin eta asilo-eskarien egonkortzearekin.
Profil horretako pertsonen %80 polizia-kontroletan geldiarazia izan da, Frantziako Giza Eskubideen Defendatzaileak ziurtatu duenez. Praktika horrek "komunitate desberdinen eta Poliziaren arteko gatazkak areagotu ditzakeela", ohartarazi izan dute adituek, aspalditik.
2022an Ertzaintzak erregistraturiko gorroto delituen berri eman du Eusko Jaurlaritzak: 438 gertakari guztira, 2021ean baino %57 gehiago. Arrazakeria eta xenofobiari lotutako delituek jarraitzen dute izaten zabalduenak, eta atzetik dituzte sexu-joera edo sexu-identitateari... [+]
Algorithm Watch-ek egindako ikerketa batek azaldu duenez, biktimei egindako test batek biktimen eta erasotzailearen jatorriaz galdetzen du. "Atzerritartzat", ordea, Mendebaldekoak ez direnak baino ez ditu jotzen.
Europako Batasuneko diplomaziaburu den Josep Borrellek kutsu zibilizatzaileko adierazpen xenofobo eta eurozentrista larriak egin ditu Europako Akademia Diplomatikoaren inaugurazio ekitaldian.
2021ean salatutako edo ezagututako gorroto delituen berri eman du Espainiako Barne ministroak. Hego Euskal Herrian, 309 kasu zenbatu dituzte denera, baina askoz gordinagoa da errealitatea: gorroto delituren bat jasan dutenen %80ak ez du salatzen, hainbat ikerketaren arabera.