Prentsa askatasunaren aurkako sokak ez du etenik: oraingoan AraInforen kontra jo dute
Enpresa batek kereila jarri du Aragoiko AraInfo hedabidearen eta haren bi kazetariren aurka, baita Zaragoza en Común-eko zinegotzi baten aurka. Zaragozako Udalak enpresa horri emandako dirulaguntzen inguruan, komunikabide independenteak argitaratutako informazioari erantzuteko jarri dute salaketa. “Kazetariak beldurtzeko eta isilarazteko saiakera” dela salatu dute AraInfoko lagunek.
Inversiones Empresariales Ebro enpresak AraInforen eta Chorche Tricas eta Iker González hedabidearen sortzaile eta kazetariaren aurkako kereila jarri du, baita Suso Domínguez Zaragoza en Comúneko zinegotziaren kontrakoa ere bai. Irainak, kalumniak eta sekretuen berri ematea leporatzen die enpresak. AraInfoko lankideek azaroan argitaratu zituzten bi artikuluren ondorioz etorri da salaketa.
Enpresa horri Zaragozako Udalak emandako dirulaguntza batzuen berri eman zuten Arainfon. Kereila jaso duten bi kazetariek sinatutako bi artikuluetan, enpresarien eta agintarien arteko gertuko harremanak eta dirulaguntzen esleipenean irregularrak izan zitezkeen hainbat faktore azaldu zituzten. Adibidez, Inversiones Empresariales Ebro enpresako burua dela Escuela y Despensa elkarte sozial, kultural eta enpresarialaren sortzailearen semea. Bera izan zen Zaragozako Luis Buñuel Zentro Sozial Komunitarioaren aurkako auzibidea martxan jarri zuena. 2023ko otsailean hustu zuen Zaragozako Udalak, orduan Jorge Azcón (Aragoiko Gobernuko presidentea) eta Zaragozako egungo alkate Natalia Chuecaren (PP) agindupean.
Prozesu judizialaren hasiera
Inversiones Empresariales Ebrok zuzenketa publikoa eskatu dio AraInfori ondorengo bi artikuluetan: "Zaragozako Udalak (PP) 70.000 euroko dirulaguntza eman dio gaur egun itxita dagoen polo-frankizia bati" eta "Chuecaren lagunentzako beste 65.000 euroko dirulaguntza". Oraingoz, prozedura adiskidetze-fasean dago, eta bi aldeen arteko bilera martxoaren 6an egingo dute Zaragozako epaitegietan. Enpresak dagoeneko iragarri du kereila aurkeztuko duela hedabidea zigortu dezaten. Zigor Kodearen arabera, bi urteko espetxe-zigorra eta/edo milaka euroko isuna izan daitezke.
“Ez gaituzte isilduko”
AraInfoko langileen batzarrak akusazioak errefusatu ditu eta argitaratutakoa ez dutela aldatuko iragarri du. Halaxe diote hitzez hitz: "Badakigu oasia garela Aragoin, boterearekin kritiko diren hedabide bakarretakoa. Horregatik, salaketa hau hartzen dugu prentsa-askatasunaren eta informazio-eskubidearen aurkako beste eraso judizial baten aurrean beldurtzeko saiakera gisa. Kazetariak eta hedabideak beldurtzea eta isilaraztea besterik bilatzen ez duten erasoak dira. Prentsa librearen idiosinkrasian dago beldurra gainditzea eta eskubidea defendatzeko erarik onena horixe da: argitaratzea".
Kazetarien aurkako kereilak etenik gabe Espainiako Estatuan
Azken urteotan ARGIAk harreman zuzena eraiki du Arainfo hedabidearekin eta bertako kazetariekin, kazetaritza ulertzeko era partekatzen dugun beste hedabide independente batzuekin batera: Herrialde Katalanetako La Directa eta El Salto kasu. Hain zuzen ere, lau hedabideok, salbuespenik gabe, azken urteotan hainbat mehatxu eta kereilari egin behar izan diegu aurre kazetaritzarekin lotutako gure jardun profesionalagatik.
AraInfoko lagunek zabaldu berri duten komunikatuan eraso horietako batzuk zerrendatu dituzte: "Prentsa-askatasunaren aurkako erasoak etengabeak izan dira azken urteotan Espainiako Estatuan. Hemerotekako adibideak ugariak dira: Diagonaleko (orain El Salto) Ter García kazetariarena 2014an, Raúl Capín fotokazetariarena 2016an, eta Verónica Landa kazetariarena 2018an. 2023ko ekainean, Argia hedabideak prentsaurrekoa eman zuen — "Kazetaritza ez da delitua" komunikatua zabaldu ondoren — meatze-multinazional baten zentsura-saiakera salatzeko. Urte horretako azaroan, La Directa egunkariak 'Periodisme no és terrorisme' komunikatua kaleratu zuen, Jesís Rodríguez kazetaria Tsunami Demokratikoaren kasuan inputatu ostean. Duela gutxi jakin dugu Carlos Sosak, Canarias Ahora egunkariko zuzendariari 23 urteko kartzela-zigorra ezarri nahi diotela. Eta otsailaren 15ean, Jose Manzaneda euskal kazetariaren aurkako epaiketa egin zen, irainengatik, kalumniengatik eta gorrotoa bultzatzeagatik, beste salaketa baten biktima izan baitzen".
#AraInfoSinMordazas
Hedabide independenteen osasuna, neurri handi batean, elkarren arteko laguntzaren araberakoa dela azpimarratu dute Aragoiko kazetariek, eta, beraz, "hedabide bat zentsuratzen saiatzen badira, hedabide guztiok gara galtzaile". Horregatik, #AraInfoSinMordazas kanpaina abiatu dute informazio-askatasunaren alde egiteko. Babesa eskatu diete kazetaritza kritiko eta independentea defendatzen duten pertsona, kolektibo eta hedabide guztiei.
2023an ezagutu genuen Solway Investment Group multinazional suitzar-errusiarraren boterea noraino iristen den. Guatemalan duen Fenix meategiaren gehiegikeriak agerian uzten zituen ikerketa baten berri eman zigun Prensa Comunitariako kazetari batek, eta elkarrizketa hori [+]
Pablo Gonzalezek Errusian jarraitzen du, Poloniako Gobernuak pasaporteak konfiskatu zizkion kazetariari eta "Poloniako autoritateen esperoan" daude, Euskal Herrira bueltatzeko. Hala azaldu dio Gonzalo Boyé abokatuak Berriari.
Poloniako Fiskaltza Nazionaleko bozeramaileak adierazi du euskal kazetaria oraindik formalki akusatu ez badute ere, “legearen arabera auzi-ihesean akusatua” izan daitekeela. Gonzalez preso trukean sartzeko erabakia Washingtonetik etorri zen, baina Poloniako zerbitzu... [+]
Kazetariak adierazi du ez diotela argi azaldu zergatik espetxeratu zuten, eta espetxean zegoela “bere buruaz beste egitea” iradoki ziotela, Russia Today-n izandako elkarrizketa batean. Esan du laguntza “gutxien espero zen tokitik” etorri dela.
Osasun artak biltzen ari da Pablo Gonzalez Moskun une honetan. Joan den astean, Poloniako Radomgo segurtasun handiko espetxetik atera zen kazetaria bi urte eta bost hilabeteko preso egon ondoan. Poloniak leporatzen zion espioitza frogatu gabe libre atera da.
2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]
"Kereilatuei –Chorche Tricas eta Iker González kazetariak– egotzi eta iraingarritzat jotzen zaizkien artikuluak "adierazpen- eta informazio-askatasunaren barruan daude", eta Zaragoza en Común-eko zinegotzi Suso Domínguezen kasuan... [+]
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Erruduntzat joko du bere burua Euskal Herrian gauerdia denean egingo den epaiketan. Erresuma Batuan espetxean egon den denborako –bost urte eta bi hilabete– espetxe zigorra ezarriko diote. Horrela, aske geratuko da.
Palestinar errefuxiatuei laguntzeko UNRW agentziako kideak dira hildakoak. NBEko langileen heriotza tasa altuena dela jakinarazi du agentziak. Israelek momentu oro jakin du non zeuden laguntzaile humanitarioak, eta “berariaz” egin die eraso, salatu duenez. 122... [+]
Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]
Joan den azaroaren 6an Espainiako Auzitegi Nazionaleko Manuel García-Castellón epaileak hamabi pertsona auzipetu zituen Tsunami Democratikoa auzia dela eta. Ostegun honetan ezagutu zen hiruk atzerrira ihes egin dutela, tartean Jesús Rodríguez La... [+]