Prentsako Argia Saria: Sahara. Herri bat erresistentzian
Sahara. Herri bat erresistentzian liburuak jaso du 2024ko prentsa saria. Herritarrei ahotsa emanda, sahararren aurkako errepresioa eta haien erresistentziarako kemena transmititzeko egindako ahaleginagatik jaso du saria Kristina Berasain Tristan liburuaren egileak.
Honengatik saritu du Sahara. Herri bat erresistentzian liburua ARGIAk:
"Kazetari honek ametsa betetzea erabaki du eta hala egitea lortu du. Bi hamarkadatan idatzi du nazioartean ahaztuta eta isilarazita dagoen herri baten borrokaz, eta duela gutxi, egindako lanari kronika itxura eman eta liburua argitaratu du. Kazetariak berak altxor preziatutzat ditu urtetan jasotako testigantzak, lekukotza gogor eta latzak, lurralde okupatuetan, lurralde liberatuetan eta errefuxiatu guneetan bizi diren herritarrek kontatutakoak. Hiru eremuetan lan egin ahal izan duen kazetari bakanetakoa da.
'Pertsona bakar baten bizitzaren bidez, herri oso baten historia idatz daiteke', saria jasoko duenari, berari, irakurri diogu esaldi hori. Lan honetan, herritarren lekukotzak eta historia tartekatuta, behin eta berriz traizionatu duten herri baten aurkako errepresioa kontatu du, hasi duela mende erdi eta gaur egunera artekoa.
Mendebaldeko Sahararen askapenerako borroka lehen lerrora ekartzeagatik. Herritarrei ahotsa emanda, sahararren aurkako errepresioa eta erresistentziarako kemena transmititzeko egindako ahaleginagatik jaso du saria Kristina Berasainek".
Kristina Berasainek eskerrak eman dizkio, besteak beste, ARGIAri "ahaztutako herrien" kronika liburua saritzeagatik: "Munduan ahaztutako herri eta gatazka asko daude". Hemen bere hitzak:
Negozioak eta interesak zapaltzaileen buruetan. Izan herri bat zapaltzeko, hizkuntza bat, kultura bat, memoria edo ingurumena. Dirua, sosa. Egoerarik makurrenetan ere, ordea, usu pizten da erresistentziaren su txikia, interesen gainetik duin bizi nahi duen jendearen mugimendua... [+]
Dani Blancok ateratako argazkiak Usurbilen.
Folklorea kristalizatu den gauza hori zela zioen Ion Celestinok ARGIAn. Eta tradizioa, aldiz, une jakin batek ematen duen lorea dela azaltzen zuen.
ARGIA Sariak “tradizio” bilakatu direla esango genuke gaur egun. Hasteko, eta gehiegi pentsatu gabe, 35. urtez... [+]
Gordegia.eus, Donostiako Egia auzoko artxibategi grafikoak jaso du interneteko Argia Saria. Herritarren memoriaren lekukotasuna denon eskura jartzeagatik eman zaio saria, eta Arkaitz Artola, Juanpe Urrosolo eta Fernando Olaldek jaso dute Antton Mendizabalen oroigarria.
Guggenheim Urdaibai Stop plataformak jaso du 2023an egindako komunikazio kanpainarik onenaren saria. Aspalditik datorren borroka bati bultzada berria emateagatik, eta ingurumena eta herritarrak erdigunean jartzeko lanean aritzeagatik eman dio ARGIAk saria. Antton Mendizabalen... [+]
Bost sari banatu ditugu aurten: ikus-entzunezko saria Bizkarsoro filmari eman zaio, prentsa saria Sahara. Herri bat erresistentzian liburuari, entzunezko saria Ez gatoz Paristik podcastari, internet saria gordegia.eus artxibategi grafikoari eta komunikazio kanpaina onenaren... [+]
Bizkarsoro filmak jaso du ikus-entzunezkoen Argia Saria. Euskararen iragan hurbilari errepasoa egiteaz gain, jasandako zapalkuntzari eta altxatzeko grina izan zutenei aitortza egiteko modu bat da pelikula. Saria jaso dute Josu Martinez zuzendariak, Katti Pochelu ekoizleak eta... [+]