Prekarietatearen aurkako 28. elkarretaratzea antolatu dute Bizkaiko Ezkerraldean
Murrizketa sozialak salatu eta lan baldintza hobeak eskatu dituzte hainbat sindikatuk eta eragilek ekainaren 19an Sestaotik Santurtzira egindako martxan.
“Ezkerraldea martxan, por un futuro digno” lelopean, 28. aldiz antolatu dute prekaritatea eta murrizketa sozialak salatzeko martxa Bizkaiko Ezkerraldean. Ekainaren 19an, Sestaotik irten eta Santurtzirainoko bidea egin dute hainbat sindikatuk, elkartek eta langilek. Antolatzaileek sistema kapitalistak eragindako krisi estrukturala konpontzeko aberastasunen bidezko banaketa aldarrikatu dute.
Hainbat sektoreren inguruan bildutako eragileek hartu dute parte elkarretaratzean. Sindikatuen aldetik, ELA, LAB, STEILAS, ESK, CGT-LKN eta CNT-k deitu dute manifestazioa. Eskubide sozialen defentsan jarduten duten erakundeak (Berrio-Otxoak eta Santurtziko Eskubide Sozialen Bulegoa), elkarte feministak eta zaintzaren ingurukoak (Argitan, Neba-Neba eta Zaintza Gune Barakaldo), ikasle eta gazte antolakundeak (Ikama, Harian eta Ernai) eta talde ekologistak (Eguzki eta Barakaldo Naturala) ere bertaratu dira. Azkenik, deialdiarekin bat egin dute Bizkaia-Ezkerraldeko pentsiodunen elkarteak eta lan gatazkak dituzten enpresetako plantilla batzuek ere: ITP Aero-PCB, Petronor, Mediapost eta San Juan de Dios ospitaleko langile batzordeak.
Antolatzaileek hainbat arlori lotutako aldarrikapenak egin dituzte martxan zehar, baina salaketa guztiek errudun bakarra dutela nabarmendu dute. Kaleratu duten manifestuan esan dute gizarteak bizi duen egoera latza ez duela koronabirusak sortu: “kapitalismo bortitzak eragin du krisi ekonomiko, sozial, ekologiko eta demokratiko hau, eta orain, pandemiaren aitzakia baliatuko da gero eta aberastasun gehiago esku gutxiagotan pilatzen jarraitzeko”. Horren aurrean, konponbidea aberastasunaren bidezko banaketa dela azaldu dute, bereziki Ezkerraldean jasaten ari diren larrialdi sozialari (soldata kaskarrak, kaleratzeak eta prekarietatea) aurre egiteko.
Martxaren abagunea erabilita, lan-erreformak eta pentsio-erreformak indargabetzeko eskaera egin dute antolatzaileek, eta 1.200 euroko guxtieneko soldata eta 1.080 euroko gutxieneko pentsioa aldarrikatu dituzte. Finantzaketaren aldetik salaketa egin dute, eta Espainiako Estatuko gastu militarra handitzearen aurka egin dute. Arlo publikoari lotuta, baita, kalitatezko zerbitzuen aldeko aldarrikapena zabaldu dute, bereziki zaintza duinduko duen sistema publiko baten eta emakumeen aurkako indarkeria desagerraraziko duen gizarte feministaren alde.
Aurreko mobilizazioak
2020ko urtarrilaren 30ean Euskal Herriko Eskubide Sozialen Kartak deitutako greba orokorra eta apirilaren 17an Sestaon egindako desindustrializazioaren aurkako manifestazioa izan dira ekainaren 19an egindako grebaren zedarri. Guztietan aldarrikatu dute “bizitza duina” jomuga duen sistema.
Ekonomialariei asko gustatzen zaizkie merkatuen jokabideak adierazten dituzten grafikoak, kurbak alegia. Deigarria egin zait zentzu horretan Pluralistic webguneko “The future of Amazon coders is the present of Amazon warehouse workers” artikuluan (Amazonen... [+]
Ezbeharra ostegunean gertatu da eta SOS Nafarroak 16:00 orduak jotzear zirela jaso du haren berri. Medikua, anbulantzia et Foruzaingoa bertarako dira, baina ezin izan dute gizona suspertu eta bertan hil da.
Buñueleko (Nafarroa) kasuan, 34 urteko gizona makina batean harrapatuta geratu da. Arratzun (Bizkaia), aldiz, garabiak goi-tentsioko linea bat ukitu ostean hil da 61 urteko gizona.
Betsaide enpresan gertatu da, 08:00ak aldera. Urtea hasi denetik gutxienez bederatzi behargin hil dira.
2024ko laneko ezbeharren txostena aurkeztu dute LAB • ESK • STEILAS • EHNE-etxalde eta HIRU sindikatuek aurtengo otsailean. Emaitza larriak bildu dituzte: geroz eta behargin gehiago hiltzen dira haien lanpostuetan.
Jakina da lan ikuskariak falta ditugula geurean. Hala ere, azken egunotan datu argigarriak ematea lortu dute: lan ikuskaritzaren arabera, EAEko enpresen %64ak ez du ordutegien kontrolean legedia betetzen. Era berean, lehendakariordeak gaitzetsi du, absentismoaren eta oinarrizko... [+]
Eguerdian gertatu da istripua, 25. kilometroan, Nafarroako Martzilla herriaren inguruan. 2025ean hil den zazpigarren lagilea da.
LAB, ESK, STEILAS, EHNE-etxalde eta HIRU sindikatuek osatzen duten lan osasuneko intersindikalak agerraldi publikoa egin du Bilbon, 2024ko ezbeharren txostenaren harira. Azken hamar urteetan 612 langile hil dira istripuz Euskal Herrian, 64 pasa den urtean.
52 urteko altsasuar bat hil da ostegunean Arbizun lan istripua izan ostean, Nafarroako Foruzaingoak jakinarazi duenez. Urtea hasi zenetik Euskal Herrian lan istripu batean hildako laugarren langilea da. Ezbeharra herriko erdigunean dagoen etxebizitza bat zaharberritzeko lanetan... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Beharginak Excavaciones Mendiola enpresarako ari zen lanean, Construcciones Urrutia enpresaren azpikontrata. Langilearen lehenengo eguna zen sektorean lanean.
Araba, Bizkaia eta Gipuzkoan, 18 eta 34 urte bitarteko gazte soldatadunen hileko batez bestekoak lehenbiziko aldiz gainditu du 1.500 euroko langa. 2010arekin alderatuta, ordea, 142 euro besterik ez da igo.
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
Boroa industrialdean hil zen 41 urteko I.P.C langilea, abenduaren 30ean biltegiko inbentarioa egiten ari zenean. ELA eta LAB sindikatuek, eta Jaurlaritzako Segurtasun Sailak eman dute istripuaren berri.
-(1).jpg)
The Guardian egunkariak Épernayn (Frantzia) txanpain-industrian aritzen diren migratzaileen egoera aztertu du. Ikerketak agerian utzi ditu luxuzko xanpaina-marken mahastietan lan egiten dutenen baldintza prekarioak eta legez kanpokoak.