Prefetak debekatu du Bake Bidea-k antolatu biharko blokeoa
Larunbatean Ipar Euskal Herria blokatzera deitu dute Bake Bidea-k. Hamarnaka herritarrek eta egiturek bat egin dute blokeo deiarekin eta errepide zein ekimen ezberdinetan eragina ukanen duela aurreikusten da. Erantzun gisa, ekimena debekatzea erabaki du Frantziako Estatuaren ordezkari Eric Spitzek. Parean, protesta mantentzea erabaki du Bake Bidea-k.
Ekainean iragarri zuen blokeo eguna Bake Bidea-k, Jakes Esnal eta Ion Parot preso lapurtarren askatasuna eskatu eta Frantziako Fiskaltzaren aurkako jarrera etengabea salatzeko. "Tentsioa sortuko dugu arreta erakartzeko", adierazi zuten ekimenaren aurkezpen egunean. Egunez egun giroa berotuz joan da, eta azkenik, blokeoa debekatzea erabaki du Eric Spitz prefetak. Hala eta guztiz ere, protesta mantentzen duela berretsi du Bake Bidea-k. Ipar Euskal Herri osoko errepide sarea blokeatzeko asmoa du bake prozesuaren alde dabilen egiturak eta hori "Paris mugiarazteko".
Ekimena prestatzeko lanean ari dira bakegileak eta hamarnaka herritar batuko zaizkie bihar blokeoak gauzatu ahal izateko. Hamar hitzordu leku finkatu dituzte, Baionan, Miarritzen, Bidarten, Pausun, Ziburun, Azkainen, Ezpeletan, Donibane Garazin eta Maulen.
Mediabask atariak argitaratu duenez, blokeoaren eta bere zergatiaren inguruko informazioa bidali diete Ipar Euskal Herriko erakunde eta zerbitzu publikoei, kanpinei edo ostalariei. Batetik, beren jarduna moldatzeko aukera izan dezaten, eta bestetik, ekimenaren berri ematera gonbidatuz. Eta asko dira neurriak hartu dituztenak eta blokeoak funtzionatu behar luke bihar.
Normaltasuna hautsita
Baionako Komertzio eta Industria Ganbarak enpresei ekimenaren berri eman die, larunbatean bidaiak ekiditea gomendatuz. Euskal Hiri Elkargoak kudeatzen dituen zortzi igerilekuak itxita egongo direla jakinarazi dute, “funtzionamendu baldintza normalak” ezin direlako “bermatu”. Baionako auzapez Jean-René Etchegarayk erabaki du larunbateko merkatua ostiralera aurreratzea. Anaiz Funosas Bake Bideaneko bozeramaileak Mediabask-i adierazi dio kanpinetatik deiak jaso dituztela ekimenagatik galdezka eta turismo bulegoak turistei jakinarazten ari zaikiela blokeo eguna dela larunbatekoa. “Hainbat sektoreetatik erakutsitako jarrera arduratsuak atsegin handiz harritu gaitu”, adierazi du.
Kazeta.eus komunikabideak jakitera eman duenari segi, "lege haustetzat" eta "kaltegarritzat" jo du blokeoa Pirinio Atlantikoetako prefeta Eric Spitzek. Zigorraren mehatxua ere luzatu du Frantziako Estatuaren ordezkariak: "Dena filmatua eta judizializatua izanen da. Matrikulak eta identitateak Baionako prokuradoreari helaraziko zaizkio, eta honek, zalantzarik gabe, zorroztasun handia erakutsiko du, zirkulazio askerako askatasunaren izenean". Agiri bidez jakinarazi du blokeoa debekatzeko erabakia. Hala eta guztiz ere, Bake Bidea-k mantentzen du biharkoa eta prentsaurrekoa eginen du arratsalde bukaeran.
Fiskaltza Esnal eta Paroten aurka
Frantziako Fiskaltzak Esnal eta Parot presoen aurka duen jarrera salatu eta mugiarazteko asmoz antolatu du Bake Bidea-k eta sostengatzaile diren "bakegileek". Bi lapurtarrek 32 urte daramatzate preso, eta epaileak baldintzapeko askatasuna ematearen alde agertu badira ere, prokuradoreak aurka egin du. Ostegunean aztertu dute azkenengoz haien kasua, Parisko Dei Auzitegian, eta Terrorismoaren Kontrako Fiskaltzak kartzelan mantentzea eskatu du berriz ere.
Erabakia irailaren 22an jakinaraziko dela aurreikusten da.
Urte hasiera honetan ere Bilboko kaleak bete ditu Sare Herritarrak larunbatean Bilbon antolatutako manifestazioak. Presoei ezartzen zaizkien salbuespeneko lege eta tratamenduekin amaitzea eskatu dute amaierako ekitaldian, eta memoria “kolektibo” bat eraikitzea... [+]
Larunbat honetan egingo da Bilbon euskal preso politikoen aldeko urteroko manifestazioa. Gero eta preso gutxiago dago, baina 2011n ETAk bere jarduera armatua eten zuenean inork gutxik irudikatuko zuen handik hamabost urtera oraindik gatazka haren ondorioz espetxeratutako... [+]
Jar gaitezen 2025erako proposamen politiko gisa, Espainiako Auzitegi Kolonialaren (AN) epai guztiak berrikusten hasteko eta makila bakoitzak bere belari eusteko.
Unionismoarekin lerrokatutako alderdi, sindikatu eta gizarte-erakunde gehienek, eta ez bakarrik horrela... [+]
Datorren larunbaterako, urtarrilaren 11rako, Sare Herritarrak euskal presoen eskubideen aldeko manifestazioa deitu du, beste urte batez, Bilbon. Aukera paregabea da gure herriarentzat elkarbizitzaren bidean aurrera egiteko, hainbat hamarkadatan liskar bortitzetan murgilduta egon... [+]
Konponbide prozesuari eta etxeratze prozesuari behin betiko amaiera emateko aldarrikatuko dute, eta euskal preso behin betiko etxean nahi dituztela. Laguntza ekonomikoa jasotzeko Bizumkada Nazionala ekimena jarri dute martxan.
Merino 2001. urtean atxilotu zuten, eta dispertsioa jasan du, zigorraren zati handi bat Euskal Herritik kanpoko kartzelatan igaro baitzuen baldintza “zailetan”. Orain, askatasuna berreskuratu du.
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.
Zerk harritu zintuen gehien kartzelatik atera zinenean? Galdetu didate maiz azken urte eta erdian.
Bilboko kaleak turista eta bi hankadun txakurrez lepo daudela ikusteak, adibidez? Edo egoera politikoaren aldaketak? Lehenengoak akitu eta amorratu nau, badago zer borrokatzen... [+]
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko... [+]
Josune Arriaga eta Aurken Sola, hurrenez hurren, hamalau eta hamasei urteko espetxealdien ostean, baldintzapeko askatasunean irten dira kalera Espetxe Zaintzako Epaile Zentralaren ebazpenaren bidez.
Europar Batasunak presoen zigorren bateratzea erabaki zuen 2008an. Espainiak ez zuen agindu hori bete. Legearen erreforma etorri da, orain. 52 presori eraginen die neurriak. Sare elkarteko kide Mikel Mundiñanok xehetasunak eman dizkigu Metropoli Forala saioan.