PPri esker onartu dute tramitera EAJ eta PSEren Diru Sarrerak Bermatzeko Errentaren erreforma
PPren abstentzioak EAJ eta PSEren lege proposamena tramitera onartzea ahalbidetu du. EH Bilduk eta Elkarrekin-Podemosek aurka bozkatu dute. Euskal Herriko Eskubide Sozialen Kartak legebiltzarrak emandako urratsa kritikatu du.
Gobernuaren Diru Sarrerak Bermatzeko Errenta (DSBE) moldatzeko lege proposamena tramitera onartzea lortu zuten atzo PSEk eta EAJk, Alderdi Popularrari esker. Bi urtez blokeatuta egon da gaia, Gobernuak 2017ko maiatzean lege-proiektua aurkeztu zuenetik, oposizioko taldeen babesa lortzeko ezgai. Atzo, ordea, PPk aurkako botoa abstentzioagatik aldatu zuen.
Laura Garridok esan du PPk ez duela lege proposamena gustuko, ez doala norabide egokian, baina eztabaidari “ateak ireki” nahi dizkiola eta zuzenketen bitartez saiatuko dela zabaltzen den eztabaida fasean ekarpenak egiten.
Gainontzeko alderdien artean orain arteko posizioak eta argudioak errepikatu dira. Elkarrekin-Podemosek eta EH Bilduk lege proposamenaren aurka bozkatu dute, eta gogor kritikatu dituzte EAJ eta PSE, PPri esker aurrera egiteagatik. “Oso arriskutsua da eskuin xenofoboarekin, elektoralismoz gaiaran erabilpen ankerra egin duenarekin, bidea egitea”, esan du EH Bilduko Nerea Kortajarenak. Lege proposamen berria indarrean dagoena baino murriztaileagoa dela salatu dute bi alderdiek. Babesa gutxitu eta onuradunak kriminalizatzen dituela.
EAJk eta PSEk lege proposamenak DSBEa hobetzea lekarkeela defendatu dute: detektatutako “disfuntzioak” gainditzeaz gain, prestazioaren beharra duten pertsonak babestuago egongo direla. DSBEa jasotzeko aukerak zabaldu eta diru-sarreren zenbatekoak kasu askotan handitu egingo lituzke lege proposamenak, bi alderdien arabera.
Herri Ekimen Legegilearen alde
Euskal Herriko Eskubide Sozialen Kartako ordezkariak legebiltzarrean izan ziren atzo. Kartak DSBEaren legea moldatzeko Pobrezia eta Bazterketa Sozialaren Aurkako Herri Ekimen Legegilea (HEL) aurkeztu zuen legebiltzarrean 2018ko urrian, 51.000 sinaduraren babesarekin. 2019ko otsailean hura eztabaidatzea ere eragotzi zuten PSEren, EAJren eta PPren botoek. Kartako bozeramaile Jabier Saenzek Gobernua kritikatu eta HELaren proposamenaren alde egin zuen atzo berriz ere.
Ehundik gora herri mugimendu eta sindikatu batzen dituen Karta Sozialaz gain, herri eragile eta sindikatu gehiagok ere kritika komunak egin dizkiote EAJ eta PSEren proposamenari hura publiko egin zenetik. REASek, CCOOek, UGTk edo Caritasek, besteak beste. Iruzurraren diskurtsotik abiatzen dela salatu dute, eta horrek pobreziaren kriminalizazioan sakontzen jarraitzea dakarrela –Gobernuaren datuen arabera, iruzurra inoiz ez da heldu %1era–. Oro har proposamen murriztailea dela diote, helburua hain zuzen ere prestazioak hedatzea izan behar duenean.
Bide luzea aurretik
Ostegunean tramitera onartutako lege proposamenak bide luzea du orain aurretik. Eragile eta pertsonen agerraldiak egongo dira legebiltzarrean, ponentzia bat osatu, eta horri emendakinak egiteko tartea zabalduko da, besteak beste. Litekeena da prozesua amaitu aurretik legegintzaldia agortzea.
2008koa da DSBEaren inguruan indarrean dagoen legea, ondorengo urteetan egin zaizkion moldaketak barne. 2017ko maiatzean Gobernuak lege-proiektua aurkeztu zuen, “kontsentsu zabaleko paktu soziala” sustatzea helburu. Prozesu horren baitan abiarazi zuen Karta Sozialak HELa, 2018ko martxoan. Hilabete geroago, apirilaren amaieran, Gobernuak bere lege-proiektua alboratu eta Gobernua osatzen duten PSE eta EAJko legebiltzarreko taldeek DSBEren erreformarako lege-proposamena aurkeztu zuten, prozesu azkarragoa duena. Ekainean bertan eraman zuten osoko bilkurara onarpen bila. Babesik ez zutela ikusita, ordea, bozketa galdu baino nahiago izan zuten atzeratu.
Eusko Jaurlaritzako Enplegu sailak emandako datuek erakusten dutenez, Diru Sarrerak Bermatzeko Errenta (DSBE) gaizki jasotzen duten herritarren artean apenas dago iruzurrik, eta gehien gehienean administrazioaren tramitazio atzerapenek eragindakoak dira. Ordainketa horiek gero... [+]
ESK sindikatuaren Argilan plataformak, Berri Otxoak plataformak eta Euskal Herriko Etxebizitza Sindikatu Sozialistak helegitea jarriko diote DSBEaren araudi berriari, prestaziorako sarbidea mugatu eta "eskubide gehiago murriztuko" dituelako euren esanetan.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
EAEko parlamentuan aurrera egin du Inklusiorako eta Diru Sarrerak Bermatzeko Euskal Sistemaren lege aldaketak. Badago zer aztertu legearen eztabaidak, aldaketa egiteko ezker zein eskuin egin den akordioak, eta legeak ekartzen dituen berrikuntzak izan duten oihartzun eskasari... [+]
Teorian pobreak egoera horretatik ateratzea helburu duen Diru-Sarrerak Bermatzeko Errentan aldaketak adostu dituzte EAJ, PSE eta Elkarrekin Podemos-IUk, eta indarrean sartu da lege berria. Jende asko kanpoan uzten duela, pobrezia egoeratik ateratzeko ez duela balio eta txiroak... [+]
Diru Sarrerak Bermatzeko Errenta kobratzen hasi aurretik ere, prestazioa eskatu duen jendearen etxeak arakatzen ari da Ertzaintza: “Prebentzioaren izenean, egunero-egunero ari dira etxeetan sartzen; astakeria da eta jendea beldur da, modu oldarkorrean ari direlako,... [+]
Haurrak dituzten bi familia kaleratzeko duen asmoagatik ikatza bota dute Bilboko Santander banketxeko egoitzetako batean. EAJ, PSE eta Elkarrekin Podemosentzat ere izan dute ikatzik Olentzerok eta Mari Domingik, adostu duten Diru-sarrerak Bermatzeko Errentaren erreformak... [+]
Diru Sarrerak Bermatzeko Errentan aldaketak adostu dituzte Jaurlaritzak eta Elkarrekin Podemos-IUk: prestazioa jasotzeko malgutasun handiagoa eta eskatzaileentzat diru gehiago iragarri dituzte EAEn. Baina diru kopuruan, baldintzetan eta gestioan sakonduz gero,... [+]
Jaurlaritzak Gizarteratzeko eta Diru Sarrerak Bermatzeko Euskal Sistemaren Lege-proiektua onartu du eta Legebiltzarrean aurtengo urte bukaerarako onartuko dela espero da. Jaurlaritzaren esanetan, lege berriak jende gehiagori emango dio estaldura eta prestazioa jasotzen duen... [+]
Bizitzeko Gutxieneko Diru-sarrera onartu du Espainiako Gobernuak, EAEn eta Nafarroan lehendik ere daude DSBE eta Errenta Bermatua zeuden. Hala ere, milaka dir halako errentarik gabe geratuko direnak, desberdintasun sozialak maila asko baititu: generoan, nazionalitatean,... [+]
LAB sindikatuak adierazi du gizarte segurantzak hartu duela beregain berez zerbitzu sozialen eskuduntza den gutxieneko diru-sarreren errenta. Hego euskal herritarrentzat ez dakarrela onurarik azaldu du, eta burokratizazioa gehitzea ekarriko duela, "jasotzaileen... [+]
Diru sarrera aldetik baldintzak betetzen dituzten herritar askok ez dutela Espainiako Gobernuak onartutako errenta jasotzerik izango eta 462 eurok ez duela inor miseriatik ateratzen adierazi du Bazterkeriaren Aurkako Argilan-ESK plataformak.
Espainiako Gobernuak onartu duen bizitzeko gutxieneko diru-sarrera 460-1.000 euro artekoa izango da familia bakoitzarentzat. Hego Euskal Herrian, gutxieneko errenta horren osagarri izatera igaroko dira Diru Sarrerak Bermatzeko Errenta (DSBE) eta Nafarroako errenta.
Espainiako Gobernua onartzear den gutxieneko errenta izango da oinarri, eta horren osagarri izatera igaroko dira Diru Sarrerak Bermatzeko Errenta (DSBE) eta Nafarroako errenta. Hego Euskal Herrian Eusko Jaurlaritzak eta Nafarroako Gobernuak kudeatuko dituzte laguntzak.
2019 urte bukaeran 52.455 pertsonak jaso dute Diru Sarrerak Bermateko Errenta (DSBE). Hauetatik 10.418k lana badute baina oso prekarioa. Eta beste 13.421 pentsionistak dira. Azken sei urteetako txikiena da jaso dutenen kopurua.