PPren familiako bost izen Rajoyren buruhausterako
Aste nahasia bizi dute PPn eta asteazkenean baino ez gaude. Alderdia uztea erabaki duten beteranoak, jendaurrean alderdia gogor kritikatzen duten buruzagi ohiak, isiltasun esanguratsuak… Espainiako eskuina kriki-kraka dabil Euskal Herriko eta Kataluniako egoerei nola aurre egin eztabaidatzen.
Azkeneko astean zeresana eman dute PPren familiako bost izenek. Hartu dituzten erabakiek eta egin dituzten adierazpenek Mariano Rajoy Espainiako presidentearen politikak ezbaian jarri dituzte.
Jaime Mayor Oreja eta Alejo Vidal Quadras
Aznarren presidente garaietan Espainiako Barne ministro izandako politikari donostiarrak uko egin dio Europako hauteskundeetan PPko zerrendetan agertzeari. Erabaki horrekin paraleloan, Europako Parlamentuko presidenteorde Alejo Vidal-Quadrasek PP utziko duela iragarri du eta Vox alderdi berrian izena eman du.
Mayor Orejaren erabakiaren atzean Rajoyk ETAren amaierari dagokionez har dezakeen jarrera egon liteke. Espainiako presidenteak eta EAEko PPko buru Arantza Quirogak Iñigo Urkullurekin biltzeko data azkartzea adostu dute urtarrilaren 11ko konponbidearen aldeko manifestazioaren ondoren. Mayor Oreja berriz, edozein negoziaziori uko egitearen alde dauden PPren sektoreekin lerratu izan da azken urteetan.
Vidal Quadrasen irteerari dagokionez, Kataluniaren independentzia prozesuan Espainiako Gobernuak “arriskuak onartu” dituela adierazi du erabakia justifikatzeko. Beste motibo batzuk ere seinalatu ditu: ETArekin negoziatzeari buruzko jarrera, zergen igoera eta Espainiako botere judizialeko karguen banaketa, adibidez.
María San Gil eta Consuelo Ordoñez
EAEko PPko presidente ohiak adierazpen gogorrak egin ditu asteon alderdiaren kontra. “ETA, Batasuna, presoak, Sortu, Bildu eta gainontzeko etarren ingurunearekin” EAEn bizi den “amesgaiztoa onartzea” leporatu die PPko egungo buruzagiei.
Adierazpenak Gregorio Ordoñezen omenaldian bistaratu zen zatiketaren ondoren datoz eta Coviten, EAEko ETAren biktimen elkartean, gertatu den zatiketari lagunduz. Elkarte horretako presidente Consuelo Ordoñezek, Gregorio Ordoñezen arrebak, UPyD alderdiaren aldeko adierazpenak egin ditu PPtik urrunduz eta joan den astean Donostiako Polloe hilerrian egindako omenaldian hizketaldi deserosoa izan zuen Iñaki Oyarzabal EAEko popularren idazkari nagusiarekin.
Jose Maria Aznar
Espainiako presidente ohia ere batu da Rajoyren aste honetako buruhausteen zerrendara. Aznarrek ez du parte hartuko asteburu honetako alderdiaren konbentzio politikoan nahiz eta PPk bere parte hartzea segurutzat jotzen zuen (programan haren hitzaldi bat aurreikusita zegoen).
Aznarrek bidaia bat jarri du kale egiteko aitzakia gisa, baina El País egunkariak alderdiko hainbat iturri aipatuz argitaratu duenez, “arrakala handiak” daude Aznarren inguruak ordezkatzen duen PPren eskuineko sektoreen eta Rajoyren eskutik dabiltzan buruzagitzako kideen artean.
Proces-aren aurkako epai gogorra 2019ko urrian atera zen eta horrek Bartzelona sutan jarri zuen. Testuinguru horretan, Espainiako Estatuan bolo-bolo irakurri zen eskuineko prentsan jaregindako esaldi hau: “Espainiaren on beharrez, 50 urtero Bartzelona bonbardatu beharko... [+]
Ostegun honetan 30 urte bete dira ETAk Gregorio Ordoñez PPko Donostiako zinegotzia hil zuela. Hainbat arrazoirengatik euskal gizartean zirrara berezia sortu zuen atentatua izan zen. PPko eta PSOEko zinegotzien aurkako atentatuen atea ireki zuen.
Valentziako Generalitateko presidentearen aurka salaketa jarri du CGT sindikatuak, heriotzak saihesteko neurriak hartu ez izana leporatuta. Hogei bat eragile sozial eta sindikalek berriz, haren dimisioa eskatzeko manifestazioa antolatu dute hiriburuan, datorren larunbaterako.
Azken asteetan mobilizazio arrazistak piztu dira Gasteizko Errota eta Donostiako Egia auzoetan, eta biek iragarri dute asteroko deialdiei eusteko asmoa. Haien artean desberdintasunak daude, baita antzekotasun asko ere: sustatzaileak anonimoak izatea, konfrontazioa bilatzea, edo... [+]
Valentzian denboraleak eragindako hildakoen eta kalteen atzean faktore meteorologiko hutsak daudela pentsatzea inozoegia litzateke. Generalitateak larrialdia nola kudeatu duen salatu du askok, baita multinazionalen negozio egarria lehenetsi dela ere. Eta gune pobreenak kaltetu... [+]
Afari solidarioak banatzen diren ordu eta leku berean zegoen antolatuta baimenik ez zuen elkarretaratzea. Tentsio une handiak izan dira, eta Ertzaintzak KASen aldeko hainbat jarraitzaile identifikatu ditu.
L5 lineak Euskotrenen ibilbidea aldatuko du, eta geltoki batzuk eraitsiko dituzte, tartean Usansolokoa. Trenaren ibilbidea lurperatuko dute eta beste geltoki batzuk gehituko dituzte. 2022an, Eusko Jaurlaritzak linea horren jatorrizko proiektua aldatu zuen Usansoloko geltokia... [+]
“PPko polizia patriotikoak” Barne Ministerioaren datu-baseen bitartez, Podemoseko politikariak espiatu zituela informatu du El Paísek, horien artean Pablo Iglesias, Yolanda Díaz, Ione Belarra edo Irene Montero. Espainiako Estatu osoko autonomia erkidego... [+]
Valentziako Hezkuntza Kontseilaritzak 16 hizkuntzetatik bederatzitan murrizketak jakinarazi dizkie Hizkuntza Eskola Ofizialei, eta euskal hizkuntza da okerren geratu dena.
El Diario egunkari digitalak argitaratu du Ertzaintzaren txostena. Honela dio: “Espainiako Inteligentzia Zerbitzuak beraien Gasteizko langileak mobilizatu zituen ETA Al Qaedarekin lotu ahalko zuen informazio bila”. Dokumentuaren arabera, Italiako web orri bat... [+]
Gustavo Antépara Gasteizko Alde Zaharrean pisu turistikoak baimenik gabe ustiatu dituela eta bertan obra “klandestinoak” egin dituela argitaratu zuen ARGIAk 2023ko apirilean. Maiatzeko hauteskundeen osteko berregituraketan, Arabako eta Gasteizko PPko kide... [+]
Pedro Sánchezen eta Amnistia Legearen aurka antolatu dituzte manifestazioak, “espainiarren berdintasuna” aldarrikatzeko. Hego Euskal Herriko jendetsuena Iruñekoa izan da: 6.000 elkartu dira. Bilbon gizon bat atxilotu dute eta beste hiru identifikatu.
Sei urteko atzerapenaren ondoren, "kongresu demokratikoa" egingo du Euskadiko Alderdi Popularrak abendua heldu baino lehen. Laura Garrido eta Javier de Andrés dira hautagaiak.
Espainiako Gobernurako presidentegaia aukeratzeko elkarrizketak egin ditu Espainiako errege Felipe Borboikoak. Francina Armengolek, Espainiako Kongresuko Mahaiko presidenteak, jakinarazi du erregeak Feijóo aukeratu duela.