PPk etorkinen inguruan erabilitako diskurtso “xenofoboa” salatu dute
PSEk "hiriari horrenbeste kalte egin zioten iraganeko diskurtsoak" berreskuratzea egotzi die popularrei, eta EH Bilduk "eskuin muturreko jarreretara" hurbiltzen ari direla dio.
Azken egunotan Alderdi Popularrak etorkinen gaia jarri du berriro mahai gainean, eta jarrera horrek kritika gogorrak jaso ditu. Joan den astelehenean Madrilen egindako agerraldi batean, PPko antolakuntza idazkariorde Javier Marotok berriro immigrazioa eta gizarte laguntzak lotu zituen. Gasteizko alkate ohiaren esanetan, "legeak edo mendebaldeko kultura errespetatzen ez dituztenak, eta laguntza sozialen kontura bizitzera zein elkarbizitza arriskuan jartzera datozen pertsonek ezin dute berton egon, ezta egun bat gehiago ere".
Gasteizko alkatetzarako hautagai Leticia Comeronek ostegunean ekarri du diskurtso hori gurera, Gasteizko Udalak emandako "gizarte laguntzak izugarri igo" direla argudiatuta, eta igoera hori "dei efektuari" egotzita. Urtebetean laguntzak %47 hazi direla esan du Comeronek. Mezu hori zabaltzeko erabilitako bideo batean, PPk munduko mapa bat baliatu du, eta bertan azaldu du 118 errolda salbuespen egin direla "etorri berri diren pertsonek laguntzak kobratu ditzaten".
PSEk datuak "gako elektoralean" interpretatu izana egotzi dio PPri, eta "hiriari hainbeste kalte eragin zioten diskurtsoak" berreskuratzea leporatu dio ere. Ohar baten bitartez sozialistek azaldu dute "etxebizitzari lotutako beharrak" handitu direla, eta lehen existitzen ez ziren laguntzak daudela orain.
"Udal laguntzen barruan sartuta daude orain PPk Gizarte-Larrialdietarako Laguntza gisa hartzen zituzten hainbat kontzeptu".
EH Bilduk gogor kritikatu du PPk gai hori hauteskundeei begira erabili izana. "Zerrendaburuek jo puntuan jarri dituzte berriro ere pertsona ahulenei zuzendutako gizarte laguntzak", eta popularrek "ustezko 'dei efektu' baten mamua astindu" nahi dutela ohartarazi du alderdi abertzaleak. Bide horrek "auzotarren arteko banaketa eta gatazka sustatzen hastea" dakarrela dio, "orain dela lau urte hirian hainbesteko samina eragin zuen jarrera" berdina dela salatuz.
Albiste hau Arabako Aleak argitaratu du eta Creative Commons lizentziari esker ekarri dugu.
Javier Maroto Gasteizko alkate izan zen 2011-2015 legegintzaldian. Hasierako urteetan, José Ángel Cuerdaren irudiko "guztion alkate" izan nahi zuela ematen zuen. Alderdiaren kontra eginez Garoñaren eta frackingaren aurka, gaztetxearekiko eta... [+]
Telefonoak jo zion. Madrildik zen, etortzeko, probintziako liga utzi eta Bernabeura saltatzeko unea zela. “Azkenik”, atera zitzaion deia moztu bezain laster eta tenkatu zuen aurpegia imintzio batean, nahastu zitekeena irribarre batekin.
"Gerrarte" sasoian, Frantziako Estatuko hauteskundeen lehenengo eta bigarren itzuliaren artean alegia, fenomeno interesgarri baten lekuko izan ginen, garbi islatzen duena Europan eskuin muturrak bizi duen egoera eta horren aurrean gainerako indar politikoek duten... [+]
Egoera ahulenean daudenenganako elkartasun eza, denon dirutik "aprobetxatzen" omen diren horiekiko tolerantzia falta, jarrera politiko konkretuek elikatzen dute eta hauteskundeak dira neurgailu. Jar dezagun fokua Araban.
Diru-sarrerak bermatzeko errenta (DBE) eskuratzeko baldintzak zailtzea xede duen herri-ekimen legegileak Eusko Legebiltzarraren ezezkoa jaso du, kontrako 65 boto eta aldeko 10ekin.
Gora Gasteiz plataformak abiatutako Marotoren aurkako kanpainak fruituak eman ditu Udalaren osatzean. Bere diskurtso “arrazista” eta “xenofoboa” alkatetzatik kanpo uztea lortuta, balorazio oso positiboa egin du Gora Gasteizek.
EAJk erabaki du Gorka Urtaran alkatetzarako hautagai gisa aurkeztea eta EH Bilduk babesa bermatu dionez, jeltzalea izango da Arabako hiriburuko alkate.
Javier Maroto Gasteizko alkatea gizon batekin ezkonduko dela irakurri eta horra inuzenteki burura etorritako lehen pentsamendua:
Gasteizko Udalean Marotori alkatetza kentzeko eskaera egin berri dute kultura, gizarte eta politika alorreko hainbat pertsonaia ezagunek. Mugimenduaren bultzatzaile diren Blanca Urgell eta Joseba Azkarraga sailburu ohiak Info7 irratian izan dira. Biak ados agertu dira Marotok... [+]
Blanca Urgell (Patxi Lopezen Jaurlaritzan Kultura sailburu izandakoa), Jose Angel Cuerda Gasteizko alkate ohia (EAJ) eta Joseba Azkarraga EAEko Justizia sailburu ohia (EA) daude, besteak beste, ekimenaren atzean.
Botereari eusteko edozerk ez duela balio eta Javier Marotok marra gorria aspaldi gurutzatu zuela uste du gasteiztar askok. Hiritarrek ez dutela halako alkaterik merezi iritzita, sinadura bilketa abiatu dute, gainerako alderdiei eskatuz bat egin dezatela Maroto alkate izatea... [+]
Harro egoteko moduko Gasteiz bat dugu, hauteskundeen emaitzak ez gaitzala itsutu. Lortu dugu milaka herritarren aktibazioa arrazakeriaren kontra eta hiri koloretsu baten alde eta jakin dugu geure arteko desadostasunak eta ezberdintasunak alde batera uzten.
“Gorrotoa sustatzen” duten diskurtsoen aurrean “kolore ugaritako Gasteiz” defendatu dute Gazte Abertzaleek, EGIk eta PSEko gazteek berriki plazaratutako manifestu baten bidez: “Kultura-aniztasuna aberastasunaren oinarri izanen da, diskriminazio eta... [+]
“Gizarte laguntzetako iruzurra bezain nazkagarria da iruzur fiskala”, adierazi du Gasteizko alkateak. Kurioski, Marotok ez du neurririk, salaketa sutsurik eta sinadura bilketarik abiatu iruzur fiskalari aurre egiteko, bai ordea gizarte laguntzak murriztu eta... [+]