Powell eta McGuinness Euskal Herrian dira, EAJ, Sortu eta PSErekin biltzeko
Jonathan Powell eta Martin McGuinness nazioarteko bitartekariak Euskal Herrian dira, alderdi politikoekin bake-prozesuaren egoerari buruz hitz egiteko.
Rodolfo Ares PSEko Antolakuntza idazkariarekin, Rufi Etxeberria eta Pernando Barrena Sortuko kideekin, eta Andoni Ortuzar EAJko presidentearekin dira biltzekoak. PPk uko egin dio gonbiteari, eta UPyDko legebiltzarkide Gorka Maneirok eskerrak eman dizkie ez gonbidatzeagatik, helburu "gezurti eta manipulazaitelak" dituelako.
Iñigo Urkullu EAEko lehendakariak jakinarazi du ez dela nazioarteko bitartekariekin bilduko, haien bisitak "ezker abertzalearen estrategiarekin" bat egiten duelakoan, EFE agentziak dioenez.
Bestalde, Josu Erkoreka Eusko Jaurlaritzako bozeramaileak adierazi du Powellen azken bisitatik ez dela "ezer garrantzitsurik" gertatu. "Ona litzateke, hori baieztatzeaz gain, zerbait gehiago balego", esan du Erkorekak. Ezker abertzaleari zuzendu zaio Jaurlaritzako bozeramailea: "Hausnarketa eta azterketen aldia bukatutzat jo behar da. Zoru etikoa onartzea aurrerapena litzateke. Ezker abertzaleak agindu zuen aldebakarrez beteko zituela konpromisoak, eta horiek betetzeko garaian gaude jada".
ETAren biktimek modu “zintzoan, eraikitzailean eta pribatuan” egiten dizkieten eskaerak beti “aintzat” hartu dituela adierazi du Sortuko idazkari nagusiak, eta ongi etorrien kasuan “eskaera horiek betetzen saiatzeko” ahalegina egingo duela.
Gaur ez bezala, duela berrogei urte, euskaldunok egoera berri baten atarian ikusten genuen etorkizuna.Nafarroan eta EAEko Autonomi Estatutuak indarrean zauden. Hain ibilbide latz eta luzeari irtenbideak ikusten hasi ginen eta askatasunaren taupadak zoratzen gintuzten. Ura bai... [+]
Behin eta berriz esaten digute maiatz inguruan egingo direla Hego Euskal Herriko udal hauteskundeak, diputaziokoak Araba, Bizkaia eta Gipuzkoan eta forukoak Nafarroan. Hori ikustekoa bada ere, noiz egingo diren ez digu inongo kezkarik sortzen. Azken batean, lau urterik behingo... [+]
40 urteko diktadura frankistaren ondoren, beste horrenbesteko demokrazia aldia beteko da aurki. Demokrazia izan edo ez izan, indarrez hasi eta ahituz joan den gatazka armatuaren testuinguruan bizi izan dugu aro politiko hau.
Gatazkarik gabeko gizarte bat diktadura besterik ez da. Gatazkak, hala ere, “prentsa txarra” dauka: beldurra, indarkeria eta segurtasun eza burura ekartzen dizkigu. Gatazkaren alde egotea talibanengandik edo terrorismotik oso hurbil egotearen gauza bera omen da... [+]
Bake prozesu izenarekin ezagutzen den horretan, sarritan egiten da berba “egia, justizia eta erreparazioa” kontzeptuei buruz. Ondo daude, jakina: hirurak dira beharrezkoak. Baina laugarren hanka falta du planteamendu horrek biolentzia eza iraunkorra izan dadin:... [+]
