Filosofia gizarteratu nahi dute, eta hilean behin Pote Filosofikoak antolatuko dituzte, Tolosaldean eta Goierrin; lehena, asteazken honetan, Tolosako 3 tabernan izango da.
Filosofia eta trago bat. Tolosako 3 tabernan estreinatuko dute Pote Filosofikoak egitasmoa. Finean, unibertsitatetik atera nahi dute filosofia, eta eguneroko gaien gainean hitz egiteko txokoa bihurtu nahi dute. Tolosaldean emango diote hasiera, baina Goierrin ere egingo dituzte saioak.
Duela bi hilabete elkar ezagutu zuen laukotea da bultzatzailea. Joxe Azurmendi Katedrak elkartu dituela esan daiteke Beñat Esnaola orendaindarra, Alba Garmendia ikaztegietarra eta gallartarra den, baina Iruran bizi den Itsaslore Yarza. Tolosaldekoek, laukotea osatzeko, Mikel Urdangarin beasaindarra dute bidelagun.
Filosofia gizarteratu nahi dute, eta Gasteizen duela bi urte egin ziren kafe filosofikoei tiraka antolatu dute. «Plazara ateratzea nahi dugu filosofia, eta akademian ez dabiltzanen artean solasaldi filosofiko kritikoak izan nahi ditugu», dio Yarzak. «Egunerokoan eragiten diguten gaiak edo kezkatzen gaituzten gai horiek mahai gainean jarri nahi ditugu, eta horretaz hitz egin», gaineratu du Garmendiak.
Galdera bat izango du saio bakoitzak, eta lehena, Jada ezin dugu ezer(tan) sinetsi? izango da. 18:30ean hasiko da saioa, eta 20:00ak arte luzatuko da. «Galdera moduan planteatu nahi genituen eztabaidak jendeak jakin dezan zertaz doan gaia. Galderarekin iruditzen zaigu jada jendeari zer pentsatua ematen diogula», argitu du Esnaolak.
Borobilean eseri, eta bi aditu gonbidatu dituzte, eta biak ala biak, Joxe Azurmendiren kongresuan izan zirenak. Alde batetik, Andoni Olariaga izango da Erlatibismoaren egiak liburu argitaratu berriarekin, eta bigarren gonbidatua, Irati Zubia, filosofiako masterreko ikaslea da eta Egia-osteaz ariko da. Bakoitzak bere gaia kokatuko du hamabost bat minutuan. Gai guztiz zabala izan daiteke: «Hor dago pote filosofiko honen erronka. Joaten denaren arabera bideratuko da gaia. Guk ideia batzuk ditugu aurretik, baina ezin da jakin nondik nora joango den saioa», azaldu du Garmendiak.
Horrek ezberdintzen duela hitzaldi batetik dio Esnaolak, eta ateak zabalik dituzte hizketarako gogoa duen edonorentzat.
Etorkizun laburrekoak kezkatuago gaude etorkizunarekin etorkizun luzekoak baino. Bizitzaren CCCLXIX. legea da. Aho-korapiloa ematen du, bizitzaren legeak, ordea, ez ditut nik idazten, bizitzak berak baizik.
Lege horrek, taxuzko lege guztien antzera, salbuespenak baditu, baina... [+]
Egun, lagunak erosteko aplikazio asko daude: AlquiFriend eta Ameego dira ezagunenak, eta, antza, oso ondo funtzionatzen dute, batez ere Ameriketako Estatu Batuetako hiri handietan. 600.000 erabiltzaile inguru dituzte. 120 dolar norbaiti ordaindu, eta ordu pare batez zurekin... [+]
Martxoaren amaieran Donostiara etorri zen Amador Fernández-Savater bere liburu berria aurkeztera: Capitalismo libidinal [Kapitalismo libidinala]. Bisita labur batek mami handia izan dezake. Madrilera itzuli aurretik elkarrizketatu genuen, harilkatuz politika,... [+]
Pasa den urtarrilean, Yuk Hui filosofoak hitzaldi bat eskaini zuen –solasaldi bat, hobeto esanda– Donostiako Tabakaleran. Azken urteotan oihartzun handia izan du haren lanak, eta goraino bete zen aretoa. Besteak beste, monoteknologismoaren pentsamendu-ildoa kritikatu... [+]
Gorputzaren gaiak pisua hartu du egungo diskurtsoetan, era askotara agertzen zaigu. Hala ere, eztabaida berri samarrak dira: beste garai batzuekin alderatuta, gorputza nahiko baztertua egon da Mendebaldeko pentsamenduaren historian.
Niri, egia esan, lagungarria egiten zaizkit... [+]
Palestinarrek pilotu israeldar bat bahitu, epaitu eta urkatuko balute, ez litzateke gauza bera?”. Halako eta bestelako galderei erantzun nahian, Hannah Arendten Eichmann Jerusalemen liburua abiapuntu izanda, mahaiaren bueltan elkartu ditugu bi filosofo eta politologo bat,... [+]
Aurten 60 urte bete dira Hannah Arendtek Eichmann Jerusalemen liburua kaleratu zuenetik. Urte bat gehiago pasatu da Adolf Eichmann funtzionario nazia, Holokaustoaren "arduradun logistikoa", Israelen urkatu zutenetik. Eichmannen epaiketaren jarraipen... [+]
Zure arreta harrapatu nahiko nuke, irakurle; artikulua dastatzeko gogoa piztu. Ezinezko helburua? Egun, irakurketaren bidez norbaiten arreta harrapatzea gero eta zailagoa omen da. Irakurtzea ez omen dator bat egungo estimulazioaren intentsitate eta abiadurarekin; ez omen du bat... [+]
Jakinduria eta argia lotzeko tradizioa oso zaharra da. Indoeuropar hizkuntzetan biak estekatzen dituzten metaforak hain dira ohikoak, hain daude sartuta, non ez baitira ia kontzienteki sumatzen. Baina ez horietan soilik, gureak ere lotura bera du berezko: argia esaten diogu... [+]
Zergatik ez landu eskolan elkarrizketa filosofikoa txikitatik, pentsatzen ikasteko, ideietan sakontzeko, edukiak kritikoki aztertzeko? Gogoetatzen nola i(ra)kasten den, galdera onak zeintzuk diren, iritzi “desegokien” aurrean zer egin… galdetu diogu Miren... [+]