Portugaleteko udaltzainek tiroz hil dute autoan ihesean zen pertsona bat
Bikote batek ustez lapurtutako auto baten atzetik ziren Portugaleteko udaltzainak astelehen arratsaldean. Barakaldoko Mespelerreka auzora heltzean, ustez poliziak harrapatzen saiatzean, tiro egin diete autoaren gidariei. 35 urteko emakume bat bertan hil dute eta 37 urteko gizonezko bat Gurutzetako ospitalean dago zaurituta, aurpegian tiro bat jaso ostean.
Astelehenean 35 urteko emakume bat tiroz hil du Portugaleteko Udaltzaingoak, eta larri zauritu berarekin batera ustez lapurtutako auto batean zihoan 37 urteko gizonezko bat. Portugaleteko alkate Mikel Torresek adierazi duenez, udaltzainak Portugaletetik ari ziren autoaren atzetik jarraika trafiko arau-huste bat egin ostean. Tiroketa Barakaldoko Mespelerreka auzoan gertatu da, udaltzainek adierazi dutenez, ihesean ari zen bikotea autoarekin poliziak harrapatzen saiatu ostean. Udaltzainek baieztatu dute autoa igandean lapurtu zutela Barakaldon. Udaltzain guztiak onik atera dira. Ertzaintzak agenteen pistolak konfiskatu ditu eta kasu ikertzen ari da.
Zauritua Gurutzetako ospitalera eraman dute. Aurpegian tiro bat jaso du eta koma induzituan dago. Hainbat hedabidek gizonezkoa ere hil egin dela zabaldu dute, baina ez dago baieztapen ofizialik.
Mespelerrekako bizilagun batzuek grabatu eta Tele7 telebista kateak zabaldu du ondorengo bideoa:
Udaltzainak armaturik?
Bizkaian, ia udalerri handi guztietan udaltzainek pistola eramaten dute aldean, Barakaldon, Getxon, Portugaleten edo Bilbon, kasu. Gipuzkoan eta Araban, ordea, ia bakarrik hiriburuetakoak dira pistola eramaten dute udaltzainak; beste udalerri handietan ez da horrela gertatzen. Eibarren kontu honek auzitegietan amaitu zuen eta, ibilbide luzea egin ondoren, epailearen aginduz ez daramate pistolarik udaltzainek. Halere, unean uneko eta herrian herriko borondate politikoaren arabera egoera alda daiteke. Plentzia da horren kasu bat. Pasa den uztailean EAJko udal gobernuak hala erabaki zuen, eta ordutik 4.500 bat biztanle dituen herrian udaltzain guztiek pistola eramaten dute.
2019ko ekainean, EAJk, PSEk eta PPk Poliziaren Legean hainbat aldaketa adostu zuten. Tartean, PPk indarra egin zuen EAEko herri guztietan udaltzainek legez armatuta joatea baimentzeko.
Otavio da Silva ertzaina irakasle aritzen da Desokupan, eta emakume gisa dago erregistratuta. Bestalde, badirudi udan bere bikotekidea erailtzen saiatu zen ertzaina ez dutela Poliziatik bota.
Xabier Kalparsoro eta Gurutze Iantzi Espainiako polizien eta guardia zibilen eskuetan hil zituztela 31 urte igaro direnean, Egiari Zor fundazioak ekitaldia egin du Urnietan. Eusko Jaurlaritzari eskatu dio berriz ere ireki dezala epe bat estatuaren biktimak aitortzeko eskaerak... [+]
Araudi-aldaketa bat egitean, Foruzaingoan taser pistolak modu progresiboan hedatzea espero da: oraingoz, 150 ematea aurreikusi dute. Beste polizia-indar batzuetan ere ari dira arma hori zabaltzen, tartean, Nafarroako hamaika udaltzaingotan eta Guardia Zibilean.
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Guardia Zibilak 18.000 euro baino gehiago bideratu ditu aurten kautxuzko bolak erostera, "istiluen kontrako" materialaren barruan. Itsas Armadak, berriz, gomazko 1.500 pilota erosiko ditu. Poliziak erabiltzen dituen bitartekoak erregulatzen dituen araudia ez da... [+]
2021eko urtarrilaren 20eko istiluetan atxilotutako sei gazteek epailearen aurretik pasatu beharko dute urriaren 22an.
Foru Gobernuak aitortu du motibazio politikoko biktimak direla hirurak. Hiru aitortza berri horiekin dagoeneko 36 pertsonari estuaren biktima izatea ofizialki aitortu die gobernuak.
2021ean EAEko udaltzain laguntzaileentzako lan-poltsa bateratua osatu zuten. EAEko Auzitegi Nagusiak atzera bota du orduan ezarritako hizkuntza eskakizuna, B2 maila, alegia. Hizkuntza eskakizuna “neurrigabea” dela argudiatu du. Kontseiluak adierazi du EAEko udaltzain... [+]
Eusko Jaurlaritzako Segurtasun sailburuak orain arteko bertsioari eutsi dio. Bestalde, esan du Amaya Zabartek, martxoan PSGren kontrako futbol partiduan Anoetan larri zauritutako Realeko zaleak, ez zuela bere deklarazioan aipatu ertzain batek ostikoa jo zionik.
Joan den asteburuan Altsasun (Nafarroa) izan dira Moratalazko (Madril) Distrito 14 gazte-kolektiboko hainbat kide ohi, Ospa Egunean. Azken urteetan jasan dituzten polizia-infiltrazioei buruz hitz egin dute bertan, eta haiekin mintzatzeko aukera izan du Gedar Langile Kazetak ere... [+]
Ertzaintzak bi emakume atxilotu ditu Gasteizen, eta hirugarren bat ikerketapean dago, prostituzio-delituak egotzita. Haien klubean aritzen ziren emakumeek esplotazio-baldintzetan lan egiten zuten, Ertzaintzaren arabera.
Israelek Gazan atxiloturiko zortzi osasun-langileren eta beste zazpi lekukoren testigantzetan oinarritzen da Human Rights Watch gobernuz kanpoko erakundearen txostena. Nazioarteko Zigor Auzitegiak egoera aztertzea nahi du GKEk. Gazako Osasun Ministerioaren datuen arabera,... [+]