Portu baten okupazioa Amsterdamen klimaren akanpada egiteko
Klimaren alde ekintza ugariko uda izan da aurtengoa, urte bukaeran Parisen eginen den COP21 klimaren gailurrerako masa kritikoa sortzeko helburuarekin. Ekintza horietan lehena izan da uztailean Amsterdamen (Herbehereak) antolatutako Ground Control Climate and Agricultural Camp izenekoa.
Uztailaren 1etik 8ra bitartean, hiriko portuko lur zatia okupatu zuten klimaren aldeko ekintzaileek. Amsterdameko hazkunde ekonomikoaren toki garrantzitsuan kokatu zuten akanpalekua: portua ikatzaren, findu gabeko petrolioaren eta sojaren banaketarako funtsezko gunea da.
Europa osoko ekintzaileen topagune izan zen Amsterdaneko ekimena. Bileretarako, tailerretarako, janaria prestatzeko, informaziorako, prentsa komunikaziorako edota lege gaietarako guneek osatzen zuten akanpalekua.
Aste osoan antolatutako ekintzekin ingurumenaren gaineko eduki anitzak landu zituzten parte-hartzaileek. Energia sortzeko alternatiba jasangarriak eta lurra kaltetzen ez duen nekazaritza izan ziren eztabaidatutako gai nagusiak, eta jendearen jakintza eta jada lanean ari diren sareen informazioa elkartrukatzeko aukera izan zuten hurbildutakoek.
Ekintza zuzenerako aukera ere izan zen astean zehar: portuko ikatz eta soja guneetan pankarta erraldoiak jarri zituzten, eta trenaren errailetara kateatu ziren beste batzuk merkantzien garraioa eteteko.
Antzeko ekimenak Europa osoan
Amsterdaneko kanpamendua udako ekimenen artean lehena izan bazen, gerora beste toki askotan ere antolatu dituzte antzeko ekitaldiak. Besteak beste Gasteizen (Frackanpada), Buren (Frantzia), Rheinlanden (Alemania), Peak Districten (Erresuma Batua) edota Bernan (Suitza) egin dituzte klimaren aldeko akanpadak.
Urte amaieran Parisen antolatu duten COP21 klimaren gailurrerako aurre-lanketa bezala aurkeztu dituzte ekimenok, abenduko goi bileraren aurrean kritiko agertu eta ekintza zuzena bultzatzeko.
Duela gutxi, larrialdi klimatikoa zertan zetzan galderaren aurrean, zientzialari batek erantzun bikain hau eman zuen: “Begira, larrialdi klimatikoa hauxe da, zure mugikorrean muturreko fenomeno meteorologikoei loturiko gero eta bideo gehiago ikusten dituzu, eta konturatzen... [+]
Hegosudandar gehienak txirotasun larrian bizi izan dira azken bi mendeotan gutienez, eta zoritxarrez, estatu independente bihurtzeak ez die egoera hobetu, munduko herrialde txiroena baita, hainbat gerra tarteko. Testuinguru oso hauskor horretan klima aldaketak zailtasun berri... [+]
Azken asteotan, arkitekturan dihardugunontzat ez da posible izan Valentziako klima gertaera gure lan hizketaldira ez ekartzea. Uraren ibilbidea eraikinen estalkietan, estolderietan, plazetan eta parkeetan pentsatu eta diseinatu behar ditugulako. Ongi dakigu giza eskalako ur... [+]
COP29 hasi da astelehen honetan Bakun, Azerbaijanen hiriburuan. 197 herrialde dira foro honetako kide eta horiez gain mundu osoko sare zibilaren milaka pertsona hurbilduko dira bertara, gobernuen jarduna jarraitzeko. Aurtengo gai izarra finantzazioa izango da.
Copernicus ingurumen behategiaren arabera 2024ak errekorra hautsiko du Lurreko tenperaturari dagokionez, eta hori bakarrik ez, industria aurreko garaiko batez bestekoa baino 1,5ºC altuagoa izango da lehen aldiz.
Gero eta egoera larriagoan daude munduko oihanak, klima aldaketak ekarritako bero uhin eta lehorteek bultzatzen dituzten suteengatik, bertzeak bertze. Latitude ertain eta borealetan klima jadanik aldatu arren, oihanak orain arte oso guti prestatu ditugu aldaketari, batez ere... [+]
Valentzian denboraleak eragindako hildakoen eta kalteen atzean faktore meteorologiko hutsak daudela pentsatzea inozoegia litzateke. Generalitateak larrialdia nola kudeatu duen salatu du askok, baita multinazionalen negozio egarria lehenetsi dela ere. Eta gune pobreenak kaltetu... [+]
Denborale batek hondamendia eragin du Mediterraneo mendebaldean, eta gutxienez 92 dira hildakoak eta dozenaka desagertu daude. Halako ekaitz bortitzen arrazoiak kostaldearen txikizioan bilatu behar direla ohartarazi zuen Millán Millán meteorologoak. Eta soluzioa... [+]
Txorien migrazioen mapak argi uzten digu hegazti migratzaileentzat pasabide interesgarri eta aberatsa dela Euskal Herria. 350 bat hegazti espezie zenbatzen ditugu negurako kanpora doazenen zein bertara datozenen eta migrazio-bidean atseden hartzeko pausagune dutenen artean. Bizi... [+]
Pertsona batzuek kapitalismoa "besarkatzen" dute, konturatu gabe arazoa sistema berean dagoela; planeta mugatu batean hazkundea etengabe bilatzean. Energia intentsiboak ekoizteko modu guztiak mundua irensten ari dira.
Karibea eta Ipar Amerika jo dituen Helene urakanak erakutsi bezala, klima aldaketak indarturiko muturreko eguraldien kostua kolosala da. Hainbertze, non eta aseguruak horren arabera garestituko diren, arrisku berriei aurre egiteko asmoz. Klimaren bilakaera hori gelditu ezean,... [+]
Artikoari begira jarri eta XXI. mendeko erronka eta arazo handienez hitz egiten bukatzen dugu aski fite: geopolitika, edo hobeki erran gerlak eta klima larrialdia. Horretaz kontziente, Artikoko Batzarraren baitan egin ahala eraikitzaile eta bakezale izateko jarrera izan dute... [+]
Hemen gatoz, atzera ere, hausnarra berritzera. Edo behintzat saiatzera. Edo horrekin amestera. Ez dakit, ordea, berritik zer izango dugun; izan ere, antza, munduak lehengo lepotik burua jarraitzen du. Barkatu okerra: gizakiok jarraitzen dugu lehengo lepotik.
Euskal Herriaren zatirik handiena klima zonalde epelean kokatuta egon arren, Arabako eta Nafarroako hegoaldean ez ezik, edonora hedatzen dira udako bero bolada latzak. Eta, dirudienez, klima aldaketarekin okerrera eginen du egoerak –edo egiten ari da, honezkero?–... [+]