Porroterantz abiada bizian
Santiagoko tren istripuak eta berau azaltzeko argudio eskasek, agerian utzi dituzte Espainiako Trenbide Sarearen gehiegikeria eta gabeziak. Giza akats baten ondorio izan dela zabaltzeak ez ditu segurtasun neurrien falta eta koordinazio arazoak estali.
Adolfo Barrio Espainiako Trenbide Eskubideen Elkarteko presidente ordea da, eta lehen eskutik ezagutzen duen sektorearen ajeak argitara emanez, artikulua idatzi du El País-en. Dioenez, trenbide sarearen ezaugarri estrukturalak daude istripuaren atzean. “Bi motatakoak: ekonomikoak eta deskoordinazioarekin loturikoak”
Porrotera kondenatutako proiektua
Espainiak 50.000 miloi euro bideratu ditu jada AHTa eraikitzera, baina erabilera datuek “oso baxuak” izaten jarraitzen dute. Garraiobideen kuotak aztertuz gero, bidaiarien %6k erabiltzen du AHT eta merkantziaren %3 garraiatzeko baliatzen da.
Adolfo Barrioren hitzetan, “porrotera kondenatutako proiektu antzuan murgildu da Espainia, aurretik errentagarritasun ikerketa duinik egin gabe”. “Munduko herrialde garatuenek ere horrelako zerbait eraikitzeko baliabiderik ez dutela erabaki dute”.
Dioenez, arrazoi politikoak medio eraiki dituzte AHTak, “errentagarritasun politiko handia” baitute.
AHTen gehiegizko eraikuntza Espainiarentzat karga eraman ezina dela uste du Barriok. “Beharbada, horrek aspektu garrantzitsuena ahaztera eraman gaitu: segurtasuna”. Espainian AHTrentzat eraiki diren 3.100 km-tatik 1.800 daude soilik balaztatze automatikorako sistemarekin hornituta.
Renfe eta Adif, Adif eta Renfe
Espainian, AHTren azpiegituraren kudeaketa eta zerbitzua bi enpresaren esku dago. Azpiegituraz Adif arduratzen da eta zerbitzuaz aldiz, Renfe. Banaketa horrek “koordinazio arazoak sortu eta gastuak biderkatu” egiten ditu Barrioren ustetan.
Segurtasunari ere eragiten dio ardurak banatzeak, ez baitago sor litezkeen arazoak aztertu eta irtenbideak bilatzeaz arduratzen den organorik. “Enpresa bakoitzeko arduradunek interes eta ikuspegi desberdinak izan ohi dituzte segurtasun arazoei dagokienean”. Santiagoko istripuaren ondoren Adif eta Renferen artean sortu diren hika-mikak lotsagarritzat jo ditu Barriok.
“Zaila dirudi honek guztiak Santiagoko istripuarekin loturarik ez duela pentsatzeak. Baieztapen batzuk zalantza ezinak dira: Trenbide Istripuen Ikerketarako Batzordearen arabera, errailetatik irten diren trenen kasua exponentzialki handitu da ardurak bi enpresaren artean banatzearekin eta AHTren eraikuntza masiboarekin batera”.
Josu Estarrona EH Bilduko Arabako senatariak egindako galderari erantzun dio Espainiako Sustapen Ministerioak, eta hor berretsi du Ezkioko aukera zailtasunez beteta dagoela.
"Gasteiztik egin ezean, ez da egingo", adierazi du PSNren bozeramaile Ramón Alzorrizek. Kontra azaldu dira Geroa Bai, UPN eta PP.
2.000 milioi euroko kostua izango dute AHT Madrilekin eta AVE trenarekin lotzeko aurreneko lanek. Asteburuan egin dute manifestazio bat Iruñean, AHTa eraikitzeko obretako esklabotza-baldintzak salatzeko.
Abiadura handiko trenaren aurkako manifestazioa egingo dute Iruñean larunbat honetan AHT Gelditu plataformak deituta, 12:00etan Diputaziotik abiatuta. Castejon eta Iruñea arteko trenbidearen eraikuntza lanek aurrera jarraitzen dute eta Espainiako Garraio... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Nafarroan eraikitzen ari den tren lasterraren langileak esklabotza egoeran ari direla salatu du AHT Gelditu elkarteak Iruñean emandako prentsaurrekoan.
Añana eta Trebiñuko kuadrilletako ordezkariek eta Arabako nekazari eta abeltzainek salatu dute "mespretxu instituzional izugarria" jasaten dutela AHTren lanak direla-eta. Denera bi miloi metro koadrotik gora "lur emankor" desjabetuko dituzte... [+]
Azken asteotan Castejón-Soria trenbidea berreskuratzeko eta Tuterako tren-geltokia gaur egun dagoen tokian mantentzeko edo, Nafarroako Erriberako hiriburuan Abiadura Handiko Trenaren ustezko geralekuak aitzakiatzat hartuta, hirigunetik kanpo beste bat egiteko... [+]
Frantziako Gobernuak Espainiakoari baieztatu dionez, Abiadura Handiko Trena ez da Hego Euskal Herrira iritsiko (Irungo loturara) gutxienez 2042 urtera arte. Ez dago Parisen lehentasunen artean.
Espainiako Garraio Jasangarrirako estatu idazkari José Antonio Santanok adierazi du Eusko Jaurlaritzaren helegite bat onartu dutela Ezkio-Itsasoko konexioari buruz, Aralarri "hainbeste" kalte egingo ez liokeena.
2024ko otsailean Astigarraga-Hernani tartea amaitu zutenean Abiadura Handiko Trena 2027an prest egongo zela aurreikusten zuen Eusko Jaurlaritzak. Orain Arkautiko lotunearen obren lizitazioari ekin dio Jaurlaritzak; Euskal Trenbide Sarea enpresaren esku utzi du, eta 2027an hasiko... [+]
Informaziorik helarazi gabe eta baimen eskaerarik gabe hasi dituzte Abiadura Handiko Trena eraikitzeko asmoz lehenago egin beharrak diren zundaketa lanak Otsobi kontzejuaren lurretan. Stop Zundaketak plataformak jakinarazi du egoera: "Izako Udalari edo Otsobiko kontzejuari... [+]
Lapurdi zeharkatuko lukeen AHT egitasmoa aitzina doala salatu du ingurumenaren alde dabiltzan elkarteen artean osaturiko CADE kolektiboak. Urriaren 12 eta 13rako jarri du hitzordua, Gironda eskualdean Lurraren Altxamenduak sareak antolaturiko protestari sostengua erakutsiz.
