Pablo Gonzalez espioitzagatik ikertzen jarraituko du Poloniak
Poloniako Fiskaltza Nazionaleko bozeramaileak adierazi du euskal kazetaria oraindik formalki akusatu ez badute ere, “legearen arabera auzi-ihesean akusatua” izan daitekeela. Gonzalez preso trukean sartzeko erabakia Washingtonetik etorri zen, baina Poloniako zerbitzu bereziek kazetariak “bere ustezko errua” onartzeko presioa egiten jarraitu zuten, Russia Today-k informatu duenez.
Pablo Gonzalez euskal kazetariaren aurkako espioitza ikerketak zabalik jarraitzen du, EFE albiste agentziak informatu duenez. Kazetaria bi urte eta erdi espetxean egon da Polonian egoera inhumanoan, eta espetxealdi prebentiboa zazpi aldiz luzatu zioten. Gonzalezek Russia Today (RT) telebistan espetxetik irten ostean emandako lehen elkarrizketan adierazi du informazio faltsua argitaratu dela, hala nola kondenatua izan dela, eta salatu du “torturatua, mehatxatua eta presionatua” izan dela espetxean. “Susmo bakarra egotzi zidaten, eta ez nuen epaiketarik izan”, adierazi du euskal kazetariak errusiar telebistan egindako elkarrizketan.
Poloniako Fiskaltza Nazionaleko bozeramaile Przemyslaw Nowak-ek hedabideei esan die Gonzalezen aurkako epaiketa aurrera doala, eta oraindik formalki akusatu ez badute ere, adierazi du in absentia epaiketa –akusatua agertu gabe egiten diren epaiketak– izan daitekeela. “Gonzalezen aurkako ikerketa Poloniaren aurkako ekintzengatik ez da itxi”, adierazi du Nowak-ek. Bozeramaile poloniarrak esan du Gonzalez “legearen arabera auzi-ihesean akusatua izan” daitekeela. Poloniako Lublingo fiskaltzak –maiatzean azken aldiz Gonzalezen espetxeratze prebentiboa luzatu zuena– oraingoz ez du Gonzalezen aurkako akusaziorik formalizatu.
Washingtonek preso trukean sartu nahi zuen, baina Poloniak ez
Abuztuaren 1ean Ankarako aireportuan (Turkia), Errusiak eta Bielorrusiak, alde batetik, eta AEBek, Alemaniak, Esloveniak eta Erresuma Batuak, bestetik, guztira 26 preso trukatu zituzten, Gerra Hotzaz geroztik izandako preso trukerik handiena. Gonzalez preso truke horretan sartu zutela berri eman zutenean, Poloniako zerbitzu bereziek euskal kazetariari “bere ustezko errua” onartzeko presioa egiten jarraitu zutela informatu du RT-k, baina kazetaria presoen trukean sartzeko erabakia Washingtonetik etorri zela.
Poloniako Gobernuak pasaporteak konfiskatu zizkion Gonzalezi –bi pasaporte ditu, Errusian jaio zelako eta haurra zenean Euskal Herrira joan zelako–, eta orain Espainiako Gobernuak beste bat igorri beharko lioke etxera itzultzeko, baina EBn legezko prozesu bat irekita duenez, horrek atzeratu egin dezake jaulkipena, EITBk informatu duenez.
“Bere buruaz beste egitea” iradoki zioten
Gonzalezek Poloniako espetxean bizi duen egoera salatu du RT-n egindako elkarrizketan. Espetxealdian hogei kilo galdu dituela esan du kazetariak, janari txarra zutela, eta ez zutela osasun arretarik. Kazetariak salatu du kartzelean psikologo batekin hitz egin zuela, eta horrek “bere buruaz beste egitea” iradoki ziola. Espetxean urte bat eta erdi igaro zituenean, hamalau eurodiputatuk gutun bat helarazi zioten Poloniako justizia ministro Zbigniew Zobrori, non euskal kazetariaren egoera salatu zuten: "Espetxean eman dituen 18 hilabeteotan inkomunikatuta egon da, egunean 23 ordu eman ditu eguzki-argirik gabeko ziega batean”.
Pablo Gonzalezek Errusian jarraitzen du, Poloniako Gobernuak pasaporteak konfiskatu zizkion kazetariari eta "Poloniako autoritateen esperoan" daude, Euskal Herrira bueltatzeko. Hala azaldu dio Gonzalo Boyé abokatuak Berriari.
Kazetariak adierazi du ez diotela argi azaldu zergatik espetxeratu zuten, eta espetxean zegoela “bere buruaz beste egitea” iradoki ziotela, Russia Today-n izandako elkarrizketa batean. Esan du laguntza “gutxien espero zen tokitik” etorri dela.
Osasun artak biltzen ari da Pablo Gonzalez Moskun une honetan. Joan den astean, Poloniako Radomgo segurtasun handiko espetxetik atera zen kazetaria bi urte eta bost hilabeteko preso egon ondoan. Poloniak leporatzen zion espioitza frogatu gabe libre atera da.
2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]
"Kereilatuei –Chorche Tricas eta Iker González kazetariak– egotzi eta iraingarritzat jotzen zaizkien artikuluak "adierazpen- eta informazio-askatasunaren barruan daude", eta Zaragoza en Común-eko zinegotzi Suso Domínguezen kasuan... [+]
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Erruduntzat joko du bere burua Euskal Herrian gauerdia denean egingo den epaiketan. Erresuma Batuan espetxean egon den denborako –bost urte eta bi hilabete– espetxe zigorra ezarriko diote. Horrela, aske geratuko da.
Palestinar errefuxiatuei laguntzeko UNRW agentziako kideak dira hildakoak. NBEko langileen heriotza tasa altuena dela jakinarazi du agentziak. Israelek momentu oro jakin du non zeuden laguntzaile humanitarioak, eta “berariaz” egin die eraso, salatu duenez. 122... [+]
Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]
Joan den azaroaren 6an Espainiako Auzitegi Nazionaleko Manuel García-Castellón epaileak hamabi pertsona auzipetu zituen Tsunami Democratikoa auzia dela eta. Ostegun honetan ezagutu zen hiruk atzerrira ihes egin dutela, tartean Jesús Rodríguez La... [+]
Enpresa batek kereila jarri du Aragoiko AraInfo hedabidearen eta haren bi kazetariren aurka, baita Zaragoza en Común-eko zinegotzi baten aurka. Zaragozako Udalak enpresa horri emandako dirulaguntzen inguruan, komunikabide independenteak argitaratutako informazioari... [+]
Aurreko astean, Madrilen epaitu zituzten José Manzaneda kazetaria eta Euskadi-Cubako legezko ordezkaritza, artikulu baten harira: AEBen blokeoaz hitz egiten zen idatzian. Sei urteko espetxe-zigorra eta 70.000 euro inguruko zigor ekonomikoa eskatzen zituen akusazio... [+]