Polonia eta Bulgariari gasa ez dio gehiago hornitzen Errusiak eta “xantaiatzat” dauka hori Europar Batasunak
Moskuk apirilaren 27an hartu du erabaki geopolitiko hori. Bi aldeen arteko tentsioak ez dira baretzen eta Putinek argi utzi du Errusiaren kontra eskua hartu nahi luketen estatuen aurka "eraso oso azkarrak" bideratuko lituzkeela.
Gazprom Errusiako konpainia publikoak gas hornidura eten die Poloniari eta Bulgariari, errublotan ordaintzen ez dutelako arrazoia plazaratuz. Europako Batzordeko presidente Ursula Von der Leyenek argi utzi du "xantaia" horren aurrean, "elkartasunez" jokatuko dutela Europar Batasuneko kideen artean.
Vladimir Putin Errusiako presidenteak argiki erantzun dio: "Norbaitek esku hartzeko eta Errusiaren aurkako mehatxu estrategikoak sortzeko asmoa badu, onartezina izango da guretzat. Erantzun gisa bideratuko ditugun erasoak oso azkarrak izango direla jakin beharko luke". Zehaztapenak ere eman ditu: "Horretarako tresna guztiak dauzkagu, beste inork ez dauzkanak ere bai. Ez ditugu goraipatuko, behar izanez gero erabiliko ditugu. Eta nahi dut hori mundu guztiak jakitea".
Errusiako gas naturala errublotan –ez eurotan ez dolarretan– ordaintzeko baldintza martxoan ezarri zuen Vladimir Putin Errusiako presidenteak, "adiskide ez diren herrialdeentzat". Errusiar gas eta petrolioa ezinbestekoa dauka Europar Batasunak eta nonbait, presio-bide hori erabiltzen dabil Errusia.
Europar Batasunak berak hastapenetik errefusatu zuen Errusiatik inportatzen dituen gasa eta petrolioa errublotan ordaintzea; besteak beste, zigor ekonomikoei izkin egiteko modu horrek indarrean dauden kontratuen baldintzak hausten dituelako. Gasa koordinatzeko taldea deitutako antolakundeak –klubeko 27 estatuetako buruzagiek, arautzaileek eta sektoreko konpainien zein kontsumitzaileen ordezkariek osatzen dute– dio arlo horretan Errusiarekin egindako kontratuen %97k adierazten dutela "esplizituki" ordainketak dolarretan edo eurotan egin behar direla. Errublotan ordaintzen duten konpainiak Kremlini ezarritako zigorrak "urratzen" ariko liratekeela dio Von der Leynek.
Transnistrian tentsioak
Moldavia eta Ukraina artean kokaturiko Transnistria aitortzarik gabeko estatuan tentsioak gora egin du azken aldian. 1992 urteaz geroztik herri independentea da, Vadim Krasnoselski buru duena –haatik, NBEak ez dio sekula aitortzarik bideratu, ez eta bestelako estatuek ere–. Moldaviatik bereizteko gerra zibila egon zen 1992an eta orduz geroztik su-etena dute, gatazkak konpondu gabe segitu arren.
Errusiak hango egoera "desegonkortu" nahi duela deitoratu du Volodimir Zelenski Ukrainako presidenteak, eta hori, bere ustez, errusiar tropak hara mugitzeko bidea zabaltzeko asmoz.
Otsailaren 24an sartu zen Errusiako armada Ukrainan eta orduz geroztik, bake akordioa ezin adostuz dabiltza bi aldeak.
Sortu zela 75. urteurrenean egindako gailurrean, Aliantza Atlantikoak Txinaren kontrako mezua gogortu du eta herrialde asiarrari egotzi dio Errusia laguntzea Ukrainako gerran. Kievi laguntza gehiago emateko konpromisoa adierazi dute NATOko 32 kideek eta Europako herrialdeek... [+]
Europar Batasunaren txandakako presidentetza beretu eta astebeteren buruan Viktor Orban hungariar lehen ministroak egin duen ezusteko blitz-ak azalpen serioa eskatzen du. Gaiaren neurrikoa.
Bakearen goi bilera deiturikoan, Suitzako Bürgenstock hirian, Ukrainako presidente Volodimir Zelenskik hitzordua baliatu du presio diplomatikoa egiteko Errusiari eta fokua, atzera ere, Israel-Palestinatik Europako ekialdera eramateko.
EBko atzerri- eta segurtasun-politika arloko ordezkari Josep Borrellen hitzak azken asteotako eskalatzea elikatzera datoz. Azkenaldian Mendebaldeko hainbat agintarik egin dituzte adierazpenak zentzu berean. Errusiak iragan astean ohartarazi zuen Ukrainari beren armamentua... [+]
Urrats berri horren berri eman du Errusiako Defentsa ministerioak maiatzaren 21ean, zehaztuz "Mendebaldeko arduradun batzuen mehatxuei" bideraturiko erantzuna dela. Oraingoz, arma nuklear taktikoak ez dira inoiz erabiliak izan, hain zuzen, suntsiketa gaitasun... [+]
Ukrainako gerraren benetako izar bihurtu dira droneak, baina ez hainbeste ohiko gudu-zelaian, baizik eta gudari ere badagokion baina oso bestelakoa den eremu batean: gerra-propaganda. Moskuk eta Kievek erabiltzen dituzte tripulaziorik gabeko hegazkinek grabatutako bideoak beren... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]
Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]
Ukrainari buruzko nazioarteko bilera burutu zuten otsailaren 26an hogei bat estatuburuk eta horren berri emateko prentsaurrekoan bota du Emmanuel Macron Frantziako presidenteak NATOko tropak Ukrainara bidaltzeko planteamendua.
Gerran hil diren ukraniarren inguruan Errusiak emandako datuak ezeztatu ditu Volodimir Zelenski Ukrainako presidenteak. Laguntza militarra ematen jarraitzeko eskatu die AEBei.
Ukrainako gerra hasi zenetik bi urte betetzear direnean, Errusiaren kontrako hamahirugarren zigor-sorta adostu du Europar Batasunak. Orain arteko zabalenetakoa da, eta aurrenekoz barne hartzen ditu Txinako enpresak ere.
Bi urte bete dira Errusiako armadak Ukrainan inbasioa hasi zuela. Egun hori baino lehenago, 2014ko estatu kolpean eta ondoren hasitako gerra zibilean 3.500 zibil inguruk bizitza galdu zuten; horiei gehitu behar zaizkie Nazio Batuen Erakundeak (NBE) azken bi urteotan zenbatu... [+]