2020ko martxoaren 29an, konfinamendu garaian, Bilboko San Frantzisko kalean polizia agenteek emakume arrazializatu bat eta bere semea jazarri zituzten, auzokide batek grabatutako irudietan ikus daitekeen bezala. Bada, emakumeak epaiketa izan du asteazkenean, eta SOS Arrazakeria taldeak deituta, hainbat pertsona bildu dira babesa erakusteko eta segurtasun indarren inpunitatea gaitzesteko.
“Poliziaren arrazakeria, pertsona migratzaile eta arrazializatuekiko kriminalizazio sistematikoa eta basakeria eta diskriminazio egintzen aurreko polizia-inpunitatea salatzeko bildu gara gaur hemen”, adierazi du SOS Arrazakeriaren izenean jardun duen Karen Brunelek. Izan ere, konfinamendu garaian bolo-bolo ibili zen gertakaria ez dute kasu isolatutzat jotzen; aldiz, egunerokoan gertatzen diren geldiketa arrazisten, bide publikoan gauzatzen diren katxeoen, erasoen eta antzekoen testuinguruan kokatzen dute: “Horregatik gaude gaur hemen Fatima [auzipetua] eta bere seme Salmanekin batera, esateko ez daudela bakarrik, beren mina geurea ere badela, eta 2020ko martxoaren 29an gertatutakoa ez dela ez ahanzturan, ez zigorgabetasunaren zulo beltzean eroriko”. Azpimarratu dute kasu honetan biktimak izan direla akusatuak, eta horretarako eskubiderik ez dagoela.
Bestalde, gertakarien egunean poliziaren jarduketa salatu eta grabatu zuten auzokideen elkartasuna goraipatu dute, eta eskerrak eman dizkiete: “Zuen kontzientzia bizia ezin dute isildu ez isunek, ez salaketa faltsuek”.
Alde Zaharreko Gazte Asanbladak (AZGA) salatu du Donostiako Udaltzaingoak auzoko hainbat gazteren aurka astelehen gauean egindakoa: “Auzoko hainbat gazte futbolean jokatzen ari ziren Trinitate enparantzan, Udaltzaingoa hurbildu eta mehatxuka guztiak identifikatzeko agindua... [+]
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Duela bi urte, Marokotik Melillara igaro nahian ari ziren ehunka pertsonari eraso egin zieten polizia-indarrek, eta gutxienez 70 lagun erail zituzten, nahiz eta kopuru zehatza ez dagoen argi. Gertakarien inguruko ikerketa amaitutzat jo dute Marokon, iritzita ez dagoela... [+]
2021ean Pablo Hasel rap musikariaren atxiloketaren aurka Bartzelonan egon zen manifestazioetako batean parte hartu zuen neskak eta begia galdu zuen mossoek jaurtitako foam bala baten ondorioz. Epailearen ustez, neskak “ondorioak bereganatu beharko lituzke”, istiluak... [+]
Gizonezkoa kolpatu zuen ertzain agentea kargutik kendu dute kautelazko neurriekin, eta gertakariak ikertzen ari da Ertzaintzaren Barne Arazoetarako Unitatea. Une hartan han ziren polizia agenteen jarrera ere aztertzen ari dira.
Ostiral goizean sare sozialetan zabaldutako bideo batean ikus daiteke nola pertsona bat eztabaidan ari den udaltzain eta ertzain talde batekin. Une batean, ertzainetako batek zartako indartsu batekin lurrera bota du, eta ondoren, lurrean utzita joan dira. Bideoa Irungo San Migel... [+]
Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.
Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.
Manifestazioa egingo dute ostegun arratsaldean, 19:30ean,... [+]
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Udaleko Segurtasun Sailak adierazi duenez, Arrontegiko zubiaren azpian izan da tiroketa, udaltzainak zulo bat estaltzera joan direnean.
Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]
Hogei urte bete dira ETA ez zion kartel bat jarri nahi ez zuelako Angel Berrueta hil zutenetik Espainiako polizia batek eta bere semeak. Iruñeko Donibane auzoan Berrueta omendu dute, eta justizia eta erreparazioa eskatu dituzte.