Poliziaren aurkako protesta oldea berriro piztu du Nicholsen hilketak AEBetan
29 urteko gizon afro-amerikarra hil zuten Memphisko bost poliziek urtarrilaren hasieran; jipoia eman eta hiru egunera hil zen ospitalean. Ostiralean publiko egin zituzten unearen bideoak, eta ehunka lagunek protestak egin dituzte hainbat hiritan. Poliziaren indarkeria eta arrazakeria sistemikoa salatu dituzte.
AEBetan Polizia ereduaren gaineko eztabaida aspaldidanik dago irekita, baina urtarrilaren 28an argitara atera zituzten bideoek haserrea indartu dute, eta protesta jendetsuak zabaldu dira hainbat estatutan. Irudietan ikus-entzuten da nola hil zuten Memphisko bost poliziek Tyre Nichols 29 urteko gizon afro-amerikarra.
Urtarrilaren 7ko iluntzean geldiarazi zuten gaztea, trafiko arau-hauste bat egin zuela egotzita, etxera bidean zihoala. Indarka atera zuten autotik, piper gasa bota zioten aurpegira, ihes egiten saiatutakoan pistola elektrikoarekin egin zioten tiro, eta, minutu gutxira berriz harrapatu zutenean, bortizki jipoitu zuten. Bideoek erakusten dute ezin izan zuela defendatu ere egin. Ospitalean hil zen urtarrilaren 9an, eta autopsian baieztatu dute kolpeek eragin ziotela heriotza.
Memphisen ez ezik, AEBetako beste hainbat hiri nagusitan ere protesta jendetsuak egin dituzte, heriotza salatzeko eta Poliziaren indarkeria eta arrazakeria sistemikoa baztertzea eskatzeko: New York, Chicago, Washington, Filadelfia, Los Angeles, Portland, Detroit, Atlanta eta Newark hirietan, besteak beste.
Ostiraleko Filadelfiako protestan, Party for Socialism and Liberation alderdi komunistako Talia Giles kideak Poliziaren jokabidea salatu zuen, The Guardianek jaso duenez: “Giza bizitzarekiko erabateko axolagabetasuna erakusten du. Erakusten du Poliziak, edozein arrazakoa izanda ere, jendea izutuaraziko duela, zeren hori baita sistemaren zeregina. Boterearen bidez herritarren aurka egitea du xede”.
Coris Bush kongresuko kideak ere Polizia sistemari egotzi dio hilketaren errua: “Gure herrialdean jarraituko da pertsona beltzen heriotza baimentzen, harik eta Polizia sistema arrazista desegiten den arte. Esklabotasunean eta gobernuaren kontrolean oinarritzen da sistema hori”.
Bost polizia espetxeratuta
Nicholsen heriotza eragin zuten bost poliziak espetxean daude, zenbait delitu leporatuta, hala nola hilketa bigarren graduan eta bahiketa. 60 urte arteko kartzela-zigorra izan dezakete auzipetuek. Kasu honen berezitasuna da bost poliziak ere afro-amerikarrak direla. “Bostak afro-amerikarrak izateak ez du ezer esaten arrazakeria instituzionalari buruz”, zehaztu dio El Diario-ri Alex Vitale Soziologiako irakasle eta AEBetako Poliziaren jokabidearen ikerlariak, elkarrizketa argigarri batean.
Bostak ziren Memphisko Poliziaren Scorpion unitate berezikoak, eta ostiralean bertan jakinarazi dute unitate hori desegin dutela, Nicholsen familiaren abokatuak eta aktibistek hala eskatuta. Scorpion 2021eko urrian sortu zuten, “auzoetara bakea itzularazteko, eremurik gatazkatsuenetan”. Unitateak herritarren kritika ugari jaso ditu sorreratik, “ekintza gogorregiak” egin dizkietelako, eta batik bat auzotar pobreenak eta arrazializatuak zituztelako jo-puntuan, New York Times egunkariak jakinarazi duenez.
Hilketan jende gehiago dago inplikatuta: Memphisko Polizia departamenduko beste bi agente eta bi sheriff ere kargutik kendu dituzte, eta Suhiltzaileen departamenduko bi langile ere kaleratu dituzte. Ben Crump abokatuak kritikatu du esanguratsua dela polizia horietako bat zuria dela, eta hain justu aske utzi dutela, “begirada publikotik babestuta eta ezkutatuta”. Nichols artatu zuten larrialdietako langileak ere ikerketapean daude.
Eusko Jaurlaritzako Segurtasun sailburuak orain arteko bertsioari eutsi dio. Bestalde, esan du Amaya Zabartek, martxoan PSGren kontrako futbol partiduan Anoetan larri zauritutako Realeko zaleak, ez zuela bere deklarazioan aipatu ertzain batek ostikoa jo zionik.
Alde Zaharreko Gazte Asanbladak (AZGA) salatu du Donostiako Udaltzaingoak auzoko hainbat gazteren aurka astelehen gauean egindakoa: “Auzoko hainbat gazte futbolean jokatzen ari ziren Trinitate enparantzan, Udaltzaingoa hurbildu eta mehatxuka guztiak identifikatzeko agindua... [+]
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Duela bi urte, Marokotik Melillara igaro nahian ari ziren ehunka pertsonari eraso egin zieten polizia-indarrek, eta gutxienez 70 lagun erail zituzten, nahiz eta kopuru zehatza ez dagoen argi. Gertakarien inguruko ikerketa amaitutzat jo dute Marokon, iritzita ez dagoela... [+]
2021ean Pablo Hasel rap musikariaren atxiloketaren aurka Bartzelonan egon zen manifestazioetako batean parte hartu zuen neskak eta begia galdu zuen mossoek jaurtitako foam bala baten ondorioz. Epailearen ustez, neskak “ondorioak bereganatu beharko lituzke”, istiluak... [+]
Gizonezkoa kolpatu zuen ertzain agentea kargutik kendu dute kautelazko neurriekin, eta gertakariak ikertzen ari da Ertzaintzaren Barne Arazoetarako Unitatea. Une hartan han ziren polizia agenteen jarrera ere aztertzen ari dira.
Ostiral goizean sare sozialetan zabaldutako bideo batean ikus daiteke nola pertsona bat eztabaidan ari den udaltzain eta ertzain talde batekin. Une batean, ertzainetako batek zartako indartsu batekin lurrera bota du, eta ondoren, lurrean utzita joan dira. Bideoa Irungo San Migel... [+]
Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.
Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.
Manifestazioa egingo dute ostegun arratsaldean, 19:30ean,... [+]
Hainbat herritarri suzko arma batekin tiro egin ostean bi pertsona zauritu zituzten udaltzainek, horietako bat larri, pasa den martxoaren 21ean, Barakaldon. Tirokatuak kalean bizi ziren magrebtar jatorrikoak izatea ez dela kasualitatea dio 77 elkartek sinaturiko adierazpenak:... [+]
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Udaleko Segurtasun Sailak adierazi duenez, Arrontegiko zubiaren azpian izan da tiroketa, udaltzainak zulo bat estaltzera joan direnean.
Gasteizko Martxoaren 3ko manifestazioaren aurka oldartzean Ertzaintzak gomazko pilotak erabili zituela salatu zuten zenbait eragilek eta pertsonek sare sozialetan, argazkiz lagunduta. Salaketak ez zuen oihartzun handirik izan, baina egia balitz gertaera esanguratsu baten aurrean... [+]