Poliziak kexu dira G7an izango dituzten lan baldintzez
10.000 polizia baino gehiago etorriko da Lapurdira G7ko gailurraren aurkako protestak indargabetu asmoz. Izango dituzten lan baldintza txarrak salatu dituzte polizien sindikatuek. Azken garaian polizien artean suizidio tasa nabarmen igo da, eta batzuek lan gainkargarekin eta horren prekarizazioarekin lotzen dute.
Eitb-k jakinarazi duenez, Frantziako Estatuko Poliziaren sindikatuak kexu dira G7an izango dituzten lan baldintzak direla eta. Sindikatu horietako baten bozeramailea elkarrizketatu du Eitb-k. Poliziak dio ez dagoela hotel nahikorik Lapurdira helduko diren 10.000 poliziatik gora hartzeko. Ondorioz, Landetako kanpinetan ezarriko dituzte asko. Istiluen aurkako poliziak soilik izango omen dira “ondo” hartuak.
Ez dira kezka agertu duten bakarrak. Merkatariak okupazio polizialak eragin dezakeen irabazien galeraren beldur dira. "Abuztuaren azken erdiak gure diru-sarreren %25a jasotzen dugu. Hondamendia izango da", diotso merkatari batek euskal telebistaren kamerei. "Ez dute herriko jatetxeetan bazkalduko, hainbeste izanik haien sukaldariak ekarriko dituzte", gaineratu du herri horretako alkateak.
Polizia sindikatuaren bozeramaileak bestelako gabeziak ere aipatu ditu. Gailurrean erabiliko dituzten autoen egoera kaxkarra, edo polizia batzuk oso urrutitik ekarriko dituztela, besteak beste: “Gutaz abusatzen ari dira”.
Suizidioak lan gainkargagatik
Apirilean Frantziako poliziek kontzentrazioak egin zituzten polizia etxeetan, lankideen artean suizidio tasa altua dela eta "dolua" adierazteko. 28 ziren ordurako bere buruaz beste egindako poliziak, lau eguneko bat. Gaur egun, 42 dira. 2018an, 68 poliziek egin zuten euren buruez beste.
Poliziaren sindikatuek lan baldintza eskasei, estresari eta lan gainkargari leporatzen diote suizidio tasaren igoera. Lanaren gainkargaren arrazoietako bat ugaldu diren protestak eta mobilizazioak lirateke, Emmanuel Macronen gobernuak horien aurrean erantzun poliziala lehenetsi baitu. Jaka Horien aurkako mugimendua adibide ikusgarrienetakoa da, baina ez bakarra. Poliziaren jardunak gainera horiekiko erra areagotu du jendarte sektore batzuetan, ekintzaileena eta hiriguneetako aldirietako baztertuena kasu. Poliziaren aurkako irainak ohikoak dira, esaterako, jaka horien mobilizazioetan. Suizidioen aurka polizia etxeetan kontzentrazioak egin eta hurrengo larunbateko protestetan, poliziak suizidatzera animatu zituen hainbat manifestarik:
« Suicidez-vous ! », scandent certains manifestants aux forces de l’ordre place de la République pic.twitter.com/rqtFmnvuBO
— Lucas Burel (@L_heguiaphal) April 20, 2019
Nazioarteko 70 erakundetik gora biltzen dituen People Vaccine’s Alliance koalizioak aurkeztutako txostenak dio herrialde pobretuetako herritarren %1,3k jaso duela txertoaren dosi guztiak. Errudun jo ditu farmazeutikak eta herrialde aberastuenak, txertoak pilatzeagatik.
90 egunez 15 euroko isuna ordaindu beharko du 2018ko abenduan Miarritzen Lola Villabriga gaztea aurpegian LBD jaurtigailu batekin zauritzeagatik.
G7ko estatuek munduko 76 herrialde pobreenei kanpo-zorraren ordainketa atzeratzea onartu dute, diru hori koronabirusaren krisian erabili dezaten. Guztira 18.000 milioi euro dira atzeratu direnak. G20ko herrialdeek ere onartu dute atzerapena, eta ordainketa epea gehiago luzatu... [+]
G7ak adostu du neurria, eta G-20ak berretsi behar du orain. Atzeratutako ordainketen diruarekin pandemiari aurre egiteko neurriak garatzea da asmoa. Atzeratzea baino, zorra barkatzea da hainbat eragilek eskatzen dutena.
Defentsako abokatuek azpimarratu dutenez, prozedura akatsak egon dira haien aferetan. Azken auzia atzo iragan zen Baionako auzitegian.
Eusko Jaurlaritzako Segurtasun Sailak, Elkarrekin Podemosi erantzunez, publiko egin ditu G7ko agintariek Biarritzen egin zuten bilerarekin lotuta EAEko Gobernuak egindako gastu polizialak. 344.000 baino gehiago kosta zitzaien Araba, Bizkaia eta Gipuzkoako herritarrei... [+]
Pirinio Atlantikoen Prefeturak asteartean jakinarazi du zenbateko kalte-ordainak emango dituen abuztuan Biarritzen egin zen G7aren bilerak Lapurdiko merkatariei eragindako kalteengatik. 584 kalte-ordain eskaera egin ziren eta horietatik 412 onartu dituzte, gehienak Baiona,... [+]
G7 gailurrak eragin kutsaduraren parte bat konpentsatzeko, Hergarai ibarreko Sugarai kooperatiba diruz lagundua izanen da zuhaitzak landatzeko eta oihanak kudeatzeko
Atxilotuak izan ziren zortzi pertsonaren kontrako epaiketa egin da asteartean, eta hiru errugabetzat jo ditu epaileak. Abuztutik espetxean dirauten hiru gazte alemaniarrak ere pasa dira epailearen aurretik, baina atxilo jarraituko dute epaia jakin artean.
Macron pozik atera zen Miarritzetik, halaber Oteiza, Kintoko enpresaria, urdaiazpikoa Trumpi opariturik. Baina G7aren kontrako gailurrak dezepzioa piztu zuen iraultzaileen oldeetan. Batzuk etorriak ziren pataskatzeko, hiriak sutan uzteko deklaratuak ez ziren manifestaldien... [+]
G7 pasatu ondoren, zer gelditzen da? Komunikazio operazio ona Macronentzat, baina diplomatikoki emaitza konkretu eskasak. Haatik, Euskal Herriarentzat gertakari adierazgarria izan da: estatuaren jokaera alde batetik eta parean eragile sozio-politikoek eman dugun... [+]
Hamasei lagun epaitu zituzten ostiralean Baionan. Abenduaren 3an emango dute epaiaren berri.
Aman Komunak sareak adierazi duenaren arabera, ostiral arratsaldean burutuko da G7aren goi bileraren harira atxiki zituzten dozena bat lagunen aurkako epaiketa, Baionan.