Polizia ugari eta Espainiako Erregea Gasteizen, terrorismoaren biktimen inguruko Nazio Batuen konferentzia dela-eta
Asteartean eta asteazkenean NBEren Terrorismoaren Biktimei buruzko Nazioarteko Konferentzia egingo da Gasteizko Europa Jauregian. Bertan izango dira, besteren artean, Felipe VI.a Espainiako erregea, Kanpo Arazoetako ministro José Manuel Albares eta Barne ministro Fernando Grande-Marlaska.
Hezkuntza prebentziorako, bakea eraikitzeko eta terrorismoaren biktimak ahalduntzeko tresna gisa lelopean egingo da Konferentzia, eta bilduko dituen 300 lagunen artean euskal ordezkariak ere izango dira, EAEko lehendakari Imanol Pradales eta Gasteizko alkate Maider Etxeberria, esaterako. Nazio Batuen Erakundeak, Espainiako Gobernuak eta Gasteizko Udalak antolatu dute, helburuetako bat izanik "mundu osoko terrorismoaren biktimei elkartasuna erakustea, erlijioa, nazionalitatea edo etnia edozein izanik ere". Felipe VI.ak, Albaresek eta Grande-Marlaskak asteartean parte hartuko dute.
Konferentziak irauten duen bitartean polizia ugarik kontrolatuko dituzte Europa jauregia eta inguruko kaleak. Hainbat errepide autoentzat itxita egongo dira, baita oinezkoentzako bide batzuk ere.
Bigarrenez egingo da NBEren terrorismoaren biktimen mundu mailako biltzarra; lehenbizikoa 2022an egin zen New Yorken (AEB). Nazio Batuetako estatu kideetako ordezkariak, nazioarteko erakundeetakoak, terrorismoaren biktimak eta adituak bilduko ditu, "biktimei babesa, erreparazioa eta memoria emateko politiketan aurrera egiten jarraitzeko". Konferentzia hau "urrats erabakigarria" izango da terrorismoaren biktimen "eskubideak errespetatuak eta haien memoria babestuak" izango direla bermatzeko, antolatzaileen hitzetan.
Hizpide izango diren gaien artean Erresilientzia-ahotsak: Terrorismoaren biktimak bakearen defendatzaile eta hezitzaile gisa deitua dago. Biktimak aldaketa-eragile eta bakearen defendatzaile nola bihur daitezkeen eztabaidatuko dute parte hartzaileek. "Terrorismoaren biktimek funtsezko zeregina dute bakea eraikitzeko, beren esperientziak partekatu eta gizarte-kohesioa sustatzen dutelako", azaldu dute antolatzaileek. Gobernu eta erakundeen papera, hezkuntza-estrategiak eta sentsibilizazio-kanpainak, eta biktimak oroitzeko politika publikoak ere jorratuko dira.
“Etsaien nagusitasunaren eguna” Euskal Herriko langileriarentzat “borroka eguna" izatea eskatu du Jarkik. Borrokatzera eta kalera ateratzera animatu dituzte herritarrak, “burgesiaren interes eta jabetza erregimenaren” aurrean.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]
Dakigunez, Hego Euskal Herriko Independentismo Instituzionalak ibilbide-orri jakin bati ekin dio. Espainiako Estatuarekin itun berri bat sinatzea. Bide horrek zenbait aldagai ala premisa nagusi erabiltzen ditu. Hala nola: PSOE ezkerreko alderdia da; Espainiako Estatua... [+]
Agorrilaren 27an igorri nizuen gutunean, irailaren 10eko auzian euskaraz deklaratzeko asmoa nuela adierazi nizuen. Auzi honen hastapenean, epaile nagusiari euskaraz zekienez galdegin nion. Gutxiespenarekin ezetz erantzun zidan. Orduan, nere gutuna eskuratu zuenez frantsesez... [+]
María Chivite lehendakariak esan du kezkatuta dagoela Alemaniatik Volkswagenetik datozen albisteekin, baina aldi berean, konfiantza duela multinazionalak Iruñean duen lantegian, orain arte iragarritako planak betetzen ari direlako.
Lo Que No Te Cuentan De Donosti taldeak mobilizazio berri bat antolatu du datorren astelehenean, hilak 11, Amara Berrin, Kaleko Afari Solidarioak banatzen diren ordu eta leku berean. Hiriko hainbat eragile antifaxista eta antirrazista batzen dituen plataformak... [+]
Indar armatuek zibersegurtasunari buruzko lehiaketa bat antolatu eta ekimena Nafarroako DBH ikastetxe guztietara heldu da; amaierako fasea Aranjuezeko Guardia Zibilaren akademian ospatuko dute. LAB sindikatuak gogora ekarri ditu duela hainbat urte irakasleen ideologiaren arabera... [+]
Nafarroako "eremu mistorako" deialdi bakoitzean, banan-banan, zehaztu beharko da euskarari zein atzerriko hizkuntzei ematen zaien puntuazioa, eta eremu ez euskaldunean ez da euskara baloratuko. Nafarroako Gobernuaren "jarrera euskarafobo, atzerakoi eta... [+]
Nafarren %68,3 biltzen dituzten 21 udalerri tentsio handiko eremu izendatuko dituela aditzera eman du Begoña Alfaro kontseilariak. Albistea begi onez hartu arren, EH Bilduk aurrekontuak babestearen truke herrietan “hutsik dauden etxebizitzak bizigarri” egitea... [+]
Europar Batasunean hamahiru herrialdek eman dituzte Poliziak egindako erailketei buruzko datuak, eta podiumean daude Frantziako eta Espainiako estatuak.
Jaietako lehenengo egunean txosnen debekuaren aurkako manifestaldia egin zuten milaka lagunek Lizarran, eta bertako askok ‘Bajadica del Puy’ kalejiran jarraitu zuten protesta. Udaltzaingoak egotzi die "desordena publikoak" eragitea.
Valentziako Generalitateko presidentearen aurka salaketa jarri du CGT sindikatuak, heriotzak saihesteko neurriak hartu ez izana leporatuta. Hogei bat eragile sozial eta sindikalek berriz, haren dimisioa eskatzeko manifestazioa antolatu dute hiriburuan, datorren larunbaterako.
BRICS+ taldean gorabidean dauden ekonomia produktiboek edota lehengaien hornitzaileek parte hartzen dute. Horiek munduko gobernantza justuagoa eraiki nahi dute eta horrek talka egiten du nazioarteko fluxu ekonomikoak arautzen eta gobernatzen jarraitu nahi duen... [+]