Polizia operazio “arrazista” Donostian: 29 lagun eraman ditu Poliziak identifikatzeko
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako Udalak baieztatutako datuen arabera, 56 lagun aurkitu dituzte erakinaren barruan, eta 29 Espainiako Poliziaren etxera eraman dituzte “identifikatzera”. Bertan bizi ziren gehienei, aldez aurretik prestatutako zitazio bat aurkeztu dietela baieztatu dute bertara laguntzera joan diren hainbat ekintzaile antiarrazista
Udalak esan duenez, operazio honen jatorria, “azken asteetan Martutenen bertan, leku honetan bizi diren pertsonen arteko liskar larriak dira”. Itxuraz, horrek auzotarren artean “kexak, kezka eta salaketak eragin ditu, eta ondorioz, poliziek osteguneko operatiboa martxan jartzea erabaki dute”, eraikin horretan dauden “pertsonak kontrolatzeko” eta “gertakari larri horiekin zerikusia duten ala ez argitzeko”.
Ramadan betean
Eraikinean bizi da Said [izena asmatua da], eta azaldu duenez, goizeko 8:00etan etxera sartu dira poliziak, inolako agindurik erakutsi gabe. Hainbat ate puskatu dituztela erakutsi du, eta bertan zeuden guztiak atera dituztela. “Jarrera oso txarra izan da, eserita egotera behartu gaituzte eta gure artean hitz eginez gero, oihuka hasten ziren”.
Saidek salatu du ramadan betean daudela, eta horregatik etorri direla, “ohi baino jende gehixeago dagoelako etxean”. Haserrea eta minduta hitz egin du, “nahikoa” dela esanez: “Askok ikasi nahi dugu, lan egin, eta ez gaituzte bakean uzten. Norbaitek delitua egin badu, ezin dugu denok ordaindu”. “Hauek ez dira bizitzeko baldintza duinak: ez dugu urik, ez argindarrik, ez wifirik, ez ezer!”, kexatu da.
“Bi labana”
Ekintzaileek salatu dutenez, “fitxaketa operazio masibo bat izan da, bertan bizi diren guztiak gaizkile gisa tratatuz”. Bertan bizi diren guztiak zaku berean sartzeagatik, “polizia operazio arrazista” dela salatu dute.
Lehenengo ordutik izan dira bertan ekintzaileak, eta azaldu dutenez, Poliziarekin tratua “ona” izan da uneoro. Ez ordea bertan bizi direnekin: “Animalien moduan tratatu dituzte”. Udaltzaingoak bridazko eskuburdinak jarri dizkiete etxean bizi zirenei, eta Espainiako Poliziaren polizia-etxera eraman dituzte.
Etxearen miaketan, metal detektagailu batekin bilatzen aritu ostean, bi labana atera dituzte etxetik, eta ekintzaileei erakutsi dizkiete. “Arriskutsuak zirelakoan erakutsi dizkigute labanok. Baina sukaldeko labana bat eta gurin labana bat ziren! Ez dira konturatzen hemen jendea bizi dela!”.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Gipuzkoako Auzitegiak urte eta erdiko espetxe zigorra ezarri dio gizon bati, emakume bat bortxatzen saiatzeagatik. Epaiketa asteazkenean egin zuten, eta, hasi aurretik, gizonak gertakariak onartu eta akordioa erdietsi zuen Fiskaltzarekin eta akusazio partikularrarekin, zigorra... [+]
Proiektu ekonomiko kooperatibo eta komunitarioak abian jartzeko grina duten pertsona eta taldeentzako doako eskola da KoopFabrika. Dagoeneko izena emateko epea irekita dago. Urtarrilaren 28an egingo da lehenengo saioa. Olatukoop, Gezki eta Lankiren baliabideei esker antolatu... [+]
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
Astearte goizean aurkeztu dute Gipuzkoako Bertsolari Txapelketako finala, Illunben (Donostia) bertan. Larunbatean, abenduaren 14an, izango da saioa, 17:00etatik aurrera.
Atzo hasi ziren zabaltzen Iñaki Castro musika teknikariaren kontrako salaketak '@denuncias_euskalherria' kontuan, eta dagoeneko dozenatik gora emakumeren testigantzak bildu dira.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]
Horren nabarmenki izan ez bada ere, Gipuzkoako gainontzeko lurraldeetan ere gora egin du etxebizitzaren prezioak. Modu berean higiezinen salerosketa ere handiagotu egin da, antza inflazioaren eta interes tasen jaitsiera dela eta, Gipuzkoako Higiezinen Jabetzako Agenteen Elkargo... [+]
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]
Azaroaren 26an eta 27an, Langune Euskal Herriko Hizkuntza Industrien Elkarteak eta FUEN Federal Union of European Nationalities erakundeak antolatuta, ‘Hizkuntzen irabazia. Benefits of language industry in the economy’ kongresua egingo da Donostiako Kursaalean. Han... [+]
Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.
Bere Telegram kanalaren bidez jakinarazi du ez dituela deialdi erreakzionario gehiago egingo oraingoz. Aurreko larunbatean, nabarmen egin zuen porrot Eason antolatu zuen kontzentrazioak, eta agerian geratu da kontramobilizazioen eraginkortasuna.
Bizkarsoro filma (Josu Martinez, 2023) Donostiako zinema aretoetan proiektatuko dute ostiral honetatik aurrera (hilak 22); SADEko Iñaki Elorzak azaldu duenez, bi aste inguruz proiektatuko dute printzipioz, eta, arrakasta baldin badu, denbora gehiagoz. Hala azaldu dute... [+]
Hizkuntzen irabazia kongresua izango da azaroaren 26an eta 27an Donostian. Arlo digitalean inglesaren erabilera aregotzen ari den garaietan, kongresuak euskara bezalako hizkuntza gutxituek tokiko ekonomiari egiten dioten ekarpena agerian utzi nahi du.