Infiltratutako polizien jarduna Konstituzio Auzitegira eramango dute kaltetuek
Polizia agenteek nortasun faltsuen pean gizarte-mugimenduetan egindako infiltrazioak Espainiako Konstituzio Auzitegira iritsiko dira. Irídia-Centre per la Defensa dels Drets Humans erakundeak, infiltrazio horiek kaltetutakoen Acció Contra l 'Espionatge d' Estat kolektiboarekin batera, babes-errekurtsoa jarri du, salatzeko ez dela ikerketarik egin Bartzelonako espazio politiko eta sozialetan infiltratutako poliziek eragindako oinarrizko eskubideen urraketa larrien inguruan.
D.H.P. polizia infiltratuaren jardunak kaltetutako sei emakumeren abokatuek aurkeztu dute babes-errekurtsoa, justiziak hirutan –Fiskaltzak, Bartzelonako 21. instrukzio-epaitegiak eta Bartzelonako Probintzia Auzitegiak– ukatu duelako eskubide-urraketa ikertzea. Irídia zentroak salatu duenez, ebazpen juridiko horiek "ez dute betetzen tortura eta beste tratu anker edo iraingarri batzuk erabat debekatzeko betebeharra, giza eskubideen nazioarteko estandarrek zehazten duten bezala". Gaineratu du "arriskuan" jartzen duela "giza eskubideen babes eraginkorra", eta praktika horien erantzule diren "agintarien inpunitatea" sendotzen duela. Dioenez, epaitegiak eta Auzitegiak bere egin dute Fiskaltzaren diskurtsoa, zeinak argudiatu duen kasua ikertzeak "Estatuaren segurtasuna arriskuan" jar lezakeela: "Gure oinarrizko eskubideak baino, ustezko segurtasun afera bat lehenesten da".
D.H.P. poliziaren jarduna Directa agerkariak azaleratu du. Kaltetutakoen abokatuek adierazi dutenez, haren ekintzek –baita Directa-k eta El Salto-k publikatutako beste infiltratuenek ere– kaltetutakoen "duintasun, sexu askatasun eta parte-hartze politikoaren gainean eragin larria dute, eta gizarte mugimenduak kriminalizatzen dituzte". Poliziek, harreman sexu-afektiboen bidez, konfiantza-markoa sortzen zuten militanteekin, eta horri esker haien eta hainbat kolektiboren gaineko informazioa lortu. Gainera, Barne Ministerioak "antolatu eta agindutako, edo, gutxienez, hark babestutako" metodo poliziala dela diote abokatuek.
Infiltrats dokumentalaren estreinaldia
Testuinguru horretan, Infiltrats dokumentala estreinatu da, 3Cat-ek Directa eta Polar Star Films-en kolaborazioarekin ekoiztu duena. Herrialde Katalanetako gizarte mugimenduetan infiltratutako lau Polizia Nazional nola deskubritu zituzten kontatzen du, baita hainbat pertsona eta kolektiborengan izan zuen eragina, gertatutakoa ikertzeko borondate politikorik eza eta operazio hauen zilegitasunaz eztabaidatzeko beharra azaleratu ere.
3Cat telebista kateko 30 Minuts saioan emititu dute dokumentala. Hemen ikus daiteke osorik: Infiltrats.
Dokumental horretan jaso dute, hain justu, oihartzun handia izan duen M.I.T. poliziaren kasuari lotutako pasarte deigarri bat. Irudietan ikus daitekeen moduan, Oscar Campos aktibistak, hiru urtez polizia infiltratuaren bikotekide izandakoak, hari deitzen dio telefonoz, esateko deskubritu egin dutela. Poliziak, deia amaitu ordez, hizketan jarraitzen du Camposekin. Elkarrizketa osoa Directa-k jaso zuen 2023an, eta haren parte bat da dokumentalean jasoa dagoena.
"Infiltratu baten aitorpenak eta operazioetako akatsek gobernuaren opakotasuna zartatu dute", dio agerkari katalanak elkarrizketaren bueltan plazaratutako erreportajearen goiburuak.
ARGIAk 3Cat-ek sare sozialetara igo duen pasartea euskaratu du:
Europar Batasunean hamahiru herrialdek eman dituzte Poliziak egindako erailketei buruzko datuak, eta podiumean daude Frantziako eta Espainiako estatuak.
Xabier Kalparsoro eta Gurutze Iantzi Espainiako polizien eta guardia zibilen eskuetan hil zituztela 31 urte igaro direnean, Egiari Zor fundazioak ekitaldia egin du Urnietan. Eusko Jaurlaritzari eskatu dio berriz ere ireki dezala epe bat estatuaren biktimak aitortzeko eskaerak... [+]
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Espainiako Poliziaren sindikatu nagusiarekin egindako akordio baten arabera, eskuin muturreko taldeak "defentsa pertsonaleko formakuntza" eskainiko die 30.000 agenteri.
1984ko urriaren 23an ETAren garaian Espainiako Barne Ministerioak onartutako aginduan, “arriskugarritasun eta nekagarritasun” kontzeptuengatik “ordainsari” bat zehaztu zuten Espainiako Polizia Nazional eta Guardia Zibilarentzat, “eremu... [+]
German Rodriguez eta Joseba Barandiaran omendu, eta langile mugimenduaren alde egindako lana txalotu dute Iruñean. Palestinari ere elkartasuna adierazi diote, sanferminetan urteroko zitan Iruñean.
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
2016an bi emakumek bortxatuak izan zirela salatu zuten, Iruñean. 2018an auzia artxibatu zuten eta ez zen epaiketarik egin. Espainiako Poliziak, Fiskaltzak eta Nafarroako Auzitegiak ikerketan egindako irregulartasunak salatu ditu biktimen abokatuak. Espainiako Estatuak... [+]
"Juancar" izenaren pean infiltratuta egon da Carlos P.M. agentea Madrilgo hainbat mugimendutan. 2020an sartu zen Espainiako Polizian, hain justu ere infiltrazio kasu gehiagoren jatorrian dagoen zentro berean egon ondoren. El Salto-k argitaratu du informazioa.
Lucia Rodriguez polizia-agenteak hiru urtez egin zituen sator-lanak Distrito104 gazte-kolektibo antifaxistan eta Madrilgo Errepresioaren Aurkako Mugimenduan, aurreko udazkenera arte.
Ezker abertzaleko familia baten etxea tirokatzeagatik atxilotu zuten Espainiako polizia ohiak baimenik gabeko bederatzi arma, gerra materiala, ia lau kilo bolbora, 400 bala baino gehiago eta dozenaka arma erabilgaitz zituen etxean
Polizia ohiak onartu zion Ertzaintzari berak egin zuela tiro eta agenteek legez kanpoko hainbat arma atzeman zizkioten etxean. Akusazio partikularrak 13 urte eta erdiko espetxe zigorra eskatuko du armak eta lehergailuak gordetzeagatik eta kalteak eragiteagatik. Fiskaltzak,... [+]
Asteazkenean atxilotutako Indar Gorriko 61 kideak libre utzi ditu Iruñeko Instrukzioko 4. epaitegiak, behin-behineko askatasunean eta kautelazko inongo neurririk gabe.
Espainiako Poliziak joan den asteartean atxilotu zuen Iturmendin (Nafarroa) eta, Espainiako Auzitegi Nazionalaren aginduz, Madrilera eraman zuten inkomunikatua.
Espainiako Poliziak astearte eguerdian atxilotu zuen bere etxean, Iturmendin (Nafarroa), antza sare sozialetako mezuren batekin lotuta. Arratsean segundo batzuetako deia egin zien senideei Madrilera eramaten zutela jakinarazteko, ARGIAk jakin duenez. Estefanía Cerverak 63... [+]