Kereila kriminala aurkeztu dute Polizia infiltratuarekin harremana izandako bost emakumek
Harreman sexu-afektiboak bilatu zituen zenbait andrerekin Espainiako polizia infiltratu batek Katalunian, besteak beste, inguru militanteetara sarbidea errazteko, Directa hedabideak jakitera eman duenez. Horietako bostek salaketa jarri dute epaitegian; sexu abusuak, osotasun moralaren aurkako delituak, eskubide zibilen urraketak eta sekretuak ezagutaraztea leporatzen dizkiote, besteren artean.
Astelehenean argitaratu du Kataluniako Directa hedabideak Daniel Hernández Pons Espainiako polizia infiltratuaren kasua, hiru urtez Kataluniako gizarte mugimenduetan sator lanak egin zituenarena. Gizon harekin harreman sexu-afektiboak izan zituzten zenbait emakumeren hitzak bildu ditu Directak, eta ziurtatzen dute ez zuketeela inoiz harremanik izango, jakin izan balute polizia zela.
Asteartean jakinarazi dute kereila kriminala ezarritu dutela bost emakumek, Bartzelonako guardiako epaitegian. Euren oinarrizko eskubideak urratu dituela salatu dute, eta Irídia giza eskubideen defentsarako elkartearen eta CGT sindikatuaren bidez jarri dute kereila. Delitu ugari leporatzen dizkiete, bai polizia infiltratuari, bai haren nagusiari, bai Espainiako Barne Ministerioari.
Hala nola sexu abusuak, osotasun moralaren aurkakoak, eskubide zibilen urraketak, eta euren sekretuak eta identitateak ezagutarazteagatik jarri dute salaketa epaitegian. Argi dio kereilak: “Muga etikoak gainditzen ditu, eta emakume haien oinarrizko gunearen eta euren sexu autonomiaren aurka egiten du eraso”.
Salaketa jarri duen emakume baten abokatu Laia Serrak ohartarazi du Espainiako Estatuak “sexualizatutako indarkeria instituzionala” erabili duela, eta Mireia Salazar abokatuak gehitu du emakumeak “instrumentalizatu” dituztela, haien gorputzak eta sexu harremanak erabili dituztelako espazio politikoetako informazioa lortzeko.
Neurri judizialak eskatu dituzte, eta, infiltratutako poliziaz gain, haren nagusia eta Espainiako Polizia Nazionalaren orduko arduradun nagusia ere galdekatzeko exijitu dute. Gainera, kereilan zehaztu dute jakin nahi dutela Poliziari zein epaitegik eman zion baimena agente horren identitate ezkutua sortzeko, zein helbururekin, baita zein ikerketaren testuinguruan eta infiltrazioa zer luzerako denbora tartez onartu zuen ere. Argitzeko eskatu dute ea aurreikusia zegoen harreman sexu-afektiboak edukiko zituela aktibistekin, eta ea Poliziaren Informaziorako Komisaldegi Orokorra jakinaren gainean zegoen.
Irakurri kasuari lotutako albiste gehiago:
Espainiako Poliziaren infiltratu bat Gasteizko Errekaleor auzoan ere ibili zen
Infiltrazio estrategia: harreman sexu-afektiboak bilatzea ekintzaileekin
“PPko polizia patriotikoak” Barne Ministerioaren datu-baseen bitartez, Podemoseko politikariak espiatu zituela informatu du El Paísek, horien artean Pablo Iglesias, Yolanda Díaz, Ione Belarra edo Irene Montero. Espainiako Estatu osoko autonomia erkidego... [+]
Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]
Bost emakumek kereila jarri zuten Kataluniako mugimenduetan hiru urtez infiltratutako poliziaren aurka, haien aurkako sexu abusuak egin zituela egotzita. Fiskaltzak epaileari eskatu dio ez onartzeko kereila, eta adierazi du harremanetan emakumeen "onespena" egon zela.
2015etik 2021era mugimendu antifaxista eta antierrepresiboetan infiltratutako poliziaren kasua publiko egin du El Saltok, Directarekin elkarlanean ikertu ondoren. Hamabost hilabetean hedabideek argitaratutako polizia satorren seigarren kasua da.
Espainiako presidente Pedro Sánchezen eta beste lau ministro mugikor bidez espiatzeagatik irekitako kasua itxi egin dute, Pegasus programaren jabe den Israelgo Gobernuaren eta Justiziaren "erabateko" kolaborazio faltagatik.
Artikulu honen izenburuan agertzen diren hiru izen propioak ez datoz bat horrela deitzen ziren pertsonen errealitatearekin. Marc Hernàndez Pons, Dani Hernàndez Pons eta Ramón Martínez Hernàndez ziren Barne Ministerioak Polizia Nazionaleko hiru... [+]
Espainiako barne-ministro Fernando Grande-Marlaskak adierazi du infiltrazioekin lotutako informazioa espediente sekretu batean dagoela bilduta. Polizia horiek inteligentzia agente gisa definitu ditu, "ordenaren eta segurtasun publikoaren" intereseko informazioa... [+]
EHUko Errektoretzak komunikatu batean "ahalik eta irmotasunik handienarekin" gaitzetsi du unibertsitate-zentroko langileen ustezko espioitza kasua. Infolibrek ezagutarazi zuen Kitchen kasuaren barruan, EHUko langile bati buruzko informazioa pasa ziola unibertsitateko... [+]
Madrilgo La Animosa zentro sozialean eta mugimendu ekologistetan hartu du parte poliziak. Azken hilabeteetan argitaratu duten infiltratutako polizien laugarren kasua da.
Martxoaren 2an eman zen argitara Espainiako Poliziak Mari Jose Beaumont zelatatu zuela 2015ean. Nafarroako Gobernuko Lehendakaritza, Funtzio Publiko, Barne eta Justizia kontseilaria zen orduan, Uxue Barkosen gobernuan. Berrian eta Naizen adierazi du auzian aurkeztea pentsatzen... [+]
Espainiako enegarren ustelkeria auzia –Kitchen auzia deiturikoa– hari luzea uzten ari da bestelako kontuetan ere. Espainiako Barne ministerioak arerio politikoak nola jazartzen eta zelatatzen zituen agerian geratu da epaiketara aurkeztutako dokumentazioarekin... [+]
Espainiako Poliziak Mari Jose Beaumont zelatatu zuen 2015ean Uxue Barkos lehendakariak Nafarroako Gobernuko Lehendakaritza, Funtzio Publikoa, Barne eta Justizia kontseilaria izendatu zuenean.
Ser kateak jaso duen abuztuko dokumentu batean, Espainiako Barne Ministerioak "zilegi eta beharrezko" ikusten du polizia agenteak infiltratzea mugimendu sozialetan, "independentismoaren arriskuak geldiarazteko".
Directa agerkari digitalak Espainiako polizia infiltratu baten kasua argitaratu du; hainbat emakumerekin harreman sexu-afektiboak bilatu zituen, besteak beste, inguru militanteetara sarbidea errazteko. Erresuma Batuan azaleratu dituzte antzerako gertakariak: seme-alabak... [+]