Beste polizia eredu baten beharra nabarmendu dute ErNEren jardunaldietan
Ertzainen ErNE sindikatuak antolatutako jardunaldietan polizia ereduari buruzko gogoeta egin dute. Saioa “emankorra” izan dela azpimarratu du Jesus Uribe koordinatzaileak. Haren ustez, premiak bultzatu du eztabaidaren sorrera, ETAk bere jarduna uzteak beste eredu baten beharra eragin baitu.
Hainbat arlotako eragileak bildu dituzte jardunaldietan. Besteak beste, Lokarriko, Amnesty Internationaleko, SOS Arrazakeriako eta alderdi politikoetako ordezkariek euren iritzia eman dute Ertzaintzak beharko lukeen ereduari buruz.
Komunikazio bideak zabaldu behar dituztela azpimarratu dute eragile guztiek. Uribek dioenez, hitz egiten “gizarte honentzat aldarrikatzen dugun polizia ahalik eta demokratikoena eta kontrolatuena” lortuko da. Halaber, zuzenak ez diren jardunak berriz gerta ez daitezen protokoloak adosten lagunduko du eztabaidak, ErNEko koordinatzailearen arabera.
Antolatzaileak orokorrean pozik agertu diren arren, nabarmendu dute politikariekin desengainua hartu dutela. Esan dutenez, “oso gutxi dakite” segurtasun publikoari buruz eta “ez dute herritarrek eskatzen dutena entzuten”.
Estefania Beltran de Heredia Jaurlaritzako Segurtasun sailburuak defendatzen duen polizia eredua aurkeztu du. Uribe bat dator Beltran de Herediarekin hurbiltasuna eta eraginkortasuna eskatzeari dagokionez, baina azpimarratu du Jaurlaritzak egiten duen politika ez datorrela bat aldarrikatzen duenarekin.
ErNEren ustez, Ertzaintzaren sorrerako estatutuetako bosgarren puntuak izan behar du hemendik aurrerako aldarria: “Euskal polizia euskalduna, demokratikoa, profesionala, eraginkorra eta euskal gizarte osoaren zerbitzura egongo dena, herrietako poliziak eta Ertzaintzak bilduko dituena”.
Ertzaintzarekin bigarren negoziazio mahaia ireki du Bigen Zupiriak, martxoan ERNE, ESAN eta SIPErekin ertzainei urteko soldata gutxienez 4.200 euro igotzea adostu ostean. Agente kopurua areagotzeko plan horretan Arkautiko (Araba) akademiak "berebiziko... [+]
Iazko abuztuan, Irundik gertu, ertzainek atxilotzean izan zuen bihotzekoa gizon batek. Eneko Valdésen heriotzaren ikerketan, Polizia errugabetu zuten.
"Amorru handiko eguna" dela adierazi du Zabarteren senar Noboak, emazteak epailearen aurrean deklaratu berritan. 2024ko martxoan jokatu zen Realaren partidu baten atarian zauritu zen foam jaurtigai batekin, eta Donostiako ospitaleko Zaintza Intentsiboko Unitatean... [+]
Azken astean ezagutarazi moduan, Eusko Jaurlaritzaren Balorazio Batzordeak txosten banatan aitortu ditu estatuaren biktima gisa. Justizia sailburuak ekitaldi pribatu banatan entregatu dizkie dokumentuak.
Rosa Zarra Ertzaintzaren pilotakada baten ondorioz hil zela da Eusko Jaurlaritzako Poliziaren Biktimen Balorazio Batzordeak atera duen ondorioa, Berria-k jakinarazi duenez. Orain arte, Ertzaintzak beti egin dio uko bertsio horri, eta Rosa Zarra berak zuen gaixotasunaren ondorioz... [+]
Ustez, lokalaren jabetza eskuratu dutenek bidali dituzte sarrailagileak sarraila aldatzera; Ertzaintzak babestuta aritu dira hori egiten. Birundak epaiketa bat irabazi du duela gutxi.
Ertzaintzak martxoaren 13an Bilbon zauritutako bi pertsonaren testigantza jaso ditugu. Athleticen partidaren ostean larriki zauritu zituzten aita-semeak, borra-kolpeka, eta atxilo eraman zuten haietako bat. Furgonetatik ikusi zuen ertzainek nola egin zuten tiro jendearen kontra,... [+]
ERNE, ESAN eta SIPErekin egin du akordioa Eusko Jaurlaritzak 2025-2028 aldirako. Besteak beste, urteko soldatan 4.200 euro gordineko igoera "graduala" izango du ertzain bakoitzak. Sindikatuen iturriek El Diario Vascori azaldu diotenez, akordioarekin Ertzaintza Espainiako... [+]
49 urte eta gero Espainiako Poliziak Gasteizko Maria Sortzez Garbiaren katedralean eraildako bost langileak oroitu dituzte beste behin astelehen arratsaldean. Milaka pertsona batu dira Zaramagatik abiatutako eta katedralean amaitutako manifestazioan. Manifestari guztiek ez dute... [+]
.jpg)
31 urteko emakume kolonbiarra osasun zentrora eraman ordez ertzain etxera eramatean agenteek "akatsa" egin zutela aitortu du Segurtasun sailburuak, baina azpimarratu du ez zuela "jipoirik" jaso.
.jpg)
Karen Daniela Ágredok dioenez, zortzi bat ordu eman zituen ziegako zoruan etzanda Ertzaintzak ospitalera eraman aurretik. Segurtasun sailburu Bingen Zupiriak berak eskatu du Eusko Legebiltzarrean agerraldia egitea.
Karen Daniela Ágredok dioenez, atxilotu zutenean berak ez zuen ertzainik zauritu, haiek lurrera bota zuten eta konortea galdu zuen. Ondoren, Ertzaintzaren komisariaren zoruan iratzartu zen eta handik ospitalera eraman zuten.
Salburuako futbol kantxetan polizia-operazio planifikatu bat egin zuen igandean Ertzaintzak, eta Gasteizko GKSk nahiz Gasteiz Antirrazista eragileek salatu dutenez, bertan zeuden pertsona ugari identifikatu, miatu eta kolpatu zituzten.
Segurtasun sailburu Bingen Zupiriak adierazi du oraingoz ez dutela neurririk hartuko kasuaren inguruan, "gauzak ondo edo gaizki egin izanaren inguruko segurtasun edo ziurtasunik" ez duten bitartean. Ertzaintzaren agenteek eraso egin zioten emakumea "indarrik... [+]
Emakumearen familiako kideek jarri dute salaketa Bilboko Kolonbiaren kontsulatuan. Otsailaren 1ean jasan zuen erasoa, Donostiako Manterola kaleko diskoteka baten atarian. Hainbat testigantzen arabera, konorterik gabe egon arren berari kolpeka jarraitu zuen ertzain batek.