Hego Euskal Herriko lau hiriburuetan manifestazioak egin dituzte larunbatez Euskal Herriko Pentsiodunen Mugimenduak deituta. Antolatzaileen arabera, 18.000 lagun atera dira kalera. Pentsio publikoak, duinak eta bidezkoak eskatu dituzte, beste behin.
Pentsiodunen mugimenduak salatu du hiru urte daramatzatela mobilizazioak egiten eta gaur arte lortutakoak galtzeko arriskuan daudela. Haien ustez, Toledoko Itunak eta Espainiako kongresuko bozketak agerian utzi dute pentsio sistema publikoa bideragarria dela, baina hala ere, pentsioak murrizten dituzten erreformak ari direla egiten eta murrizketa berriak egiteko ateak irekitzen ari direla. Lan eta pentsio erreforma indargabetu gabe igarotzen den egun bakoitzeko prekarietatea, desberdintasuna eta pobrezia areagotzen direla adierazi dute.
Mobilizazioetan pentsiodunen hainbat elkartek parte hartzeaz gain, sindikatuak (ELA, LAB, ESK, Steilas, Etxalde, Hiru, CNT eta CGT), zahar egoitzetako senideen elkarteak eta gazteak ere izan ziren. Antolatzaileek pentsioak, enplegua eta bizi baldintza duinak defendatzen dituzten erakunde sozial eta sindikalei babesa eskaini zieten.
Mobilizazioak Espainiako Estatuan ere egin ziren, besteak beste, Galizian, Katalunian, Andaluzian eta Valentzian.
Agintariei ondokoa eskatu diete: egindako promesak betetzea, pentsio publikoen gaineko mehatxuak kentzea, eta behar diren erabakiak hartzea pentsiodunen mugimenduaren eskari zuzen eta premiazkoak egia bihur daitezen.
Pentsio politikak aldatzen ez badituzte ohartarazi dute udazkenean erakunde sozial eta sindikalekin batera mobilizazio orokorra antolatuko dutela.
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.
Erretreten erreformaren kontrako manifestazioetako batean atxilotu zuten mauletarrak Baionako auzitegian deklaratu beharko du, datorren astean. Elkartasuna adierazi du hainbat herritarrek: “Errepresio gorakada azkartzen ari da”.
Erretreten erreformaren aurkako hamalaugarren greba eguna dute gaur Ipar Euskal Herrian. Frantziako Estatuko 250 bat hiritan egin dute manifestaziorako deia sindikatuek.
Zer pentsa ematen du apirilaren 28an egindako salaketek utzitako arrasto txikiak, eta haren segida bakarra izatea istripuen eta langileen heriotzen kate etengabea. Azkoitian, eraikuntzan beste behin ere, oso ohikoa eta beraz saihesgarria den istripuan hil da 62 urteko langilea... [+]
Astelehenean Bilbotik eta Bergaratik abiatu dira, eta asteartean Agurainetik. Ostegunean Gasteizen batuko dira hiru mobilizazioak.
Ekainaren 8an dute erretreta adina 62 urtetik 64ra pasa duen legea ezeztatzeko ondoko aukera. Hain zuzen, Liot talde independenteak legea ezeztatzeko aurkezturiko lege-proposamena bozkatuko dute egun horretan. Ekainaren 6rako finkatu dute hamalaugarren greba eguna sindikatuek.
Erretretarako adina 62 urtetik 64 urtera atzeratzen duen erreforma pasa arren, aurkako mobilizazioek segitzen dute. Ondoko bideetatik dabiltza testu horren kontrakoak: greba eta manifestazioak; Konstituzio Kontseiluaren ezeztapenaren esperantza mehea; gobernuaren parean postura... [+]
Teorian pobreak egoera horretatik ateratzea helburu duen Diru-Sarrerak Bermatzeko Errentan aldaketak adostu dituzte EAJ, PSE eta Elkarrekin Podemos-IUk, eta indarrean sartu da lege berria. Jende asko kanpoan uzten duela, pobrezia egoeratik ateratzeko ez duela balio eta txiroak... [+]
23.000 lagun batu dira Baionan sindikatuen arabera, eta orokorki, manifestazio guzietan batu da jendetza esanguratsua –Parisen 800.000 dira une honetan, CGTren arabera–. Tonua gogortuz doa manifestarien partetik eta blokeoak eta barrikadak biderkatuz doaz azken... [+]
Pirineo Atalntikoetako prefekturak jakitera eman du lau manifestari atxilotu dituela Frantziako Poliziak. Elkarretaratzera deitzen du Ipar Euskal Herriko Kontseilu Sozialistak, 18:30ean Baionako komisaldegiaren aitzinean.