Podcastak nabarmendu dira Rikardo Arregi sarietan
Bideak podcastak Kazetaritza saria irabazi du, eta Lore hostoak podcastak Komunikazio saria. Menane Oxandabaratz omendu dute Ohorezko Mugarriarekin.
Rikardo Arregi kazetaritza eta komunikazioaren 35. sari banaketa egin dute Andoaingo Bastero Kulturgunean. Aurten, Naiz eta Mediabaskek ekoiztutako Bideak podcastari eman diote Kazetaritza saria, eta EITBPodkasten Lore hostoak proiektuak irabazi du Komunikazio saria. Aldiz, Irulegiko Irratiaren sortzaile eta Herria aldizkariaren buru Menane Oxandabaratz kazetariak eskuratu du Ohorezko Mugarria.
Euskarazko kazetaritzaren kalitatea eta berrikuntza bultzatzea du helburu sari banaketak. Euskaraz argitaratu izan diren lan guztiek Kazetaritza Saria eskuratzeko aukera dute, eta Komunikazio saria, ordea, euskarazko komunikazioaren mesedetan pauso berritzaileak eman dituztenek jasotzen dute. Ohorezko Mugarria euskal kazetaritzaren historian erreferentzia izan direnei ematen zaie.
Kazetaritza saria irabazi duen Bideak podcastak hizpide du zer nolako ondorioak izan dituen migratzaileentzat Frantziako Gobernuak Euskal Herriko mugak hetsi eta kontrolak gogortzea. Saria jasotzera igo dira Jon Telleria, Larraitz Otazo, Hegoi Belategi eta Goizeder Taberna kazetariak. Antolatzaileek azpimarratu dute podcastak “larritasun bereziko gaia” jorratzen duela: “Askotan ikusten ez dugun edo ikusi nahi ez dugun errealitatearen berri ematen digu, migrazioarena”.
Euskal musikarien ibilbidea jorratzen dute, ordea, Lore Hostoak podcastean. Ekain Perez esatariak jaso du Komunikazio saria taldearen izenean. Epaimahaiak adierazi du Ekainen ahotsak eta elkarrizketa eramateko erak “komunikazio berezia” lortzen dutela: “Entzulea aparteko unibertso batera eramaten du”.
Halaber, Ohorezko Mugarria kategorian Menane Oxandabaratzen lana aitortu du Rikardo Arregi sarietako epaimahaiak: “Oxandebaratzek frogatu du Euskal Herrian gauza handiak egin daitezkeela eta lan boluntario eta antolaturik gabe euskararen sustapena ezinezkoa litzatekeela”.
Asteazkenean banatu dituzte Rikardo Arregi sariak, Andoainen. Kazetaritza Saria Berria-n argitaratutako Feminizketak elkarrizketa sortak jaso du, eta Komunikazio Saria Euskal Wikilarien Kultura Elkartearen Ikusgela proiektuak. Ohorezko mugarria Ana Galarraga Aiestarani eman dio... [+]
Kazetaritza Saria eta Komunikazio Saria banatuko dituzte antolatzaileek. Epaimahaiak launa finalista aukeratu ditu sari bakoitzeko. June Fernández Kazetaritza sariko finalistetako bat da ARGIAn argitaratutako “Nerabeak eta sexu-heziketa: pornoa ote da arazoa?”... [+]
Aurtengo finalisten berri eman du Rikardo Arregi Kazetaritza Sariaren epaimahaiak. Azaroaren 30ean izango da sari banaketa ekitaldia Andoainen. Zortzi finalisten artean Kazetaritza eta Komunikazio sari bana emateaz gain Elixabete Garmendia eta Patxi Baztarrika omenduko dituzte... [+]
Rikardo Arregi Kazetaritza Sariaren deialdia aurkeztu dute Donostian. Azaroaren 25ean egingo dute sari banaketa ekitaldia eta Martin Ugalde idazle andoaindarra omenduko dute.
Aldizkari digitalak Komunikazio saria jaso du, eta Hurbiletik saioak, berriz, Kazetaritza saria.
Rikardo Arregi Sarietan euskarazko kazetaritzan mugarri izandako hamar proiektu komunikatibo omendu dituzte aurten. Horien artean Anaitasuna aldizkariaren zuzendari ohia, Angel Zelaieta, nire aitatxo. Begoña Arregiren eskutik jaso zuen saria; benetan, momentu hunkigarria... [+]
Rikardo Arregi saria jaso du ARGIAk ostiralean eta 1980an ARGIAri eutsi eta ekin zion lehenengo lantalde hari eskaini diogu. Langile talde horren ordezkari, Joxemi Zumalabe gogoan, Josu Landak, Iñaki Uriak, Joxemari Ostolazak eta Pello Zubiriak jaso zuten, Estitxu... [+]
Urtero Andoaingo Udalak euskarazko kazetaritzako lanak nabarmenduz ematen dituen Rikardo Arregi Sariek 30. aldia izan dute aurtengoa. Horregatik, ekitaldi berezia izan da urriaren 26an Bastero antzokian egindakoa eta baita sarien planteamendua ere: "Hamar mugarri" izan... [+]
Rikardo Arregi Sariak aurten 30. edizioa ospatu du. "Hamar mugarri" saritu ditu aurtengoan, eta horien artean bat "Zeruko Argiatik ARGIAra" izenekoa izan da. ARGIA egiten duen egungo lantaldeak, bereziki eskaini zion saria 1980an ARGIAri eutsi eta ekin zion... [+]
Andoaingo Udalak deitzen dituen Rikardo Arregi kazetaritza sariak banatu dituzte larunbatean. Kulturrizketak telebista saioak jaso du sari nagusia eta Kixoteneak erreportaje ilustratuen liburuak aipamen berezia.
Sustrai Colinak jaso du Rikardo Arregi Sari Nagusia, ARGIAn eginiko elkarrizketengatik. Amagoia Gurrutxagak Sari Berezia irabazi du, Kristiane Etxaluzi Jakin aldizkarian egindako elkarrizketa-biografiagatik. Eta Unai Oiartzunek merezi izan du Kazetari Berriaren saria, Irunero... [+]
Sari Nagusia jaso duten lanak ARGIAko elkarrizketak izan dira (Aiurrik grabatutako bideoan Colinaren bertsoak ikusentzungai). Kristiane Etxaluzi Jakinen eginiko elkarrizketa-biografiak jaso du Sari Berezia. Eta Irunero udal aldizkariko erreportaje sortagatik hautatua izan da... [+]
Julen Iriondo Martinez de Zuazok jaso du euskarazko kazetaritzaren XXVII. Rikardo Arregi sari nagusia eta Samara Veltek kazetari gaztearena. Mikel Ibargoien eta Iñigo Astitzen lanek sari berezia izan dute.