Pobrezia eta bazterkeriaren aurkako erronka aldarrikatzen da urtero urriaren 17arekin batera. Gero eta latzago ageri da arazo horren gordina Esukal Herrian. Gaindegiak Eurostaten 2010eko txostenean oinarrituz aurtengo apirilean argitaratu zuenez, Euskal Herriko hamar biztanletik bat, 300.000 pertsona, pobrezian edo pobrezian erortzeko arriskuan dago. Arrisku hori kalkulatzeko metodoaren berri eman zuten Basqueinfo gunean.
2011-2013 urteen artean kopuru hori etengabe hazten ari da eta horrek azken hamarkadetan ezagutu ez dugun egoerara darama euskal gizartea. Nabaria da bazterketa arriskua eta desberdintasun sozialak nola ari diren handitzen, alor horretan lan egiten duten erakunde eta eragileak (Elkartzen, Caritas, elikagai bankuak, jantoki sozialak, Zero Pobrezia…) argitaratzen dituzten datuak ikusita.
Bitartean, %1ek ia erdia dauka
Munduan milioi bat baino gehiagok euro bat baino gutxiagorekin pasatzen du eguna. Baina orain arte urrutikoa zen egoera gero eta gertuago bizi da hemen. Hego Euskal Herrian populazioaren %10 baino gehiago bizi da pobrezia eta bazterketa sozialaren atarian. Eta pobreziaren mugatik behera bizi direnen kopurua hazten ari da urtetik urtera.
Gaindegiak aditzera eman duenez, bere gordintasunean, azpimarratzekoa da Europako Batasuneko tasa txikienetakoa duela Euskal Herriak (%10,4, Europar Batasuneko bataz besteko %16,4ren aldean).
Aberastasunaren kontzentrazioa, berriz, gora doa. Zero Pobrezia plataformak salatu duenez, Hego Euskal Herriko biztanleen %1en esku dago Barne Produktu Gordinaren ia erdia. Hortik ondorioztatzen dute aberastasunaren banaketa okerrak dakarrela pobrezia. Gai horretaz arduratzen diren kolektibo sozialek salatu dute borondate politikoa behar dela pobrezia eta desberdintasuna desagerrarazteko eta gogoratu dute badirela beste alternatiba eta proposamen batzuk denontzako eredu justuagoagoa lortzeko.
Egun horren harira Hego Euskal Herriko hiriburuetan antolatu diren ekitaldiak ikusteko klikatu hemen.
Iazko urritik eraiki dituzte hainbat kokaleku jatorri magrebtarreko ia 100 lagunek. Poliziak duela hainbat aste jaso zuen haiek basotik botatzeko agindua.
Donostian, 300 pertsona baino gehiago “pobrezia eta muturreko bazterkeria egoeran” bizi direla salatu dute Kaleko Afari Solidarioak (KAS) eta Hiritarron Harrera Sarea taldeek. “Michelin izarrak dituzten zortzi jatetxe dituen hirian eta Basque Culinary Center... [+]
181 milioi haur inguru bizi dira egoera larrian eta gobernuz kanpoko erakundeak dio hilgarria izan daitekeen desnutrizio-motaren bat jasateko %50 aukera gehiago dutela. Desberdintasunak, gatazkak eta krisi klimatikoa dira arrazoi nagusiak.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]
Populazioaren %10,9 bazterkeria egoeran dago, eta %14,5 arriskuan, biak Espainiako Estatuko daturik txikienak Arope tasaren arabera, Unai Hualde Foru Legebiltzarreko lehendakariak azpimarratu duenez.
2022an, egoera hori jasaten zuten ia hogei milioi haur eta nerabe zeudela kalkulatu du Eurostatek. Espainiako Estatuak Europar Batasun osoko hirugarren markarik altuena du, %32,2koa.
Etxerik gabeko pertsonen aldeko eta bizileku-bazterketaren aurkako BesteBi plataformak, azken asteetan Santurtzin eta Bilbon hil diren etxerik gabeko emakume eta bi gizonen heriotzak salatu ditu.
Iruñeko Arrotxapea auzoko Plazaolako tunelean aurkitu dute astelehenean 44 urteko gizonezkoaren gorpua. Martxoan Jesus eta Maria aterpetxea itxi zuten eta zazpi elkartek salatu egin zuten. Iruñean gutxienez 40 lagunek egiten dute lo kale gorrian urte osoan.