Plentziako Uribe Kosta BHIko ikasle-talde batek mezu “iraingarriak, matxistak eta homofoboak” zabaldu dituela salatu dute
Uribe Kosta BHI institutuko hainbat ikaslek salatu duenez, mezu "iraingarriak, matxistak eta homofoboak" jaso dituzte Batxilergoko beste ikaskide batzuengandik. Horrez gain, gaineratu dute mezuak irakasle bati ere bidali dizkiotela eta beste ikasle batzuen ordenagailuak ere baliatu dituztela, identitatea ordezkatuta mezuak bidaltzeko. Halaber, ikasleek zuzendaritzak izandako jarrera ere salatu dute, lehenago neurririk ez hartzeagatik.
Asteartea, otsailak 25, klaseak hasi aurretik, hainbat ikasle eta irakasle batu dira Uribe Kosta BHI institutuaren atarian. "Gure autodefentsa zuen beldurra" edo "ez gara isilduko" leloak zeramatzaten pankartak zituzten, eta egindako irakurketan azaldu dutenez, hasieran, ikasle batzuen arteko txantxa bat bezala hasi zenak, laster utzi zion jolas bat izateari, "hainbat ikaskidek mezu desegokiak, baita mingarriak ere, jasotzen hasi ginenean". Hori gutxi balitz, erantsi dute ikasle-talde horrek Batxilergoko beste ikaskide batzuen ordenagailuak hartu eta beraien identitatea ordezkatu zuela mezuak bidaltzeko.
"Egoera honen aurrean denek ez zuten hitz egiteko konfiantza sentitu, baina beste batzuek zuzendaritzara jo genuen. Hau izan zen zuzendaritzatik jaso genuen erantzun bakarra: "Izenik ez baduzue ezin dugu ezer egin, arazoari garrantzia kenduz", gaineratu dute.
Gaiak eztanda egin zuen duela aste bi, irakasle batek ere lekuz kanpoko eduki sexualak zituen mezuak jaso zituenean. Horrek zuzendaritza-taldeari jakinarazi zion eta orduan hartu zituzten neurriak.
Zuzendaritzaren erantzuna
"Irakasleak jasotako mezuen berri izan eta hurrengo egunean kartelak jarri genituen zentro guztian. Gainera, klasez klase ere joan ginen arazoaren berri emateko eta ez egiteko esateko, baina gaia modu hezitzailean landu behar dugula uste dugu", azaldu diote HIRUKAri zuzendaritza-taldetik. Gaineratu dutenez, erabakiren bat hartu aurretik, gaiaren inguruko informazioa ere jasotzen egon dira, eta adierazi dute daborduko neurriak hartu dituztela ikasle arduradunen aurka, "dekretuak onartzen duen prozeduraren arabera".
Hala ere, ikasleek beraien irakurketan deitoratu dute lehenago neurriak hartu izan balituzte, hori ez litzatekeela gertatuko: "Ezer ez da aldatu hormetan kartelak pegatzearekin; horregatik, ikasleak egoeraren aurrean aldarrikatzeko erabakia hartu dugu, nahiz eta irakasle guztien babesa ez izan. Batzuen iritziz, gertatutakoa umeen arteko tontakeria bat izan da, baina guk ez dugu uste pertsonen identitatea ordezkatzea tontakeria bat denik".
Bukatzeko, ohartarazi dute "arazo larria" dela mutil gazteen artean zabaltzen ari den jarrera "homofobo eta matxista", eta azpimarratu dute ez daudela prest hori ikastetxean onartzeko eta horren aurrean ez direla isilduko.
Martxoak 8a heltzear da beste urtebetez, eta nahiz eta zenbaitek erabiltzen duten urtean behin beren irudia morez margotzeko soilik, feministek kaleak aldarriz betetzeko baliatzen dute egun seinalatu hau. 2020an, duela bost urte, milaka emakumek elkarrekin oihukatu zuten euren... [+]
Neska adingabeari sexu abusuak era jarraituan egin zizkiola frogatutzat jo du Bizkaiko Lurralde Auzitegiak.
1989tik 2014ra, Frantzia mendebaldeko hainbat ospitaletan egindako erasoengatik epaituko dute. 74 urte ditu Joel Le Scouarnec zirujau ohiak, eta espetxean dago beste lau sexu eraso kasurengatik.
Lau mila karaktere ditut kontatu behar dudana kontatzeko. Esan behar ditut gauzak argi, zehatz, soil, eta ahalko banu polit, elegante, egoki. Baga, biga, higa. Milimetrikoki neurtu beharra dut, erregelaz markatu agitazioa non amaitzen den eta propaganda non hasi. Literarioki,... [+]
Bi akusatuek espetxe zigorra berreikusteko eskatu ostean, Felix Taberna presidenteorde lehenak adierazi du ez dagoela zigorra murrizteko baldintza juridikorik: "Zigorrak dauden bezala mantentzeko adinako larritasuna du delituak". Defentsaren abokatuak salatu du bi... [+]
Lau urteko kartzela zigorra, zazpi urteko inhabilitazioa eta hiru urtez 12 urteko biktimarengandik urruntzeko agindua eman du Gipuzkoako Probintzia Auzitegiak. Neskari 6.000 euro ere ordaindu beharko dizkio erasotzaileak kalte-ordainetan.
Gertatutakoak ez direla kasualitatea azpimarratu dute. Unibertsitateko eremuetan indarkeria matxista gertatzen dela azaldu dute, eta arazoa sistematikoa dela. Protokolo bat eskatu dute erasotuak babesteko. Erasotzaileak inpunitate osoarekin jokatu duela salatu dute.
_2.jpg)
EHUko Errektoretza Taldeak hedabideetara igorritako ohar baten bidez jakinarazi du neurria: "Unibertsitateak baieztatzen du salatu duten irakaslea jada klaseetatik at dagoela eta ez dela fakultatera joango kasua argitu arte".
Adin txikiko neskak 2023an salatu zuen entrenatzaileak hiru aldiz musukatu zuela bere baimenik gabe. Nafarroako Probintzia Auzitegiak Iruñeko epaitegiak ezarritako zigorra baieztatu du. Entrenatzaileak ezingo du harreman zuzenik izan adin txikikoekin inongo lanbidetan eta... [+]
Getxoko Epaitegiak Europa ikastetxeko 4 urteko haurren kasua artxibatu izanaren berri izan dugu aste honetan. Horrek zera galdetzera garamatza: instantzia judizialak, polizialak… prest al daude haurren eskaerei erantzuteko? Benetan babesten al dira gure adingabeak... [+]
Gasteizko Campuseko Filologia Hispanikoko irakasle baten aurkako salaketen berri izan bezain azkar, asanblada irekia egin zuen GUET Gasteizko Unibertsitateko Emakume Taldeak. Aste bakarrean “hamarnaka” salaketa eta testigantza berri jaso dituzte. Irakaslearen... [+]
_2.jpg)
EHUko Errektoretza Taldeak ARGIAra igorritako oharrean zehaztu duenez, Filologia Hispanikoko irakaslearen aurkako salaketen "berri izan zuen unetik abian da protokoloak zehazten duen prozedura". Denuncias Euskal Herria Instagrameko kontuan bost salaketa anonimo... [+]
Azahara Domínguez Gipuzkoako Mugikortasun, Turismo eta Antolamendu Saileko diputatuak iragarri du, Jabier Zabaleta Ertzaintzaren buruarekin bildu ostean. Besteak beste, sexu erasoei aurre egiteko baliabideak eskainiko dizkiete, biktimak "azkarrago artatzeko... [+]
Amurrioko Emakume Sareak elkarretaratzera deitu du eraso matxistari erantzuteko, asteartean 19:00etarako. Bilbon, adin txikiko neska bati egindako sexu erasoa salatzeko mobilizazioa egin du Itaiak astelehenean.
Atzo eguerdian labanaz eraso zion bere amari Irunen eta Donostiako Ospitalean hil da. Erasotzailea epailearen aurrean deklaratzeko esperoan dago.