Plaza bati Yolanda Gonzalezen izena emateko konpromisoa hartu dute Bilbon
Eneko Herran Deustuko Erriberako auzokideak hitza hartu zuen atzoko Bilboko Udalbatzan, eta auzoko plaza bati Yolanda Gonzalez izena ematea eskatu zuen, "memoriaren eta erreparazioaren izenean".
Aho batez babestu zuten zinegotziek proposamena, eta Juan Maria Aburto alkateak hori egiteko konpromisoa hartu du.
Talde politiko guztiek (EAJ, PSE, EH Bildu, PP, Udalberri eta Ganemos) babestu dute Eneko Herranek Euskalduna Zubia auzo elkartearen izenean Udalbatzan aurkeztutako proposamena.
Gehiengoaren babesarekin, Juan Maria Aburto Bilboko alkateak konpromisoa hartu du Deustuibarrako plaza bati Yolanda Gonzalez Martin izena emateko. Era berean, Udalbatzako aretoan entzule gisa zegoen Yolandaren anaia Asierri Udaleko kideen "maitasuna" agertu zion Aburto alkateak.
1980an ultraeskuindarrek hila
Iaz 35 urte bete ziren Gonzalez ikasle mugimenduko kide eta sindikalista Madrilen hil zutenetik. Espainiako eskuin muturreko Batallon Vasco Españolek (BVE) hartu zuen bere gain ekintza.
Gonzalez etorkin familia batean jaio zen Bilboko Deustu auzoan. Partido Socialista de los Trabajadores (PST) talde troskistako kidea omen zen, zenbait iturriren arabera. 1980. urteko otsailaren 1ean irakaskuntzako greba baten ondoren bahitu zuten gaztea, eta galdekatu eta torturatu ondoren hil zuten.
[Albiste honen jatorrizko bertsioa Uriola.eus atariak argitaratu du eta CC-by-sa lizentziari esker ekarri dugu ARGIAra]
Elkarte memorialistek kritikatu egin dute Iruñeko Udalak Erorien Monumentua eraisteari uko egiteko hartutako erabakia. Memoria Demokratikoaren Legea “oker interpretatzea” egotzi diote Joseba Asiron alkateari, eta mobilizazio batera deitu dute urtarrilaren... [+]
Astelehenean abiatu zituzten lanak eta frankismo garaiko 20 biktima berriren gorpuak topatu dituzte honezkero. Asteburura arte luzatuko dute gorpuzkiak lurpetik ateratzeko hirugarren kanpaina.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]
Nafarroako Fusilatuen Senitartekoen Elkarteak gogor kritikatu du Iruñeko Erorien Monumentuaren inguruan EH Bilduk, Geroa Baik eta PSNek egindako akordioa. "Pedagogia" egiteko toki hobeagoak daudela dio eta interpretazio zentroari Maravillas Lamberto izena... [+]
Iruñeko Erorien monumentua faxismoaren salaketarako eta memoria demokratikorako Maravillas Lamberto interpretazio zentroa bilakatzea adostu dute EH Bildu, PSN eta Geroa Baik. Eraikinaren parte bat eraitsiko dute, eta adiera frankistako elementuak kendu edo estaliko... [+]
"88 urteko isiltasuna nahikoa da; gure herritarrek behingoz aitortza ekitaldi bat merezi dute"
Espainiako eta Frantziako Estatuak “nazio askapen mugimendua ito” nahi dutela ohartarazi du Sortuk, eta Santi Brouard eta Josu Muguruza HBko militanteen erailketak estatu biek egiten duten “gerra zikinaren parte direla” adierazi du.
Saturraran Elkarteak antolatuta, Oroimen Eguneko ekitaldian batu dira larunbatean 1939tik 1944 bitartean Saturrarango Emakumeen Kartzela egon zen inguruan, bertan preso egondako emakume eta umeak oroitu eta omentzeko.
Egun hartan Espainiako Poliziak bost langile hil zituen eta dozenaka zauritu. Orain, identifikatu gabeko beste zazpi zauritu aurkitu dituela iragarri du Martxoak 3 elkarteak. Oraindik, alabaina, ez dute lortu zauritutako beste 20 pertsona identifikatzea.