Plateruenan izango dira Ahotseneako 50 kontzertuak
Aurtengo Durangoko Azokako Ahotseneako kontzertuak Plateruena antzokian eskainiko dituzte. 50 kontzertu emango dituzte abenduaren 4tik 8ra bitartean. Sarrera librea izango da edukiera bete arte.
56. Durangoko Azokan zuzeneko kontzertuak eskainiko dituzte musikariek, Ahotsenea gunean. Aurten Plateruena antzokian izango dira kontzertuak, horretarako propio zabalduko baitute kafe antzokia. Ohi bezala, azken urtean euskarazko lanen bat aurkeztu duten musikariek izan dute egitarauan parte hartzeko aukera. Guztira 50 talde igoko dira Plateruenako oholtzara, eta askotarikoa izango da eskaintza. Musika estilo ezberdinez gain talde hasiberriak eta ibilbide luzekoak elkartuko dira egitarauan.
Abenduaren 4tik 8ra izango dira kontzertuak, 11:00etatik 22:00ak arte. Ordu erdiko tartea izango du talde bakoitzak, eta streaming bidez ere eskainiko dira, zuzenean, www.durangokoazoka.eus webgunean. Kontzertuetarako ez da lekurik gorde beharko eta sarrera librea izango da edukiera bete arte.
Kontzertuez gainera diziplina askotariko egitaraua izango du Durangoko Azokak: solasaldiak, proiekzioak, arte eszenikoak, umeentzako ikuskizunak, ekitaldiak.. Azaroaren 22an aurkeztuko dute egitarau osoa.
Honakoa izango da Plateruenako kontzertuen egitaraua:
Abenduak 4: Bulego, Eneritz Furyak, Habia, Serge, Kaserna, Katez, Rolan Garces & Bandatze, Anita Parker, Addar eta Anari.
Abenduak 5: Diabolo Kiwi, Lur Jota, Larrealde Trikitilariak, Kilimak, Skakeitan, Nikotina, Fufu, Kai Nakai, Sueder eta Lotura.
Abenduak 6: Trigger, Jabi Patxon & Kofradia Beltza, Bixente Martinez, Hibai, Iker Martinez eta Zaldi Herrenak, Bengo, McOnak, Etxekalte + Habi, Iheskide eta Jiel.
Abenduak 7: Ekiñe, Konpost, Esanezin, Willis Drummond, Vinilo Ridin' Rocket, Hegazkin, Estitxu, Wood Strings, Onki Xin eta Hipnosia.
Abenduak 8: S.A.D., Birkit, Astoturfer, Nahiak Nahi, Liher, Klak!son, Giante, Madeleine, Screamers and Sinners eta Errietan.
“Barraka” abentura bideo-joko umoretsua garatzeko urtebete izango du Ibai Aizpurua diseinatzaile eta programatzaile irundarrak. Horretarako 15.000 euroko laguntza irabazi du Durangoko Azokaren laugarren sormen bekan.
Durangoko Azoka gainean dugu, eta ARGIA berriz ere bertan izango da bere proiektu komunikatiboa ezagutarazi eta produktuak eskaintzen. Horrez gain, interneten ere eskuratu daitezke liburu, kamiseta, jolas eta bestelakoak, azokak irauten duen egunetan bidalketa gasturik gabe... [+]
Osasun egoerak okerrera egin ostean Durangoko Azoka bertatik bertara bisitatzeko neurriak moldatu behar izan dituzte antolatzaileek. Azoka bisitatu ahal izateko txanda hartu beharko da. Ordu eta erdiko tartea edukiko dute bisitariek.
Landako Gunean egunero ordu eta erdiko bost txanda egongo dira, eta Plateruenako kontzertuetan ez da ostalaritza zerbitzurik egongo. Jaurlaritzak ezarritako osasun-neurrietara moldatu dute azoka.
Asteazkenean aurkeztu dute Durangoko Azokaren harira egingo den aurtengo DA! PROren egitaraua. Berrikuntzeko dator egitasmoa: egun bateko egitaraua izatetik lau egunekoa izatera salto egin du, eta disziplina anitzak bernebilduko ditu.
Aurrez aurreko azoka eta online denda uztartuko ditu 56. Durangoko Azokak. Abenduaren 3tik 8ra egingo da, "baDa!" lelopean, Durangoko Landako gunean eta durangokoazoka.eus webgunean.