Plateruenak 10 urte bete ditu eta herritarren laguntza eskatu du
Durangoko Plateruena Kulturguneak 10. urteurrena ospatuko du urriaren 31n. Antzokiaren bideragarritasuna bermatzeko laguntza eskatu diete herritarrei.
10. urteurrenaren ospakizun egitaraua prestatu du Plateruenak ostiral honetarako.
Urteak betetzen jarraitu ahal izateko, ordea, “Zilarberritzen” prozesu parte-hartzailea hasi dute aurten. Durangaldeko eragile, elkarte eta sortzaileekin hausnartu dute kultur egitasmoaz, eta Durangoko Udalarekin ere kudeaketa bideragarria zehazten aritu dira.
Kulturgunea eraikitzean sortutako zorrari aurre egiten laguntzeko, diru-ekarpen eta borondatezko lan kanpaina jarri dute martxan Plateruenean. Argibide gehiago aurki daitezke Durangoko kulturgunearen webgunean.
Urriaren 31ko egitaraua
19:00etan hasiko da urteurrenarekin lotutako programazioa, erraldoi, dultzainero, dantza eta batukadaz osatutako kale animazioarekin. Handik ordu erdira Kantulagun eta argi soinu ikuskizuna eskainiko dute Plateruena kanpoan.
20:00etan Izarren hautsa dantza ikuskizunaren txanda izango da, gero Mikel Nuñez eta Ander Erzillaren musika emanaldia, pintxo dastaketa eta 21:00etatik aurrera DJ Ainhoaren emanaldia.
Kudeaketa publiko eta komunitarioa oinarri, ibilbide berriari ekingo dio Plateruenak. Herriko eragileen aterpe izango da, euskararen gune eta sortzaileen plaza.
Udalak hartu du Durangoko kafe antzokiaren ardura, eta kudeaketarako kultur mahai bat osatuko da. Hiru helburu nagusi ditu egitasmo berriak: euskalduntzea bultzatzea, herriko eragileentzako erreminta izatea, eta euskarazko kulturgintzarentzako gune bilakatzea. Martxoaren 3rako... [+]
Kultur esparruan aritzen den jendeak eta kulturak kezkatzen dituen herritarrek bat eginik, "Plateruena eta gero zer?" dinamika abiatu dute. Plateruena berriz irekitzeko aukerak aztertuko dituzte, eta bide horretan herriak zer behar duen jasoko duen diagnostikoa egin... [+]
"Azken urteetan Plateruenak izan dituen zailtasunei COVID-19ak ostalaritzari eta kultur arloari eragin dizkien baldintzak gehitu zaizkie, eta horrek ezinezko egin du orain arteko kudeaketa ereduaren bideragarritasunari eustea eta eraikinaren ustiapen-epea luzatzeko... [+]
