Plastikozko poltsak kobratzeari ekin diote Ingalaterran
Astelehenetik aurrera, Ingalaterrako saltoki handiek plastikozko poltsa bakoitzeko 5 penike (6 zentimo) kobratuko dituzte, ingurumena babesteko eta zabor bilketaren kostuak txikitzeko xedearekin.
Gobernutik adierazi dutenez, neurri hau aplikatzeak supermerkatuetan egiten den plastikozko poltsen erabilera %80 murriztea ekarriko du. Talde ekologistak pozik agertu dira, baina neurria denda txikiei ere aplikatu beharko litzaiekela deritzote. Izan ere, legeak soilik 250 langile baino gehiago dituzten supermerkatu eta saltoki handiei eragiten die. Horren harira, “Friends of Earth” talde ekologistako kide den David Powell-ek adierazi du neurria partzialki aplikatzeak ez duela bilatzen den aldaketa eragingo, jendeak eta dendek poltsa kontsumoarekiko duten jarrera aldatzea, hain zuzen.
Zernahi ere, Jessica Elgot kazetariak The Guardian kazetan azaldu duenez, egoera jakin batzuetan supermerkatuek poltsak debalde eskainiko dituzte. Esaterako, arraina, haragi gordina, preskribatutako botikak edota lore eta haziak erosterakoan bezeroek poltsak musu-truk eskuratu ahalko dituzte. Dena den, Elgotek dioenez, artikulu horiekin batera poltsan beste zerbait sartu ezkero, ordainketa aplikatu eginen da.
Horrenbestez, Ingalaterrak Erresuma Batuko beste hiru eskualdeen bideari jarraitu die. Neurri hau aplikatuta, Eskozia, Gales zein Ipar-Irlandan plastikozko poltsen kontsumoak nabarmen egin du behera, beraz, Ingalaterran beste horrenbeste gertatzea espero da. Beharra badirudi badagoela, bertako erosle bakoitzak bataz beste 12 poltsa erabiltzen baititu hilabetean (Galesen, adibidez, hilabetean zehar soilik 2 erabiltzen dituzte).
Etekinak, bidezko kausetara zuzendurik
Elgotek bere artikuluan dioenez, Ingurumena errespetatzeaz landa, poltsak kobratzeak gizarte onurak ere ekarriko ditu. Izan ere, saltokiek poltsen salmentaren bidez lortutako dirua bidezko kausetara zuzendu beharko dute –Gobernuari dirua zertan gastatu duten aitortu beharko diote–. Ogasunak neurri honi esker urtean 19 bat milioi libra biltzea aurreikusten du, eta esandakoa betetzen bada, guzti hori kausa zintzoei emanen zaie.
Multinazionalak jakinarazi duenez 72 MWko potentzia izango luketen bi "eguzki parke" edo makro-zentral fotovoltaiko eraiki nahi ditu foru lurraldean, baina ez du kokapenaren berri eman. Industria teknologikoan gehien kutsatzen duen enpresetako bat da Jeff Bezos... [+]
Etxeko garbigailua hautsi eta konponarazten saiatu ginelarik, beste baten erostea hobe genuela erran zigun konpontzaileak. Merkeago genukeela, ez, aise merkeago genukeela berriaren erostea. Lehen batean ez bazen begi bistakoa, argudiatu zitzaigun, baietz, epe ertainean hala... [+]
Hezkuntzan erabilera oso zabala duten Chromebookak gutxi irauteko diseinatuta daudela ondorioztatu du AEBetako Public Interest Research Group erakundeak (PIRG, Interes publikorako ikerketa taldea). Zaharkitze programatua onartezintzat jo dute, eta ikasle bakoitzak gailu bat... [+]
Abendua igaro zaigu, urtarrilean sartu gara eta, beraz, ipar hemisferioan negua hasi zenetik aste batzuk igaro dira dagoeneko, tenperatura epel bezain kezkagarriekin. Gure arbasoek, neguko solstizioan, eguna eta gauaren txandakatzea gurtzen zuten, baita urtearen zikloa edo... [+]
Eguberriak ospatzeko beste modu bat bilatu guran, euskal herritarrek antzina zuten ohituretako bat berreskuratu du Jon Etxebarria Txontxe gorliztarrak. Dioenez, neguko solstizioan, "neguburuan", enborrak erretzen zituzten Eguzkiari indarra emateko, eta kiskalitako zur... [+]
Eraikin bat gorputz bat bezala irudikatzea datsegit. Instalakuntza-hoditeriak zainak bailiran, zutabeak eta habeak hezurdura gisa, fatxada, azal-zuntza bat. Eta eraikinaren arima eta bizi-taupadak pertsonek eragiten dute, espazioa erabiltzen eta zaintzen duten... [+]
OCU Espainiako Kontsumitzaileen Elkarteak online enpresa handien 16.000 produktu ikertu ditu azken hilabetean, gehienbat gailu elektronikoak eta etxetresnak. Prezioak puztu egiten dituzte eta gero beherapena egin, baina ez igo bezainbeste: batez beste %3 garestitu dituzte... [+]
Hondakin Elektronikoen Ekoizleen Erantzukizuneko Erakundeen Nazioarteko Elkartearen (WEEE Forum) arabera 2022an 5.300 milioi mugikor erabiltzeari utziko diogu. Gailu horiek, elkarren gainean jarrita, 50.000 kilometroko altuera hartuko lukete. Lau Lur planetek halako luzera da... [+]
Euskal Herriak Kapitalari Planto! plataformak sindikatu eta gizarte eragileak elkartzen ditu eta azaroaren 23an elkarretaratzeak egin ditu Bilboko Primark eta Zara saltokien aurrean. Plataforma honek salatu du 5.000 denda txikik baino gehiagok itxi dituztela ateak EAEn 2008 eta... [+]
Egingo ez nituen bidaiak aipatuz joan nintzen zutabe hauetatik oporretara. Baina uste baino gehiago bidaiatu gara azkenean, uste gabeko lekuetara: hipermerkatu, merkataritza-gune, saltoki handi deitu horietara; auskalo seme-alabak jada koskortu xamar daudelako, adoleszentzia... [+]
Los Angeles, 1984ko uda. XXIII. Olinpiar Jokoak AEBetako hirian egin ziren eta McDonald's frankiziak marketin kanpaina berezia prestatu zuen horiei lotuta: "Urratu eta irabazi" moduko txartelen bidez, bezeroek Big Mac bat jasoko zuten doan AEBek urrezko domina... [+]
Mediterraneoko eta Ozeano Bareko Itsas faunak dira munduan plastiko gehien irensten dutenak, Andaluziako unibertsitate batek egin duen ikerketaren arabera.
Pandemiaren ondorioz, familia asko aurrezten ari dira, baina era berean, prekarietate handia dago bereziki gazteen eta kontratu prekarioak dituzten emakumeen artean. Momentu honetan gizartean dagoen aurrezpen mailak egungo desberdintasuna erretratatzen du, batez ere kontsumoaren... [+]