Plano aldaketa azkar asko dituzten marrazki bizidunen eragin negatiboa aztertu dute
Denbora laburrean plano aldaketa asko dituzten marrazki bizidunek, alegia erritmo azkarreko hiperestimulazio audiobisualak eragin negatiboa du umeen arretan, hainbat ariketa mental egiteko gaitasunean eta autoerregulatzeko ahalmenean, ikerketa batek ondorioztatu duenez.
4 urteko 60 umerekin egin dute ikerketa. Soilik bederatzi minutu irauten duten marrazki bizidunak jarri dizkiete haurrei, baina bederatzi minutu izanda ere ondorioak ikusi dituzte. Haur batzuei erritmo azkarreko marrazkiak jarri dizkiete, besteei plano aldaketa geldoagoak dituztenak, eta hainbat zeregin jarri dizkiete ondoren –esaterako, Hanoi Dorrea egitea, tamaina ezberdineko piezak handienetik txikienerako ordenan jarriz dorrea egitea–, eta emaitzak “nabarmen okerragoak” izan dira erritmo azkarreko marrazki bizidunak ikusi dituztenen artean. Arreta, memoria, frustrazio, amorruaren autoerregulazio eta malgutasun mental txikiagoa antzeman diete talde horretako umeei, gutxienez marrazki bizidunak ikusi eta ondorengo uneetan.
Ikerketa duela urte batzuetakoa da, baina Alberto Soler haur psikologoak sare sozialetan aipatu eta gaia mahai gainean jarri du berriro ere. Solerren hitzetan, 4 urterekin “burmuina garatzen ari da eta informazioa prozesatzeko gaitasun mugatua du. Baliabide mentalak eskatzen dizkioten estimuluen bonbardaketa bati erantzun behar badio, haurrak gero ez du bestelako zereginetarako baliabide nahikorik izango, burmuinak neka-neka amaitu duelako".
Haurrak duen heldutasunaren araberako edukiak jartzea inportantea da, saihesteko estimulazio sentsorial gehiegizkoak, zer eta haurra oraindik prest ez dagoenean horiek kontsumitzeko eta kudeatzeko
Lehen, geldoago
Solerrek ohartarazi du haurrak duen heldutasunaren araberako edukiak jartzea inportantea dela, saihesteko estimulazio sentsorial gehiegizkoak, zer eta haurra oraindik prest ez dagoenean horiek kontsumitzeko eta kudeatzeko. Behin egungo ikus-entzunezkoen erritmo frenetiko eta zaratatsura ohituta zaudenean, ordea, sarri zaila da erritmo geldoagoa duten edukiak ikustea.
Esperimentu bat ere proposatu die Solerrek familiei: kontatu ditzatela minutu batean zenbat plano aldaketa dituzten seme-alabek kontsumitzen dituzten marrazki bizidunek. Adibideak eman ditu: haurren artean arrakasta duten Bob Belakiren marrazkiek 35 plano aldaketa dituzte minutuko eta Paw Patrolek 25 plano aldaketa, asko da hori; aspaldikoagoak diren Pocoyo eta Tom eta Jerry marrazkiek berriz, batez beste 8 plano aldaketa baino ez dituzte minutu batean.
Joan den astean bete ziren 35 urte Son Gokuk euskaraz lehen aldiz egin zuenekoa. 1989ko urriaren 4an izan zen ETB1n Dragoi Bola ematen hasi zirela (1984an abiatu zen anime hau Japonian) eta hura gogoratzeko ekitaldia egingo da Donostian urriaren 20an, igandearekin, lehenbiziko... [+]
Gookapi.eus euskal ekoizpeneko marrazki bizidunen 1.000 minutu baino gehiago daude eskuragarri. 10 urtetik beherako haurrei zuzenduta dagoen euskarazko lehen plataforma interaktiboa da.
Irailaren 22an emango dute Kimitachi wa Do Ikiruka/The Boy and the Heron filma, Zinemaldiaren inaugurazio ekitaldiaren ondoren, Kursaaleko auditoriumean.
Joan den mendeko 80ko eta 90eko hamarkadatan, haur euskaldunen erreferenteak ziren Arturo erregea, Heidi, Dotakon eta Dragoi bola. ETB1ean ikusten zituzten. Azken zortzi urteotan haurren ohiko telebista kontsumoa %40 jaitsi da. Orain marrazki bizidunak ordainpeko plataforma... [+]
Jendartean eraldaketa bultzatzea eta alternatiba sozioekonomikoez hausnartzea helburu duen animazio web-seriea abian jarriko dute datorren asteartetik aurrera Bira Produkzioak-en eskutik.
Liburua, ipuinak eta orain pelikula: Lur eta Amets proiektuak hirugarren buelta emango du eta pantaila handian murgilduko da otsailaren 7tik aurrera. Denbora luze baten ondoren, haurrei zuzenduriko euskarazko animazio-film hezitzaile bat zinemetan estreinatuko da.
Otsailaren 2an, goizeko 11:00etan Donostiako Principe zineman Lur eta Amets filmaren aurre-estreinaldira joan nahi? ARGIA Jendea bazara, sarrerak musu-truk eskuratuko dituzu: ibili bizkor, agortu baino lehen!
Japonia, XVII. mende hasiera. Tokugawa shogunaldian herrialdea bateratu zenean, Edo garaia hasi zen. Gatazka luzeen ondoren, bakea iritsi zen Japoniara, hirietako burgesia entretenimendu gosez zegoen eta giro egokia sortu zen arte eta kultura jardunetarako.
Euskal Herriko historia haurrei ezagutarazteko lagungarria izango den filma otsailaren 7an estreinatuko da aretoetan. Aurretik, hainbat herri eta hiri bisitatuko ditu pelikularekin lotutako ikuskizunak.