Piztu da Iraultza Txikien Sua
Asteazkenean hasi da Iraultza Txikien Akanpada, Arteako Basoa defendatzaileen etxean. Ehunka lagunek eman dute izena igandera arte luzatuko den egitarau oparoa gozatzeko.
Bazkalaurretik hasi dira heltzen herritarrak Basoara, Euskal Herriko txoko askotarik helduta. Ordurako prest zeuden hitzaldietarako hiru guneak (Elkarrekin eraiki; Elkarrekin gogoetatu; Elkarrekin borrokatu), txosna, dendaz edo furgonetaz kanpatzeko guneak, sukaldea, agertokia eta beste.
Harrera ekitaldia
Harrera ekitaldiak eman dio hasiera ofiziala Iraultza Txikien Akanpadari (ITA). Hainbat borrokaren ikurrek hartzen zuten zentroaren inguruan bildu dira 80 pertsona inguru, txalapartak erakarrita. Ezkerraldeko hiru bertsolari gaztek bertso bana kantatu ostean, bertaratutakoei ongi etorria eman diete hainbat hizlarik. Arratia eskualdeko auzokide batek hartu du hitza lehenik, eskualdearen ezaugarriak azalduz, eta indarrean dauden borroka eta mugimendu nagusiak aletuz: agroekologikoa, harrerarena, gaztetxeena edo feminismoa, besteak beste. Basoa defendatzaileen etxeko bi kidek akanpada hartu duen proiektuaren ardatz nagusiak azaldu dituzte. “Lurra eta eskubideak defendatzeagatik bizitza arriskuan duten” mundu osoko ekintzaileentzako babes etxea da Basoa, eta aktibismoa praktikatik birpentsatzeko gunea. Hirugarrenik ITAko bi ordezkarik kanpaldiaren helburuak gogoratu dituzte. Ostegunetik igandera bitartean, Euskal Herri osoko ekintzaileen topagune izan nahi du ITAk. Ezberdinen arteko saretzea eta konplizitatea bultzatuz, erradikaltasunean sakonduz, “zoriontasunean eta justizian oinarritutako Ongi Bizitzea” praktikatuz.
“Sinistu, egin, erradikaltasunez ekin”
Bi audio izan dira ekitaldian. Roazhoneko (Bretainia) espetxean preso dagoen Itziar Moreno euskal preso politikoak ongi etorria eman die kanpaldian bildutakoei, zorionak eman dizkie antolatzaileei, eta borrokaren beharra defendatu du. "Sinesten, egiten, erradikaltasunez ekiten. Bazterretik erdigunera jausi eginez, presook, transok, etorkinok, baserritarrok, putok, indigenok irauli eta eraikiko dugu Euskal Herri berria".
Asteazken arratsaldean bertan hiru mahai-inguru egin dira ITAn: Ekonomia sozial eraldatzaileko esperientziak; Erronka eta praktika feministak, gure arrazakeriaren ardura hartzen; Brasilgo MSTaren formazio eta antolaketa politikoa aztergai. Hasiera besterik ez da izan, hurrengo la egunetan 40 hitzaldi, emankizun, manifestazio, azoka eta bestelako egingo dira Basoan. Egitarau mardula, eguraldi ona, eta egun bakoitzerako 250 izen-emate baino gehiago. Baldintza ezin hobeak herrigintzaren sua pizteko.
Piztu dugu sua!! ? #iraultzatxikienakanpada pic.twitter.com/Q1YCqD9rGy
— Iraultza Txikien Akanpada (@itakanpada) August 25, 2021
Irunen autoinkulpazio sinadurak biltzeko deia luzatu dute San Juan plazan urtarrilaren 18an, larunbatarekin, 10:00etatik 13:00era. Urtarrilaren 26an «modu masiboan» Irunen hasiko den manifestazioan parte hartzera deitu dute eragileek, «migrazio politika... [+]
Larrabetzuko Hori Bai Gaztetxeak 60 urte bete ditu. Euskal Herriko Gaztetxe zaharrena da Larrabetzukoa.
Sindikatu abertzaleko 100 bat kidek Portuko sarrera blokeatu dute Santurtzin, eserialdi baten bitartez. Ekimen horren bitartez Palestinari elkartasuna erakutsi eta genozidioa salatu dute.
Mamu batek zeharkatzen ditu sukaldeak: Karlosen mamuak.
Karlos ez da aurkeztu Master Chef Celebrity lehiaketara. Bere sukaldaritza-ondarea aztertuta, oso argi dauka ez duela lehiakideen aukeraketa gaindituko. Izan ere, hedabide eta gastronomiaren akademiaren ateak itxita izan... [+]
“Heterosexualitatea da klase antagonikoarekin kolaborazionismoa, hau da, gizonen klasearekin”. Uma Ulaziak Euskal Herriko greba feministak, diskurtsoaren analisia feminismo materialistatik (Lisipe, 2024) argitaratu berri du. Euskal Herrian egin ziren bi greba... [+]
Euskal Herriko Pentsiodunen Mugimenduak herri ekimen legegilea aurkeztuko du Gasteizko ganberan. Apirilaren 24ra arteko epea ipini dute sinadura gehiago biltzeko, eta dei egin diete Araba, Bizkaia eta Gipuzkoan erroldatutako 18 urtetik gorako pertsona guztiei. Hiru... [+]
Iaz jarri zuten martxan lehenengoz Alde Zaharrean Jantoki Herrikoia. Auzokoak elkartu eta mahaiaren bueltan konpainian bazkaltzea da gakoetako bat. "Auzotarrak elkarren artean ezagutu eta komunitatea sortzea da gure nahia", azaldu du AZ Ekimeneko kide Asier... [+]
Indarkeria matxistari buruzko testigantzak jasotzeko Instagram kontua 2024ko azaroan jarri zuen abian emakume talde anonimo batek. Espainiako Estatuan Cristina Fallarás kazetariak abiatutako #Cuentalo egitasmoan oinarritu dira. Emakumeek, testigantza anonimoen bidez,... [+]
Fiskaltzak hamalau urteko espetxe zigorra eskatu du Mario López saskibaloi entrenatzaile ohiarentzat. Akusazio partikularrak hemezortzi urtekoa eskatu du. Gernika-Lumoko Sare Feministak elkarretaratzea deitu du Bilboko epaitegi aurrean. Lópezi 1998 eta 2001 artean... [+]
1965ean sortu zen Larrabetzuko Hori Bai gaztetxea, frankismo garai betean. Ordutik ez ditu ateak itxi, eta 2025ean 60 urte bete ditu. “60 urte lotu barik” lelopean eman diote hasiera urteurrenari gaztetxeko kideek.
Goldatz talde feministak antolatua, ortziralean, urtarrilaren 3an, Jantzari dokumentala proiektatuko dute Beralandetan (17:30ean) eta biharamunean, urtarrilaren 4an, Berako bestetako tradizioak aztergai izanen dituzte Maggie Bullen antropologoarekin leku berean (10:30).
Ander Magallon, Mikel Irure eta Xabier Jauregi Metropoli Forala saioan egon dira maskulinitate berrien inguruan mintzatzen.
Larunbatean Irala auzoko koarteleko ekintzarekin, #BotaKuartelak koartela eta armada guztiak desagertzea eskatu du. Gune horiek “benetako mehatxuetatik” babestuko dituen auzorako proiektuetara bideratzeko proposatu dute beste behin ere, hala nola desberdintasunetik,... [+]
Tesia amaituta, pozik dago Lore Lujanbio. Militantziarako denbora gehiago du, besteak beste. Mugimendu transfeministaren erronkez galdetuta, hauek identifikatzen ditu: neoliberalismoak mugimenduaz egin duen apropiazioari heltzea, faxismoaren eta erreakzio heteropatriarkalen... [+]
Herriko elkarte eta eragileek antolatzen dute Olentzero eta Mari Domingiren etorrera Irunen, sorreratik. Goizetik gauera jakin dute udalak hartu duela ekitaldiaren jabetza eta beraz, ekitaldiaren inguruko azken erabakiak haren gain geratu direla: “Udalari eskatzen diogu... [+]