“Pixkanaka-pixkanaka baldintzak eraikitzen ari dira espetxe-politika garai berrira egokitu ahal izateko”
"Ulertzen dugu elkarbizitzarako ekarpen erabakigarria egiteko unea iritsi dela", adierazi dute ostegunean Foro Sozialeko kideek Bilbon eskainitako prentsaurrekoan. "Ibilbide honen edukiei buruzko eztabaidari heldu egin behar zaio, lehenbailehen. Horrek aukera emango du presoen egoerari behin betiko konponbidea emateko".
"2018ko maiatzean ETA deseginda, gure herrian bizikidetza demokratikoa eraikitzeko faseari aurre egiteko moduko baldintzak sortu dira", esan du Teresa Todak. "Hala ere, fase honetan behin betiko sakondu ahal izateko, oraindik konpontzeke dauden hiru korapiloak askatu behar dira: biktima guztiek egiarako, justiziarako eta erreparaziorako duten eskubidea; gizarte-espazioetatik memoria kritiko eta inklusibo baten eraikuntza sustatzea; eta espetxeetako salbuespen-politika behin betiko desaktibatzea eta presoei politika normalizatua aplikatzea, presoak birgizarteratzeko ibilbide eta guzti".
Hirugarren puntuari dagokionez, Todak adierazi du badakitela "presoei salbuespen-neurriak aplikatzen jarraitzen zaien testuinguruan gaudela", baina gehitu du pixkanaka-pixkanaka baldintzak eraikitzen ari direla "arrazoizko epe batean espetxe-politika garai berrira egokitu ahal izateko, betiere sendotasunez eta modu konstante batean egiten bada".
"Luzamendu gehiagorik gabe, ibilbide horren edukiei buruzko eztabaidari ekiteko unea da", esan du Foro Sozialeko kideak. "Ulertzen dugu birgizarteratze prozesu batek arrakastatsua izateko, prozesu gisa ulertu behar dela, ziegatik hasita, kaleraino. Eta, horretarako, ondo definitutako bi fase izan beharko ditu: lehenengoa eta premiazkoena presoak espetxe barruan jarraitu behar duen ibilbidea zehaztea izango litzateke, lehen gradutik bigarrenera egiteko bermeak ahalbidetuz, eta, nagusiki, bigarren gradutik hirugarrenera egiteko bermeak ahalbidetuz; bigarrena, laguntza instituzionala eta soziala espetxe-baimenen fasean (bai bigarren graduan, bai, nagusiki, hirugarren graduan) eta erabateko birgizarteratze fasean".
Prozesu horrek arrakasta izateko, beharrezkoa da, batetik, "Espainiako Gobernuaren borondate irmoa"; bestetik, "motibazio politikoen ondoriozko delituengatik preso dauden pertsonek parte hartzea; eta hirugarrenik, "Eusko Jaurlaritzaren eta Nafarroako Gobernuaren borondate irmoa, bai eta gizarte zibileko erakundeena ere, pertsona horien birgizarteratzean ekarpena egin dezaten".
"Birgizarteratze-prozesu horrek lehen fase bat izan behar du, premiazkoa eta laburra, oinarrizko premia ekonomiko eta sanitarioak asetzen dituena, eta epe laburrean egonkortzea lortzen duena. Gainera, bigarren etapan, bizitzeko baliabide iraunkorrak eskaini nahi dira, bai eta osasun-, gizarte-, ekonomia-, hezkuntza- eta okupazio-laguntza egokituak".
“GUZTION ETA GUZTIONTZAKO EUSKAL BIDEA”
➡️"Foro Sozial Iraunkorretik ulertzen dugu #elkarbizitza.rako ekarpen erabakigarria egiteko unea iritsi dela. Presoen auziari konponbidea emateko ibilbide honen edukiei buruzko eztabaidari heltzeko garaia da"
📌https://t.co/xtu9sDv5At pic.twitter.com/7dHqK2TT1D
— Foro Soziala (@ForoSoziala) January 2, 2020
Gazte-gaztetatik sentitu nintzen gure herriaren egoeraz galdezka. Laster sentitu nuen Euskal Herriaren onerako eta haren balio eta nortasunaren alde lan egiteko gogoa.
80ko hamarkadan eta 90eko hamarkadaren hasieran, hainbat kide elkartzen hasi ginen, hiru hilean behin, hain... [+]
2013an zehaztutako helburu gehienak lortuta, egungo erronkei tresna berriekin erantzuteko ordua dela uste du Foro Sozialak. Oraindik bidea egiten jarraitu beharra gogorarazi du presoen salbuespen neurriak amaitzeko, Estatuaren biktimak aitortzeko edota memoria eraikitzen... [+]
Asteburuan José Barrionuevo Espainiako Barne ministro ohiak El País egunkarian estatu terrorismoa harro babestu izanak hautsak harrotu ditu. EH Bilduk Espainiako Kongresuan bere agerraldia eskatu du, GALen parte hartze zuzena izan zuela aitortu eta estatu... [+]
Foro Sozial Iraunkorrak agerraldia egin zuen asteazken honetan Nafarroako Legebiltzarrean, ETAk borroka armatua amaitu zuenetik egundainoko balantzea egiteko, eta aurrera begirako erronkak azpimarratzeko. Testuinguru horretan egin zuen autokritika UPNko parlamentari Iñaki... [+]
Foro Sozialak "beharrezko urrats" gisa definitu du Espetxe eskumena Jaurlaritzaren eskutara aldatu izana eta "birgizarteratze-plan bat" definitzea eskatu du, "presoei banakako birgizarteratze-ibilbidean (3. gradua eta gizarteratze prozesua)... [+]
Martxoaren 2an Teresa Todaren galderei erantzungo diete Iñaki Soto, Gorka Landaburu eta Danilo Albin kazetariek.
Duela hiru hilabete abiatutako prozesuaren bigarren fasean sartuko direla zehaztu du Foro Sozialak, Donostian egindako prentsaurrekoan.
Pedro Sánchezen gobernuaren lana baloratu eta aurrera begirako proposamenak egin ditu Foro sozial Iraunkorrak Presoen auzia konpontzeko aurrerapenei, blokeoei eta atzerapausoei buruzko analisia txostenean. Rajoyren garaiko “immobilismoa” amaitu izana... [+]
Aste hauetan, mugimendu bada Espainiako presondegietan. Euskal Preso batzu hurbilduak izan dira, ez badira xuxenki Euskal Herriratuak ere, beren etxetik hurbilago ari dira kondena betetzen, eta kasu batzuetan, baldintza berezietan.
Nafarroako alderdi politiko eta instituzioei eskatu die torturaren biktimak aitortzea bigarren mailako biktimak izan ez daitezen.
Erakundearen bozeramaile den Expe Iriartek Nafarroako Gobernuari plan bat osatzeko eskatu dio, gaur egun Euskal Herritik kanpoko espetxeetan dauden preso nafar guztiak Iruñeko kartzelara eraman ahal izateko.
COVID-19aren espetxeetako agerraldiak ikusirik, beharrezkotzat jo du euskal presoek pairatzen duten dispertsio politikarekin amaitzea.
Indarkeria-zikloaren ondorioen konponbiderako agendari dagokionez Covid-19 pandemiak sortutako egoera berriaren inguruko hausnarketa egin du Bake prozesua indartzeko Foro Sozialak.
Emakumeak gatazka politiko eta armatuetan duen egitekoaz jardun du hainbat ikerketatan, erbesteetan batez ere, genero perspektiba erabiliz beti. Ikertua du emakumeak, gatazkan ez ezik, gatazka ondoko baketze prozesuan ere jokatzen duen rola. Emakumeen memoria historikoa... [+]