Nafarroako Gobernuari leporatu diote ez duela Pirinioetako planean sinisten Jaurrietan egindako herri batzarrean
Asteazken honetan Pirinioetako herritarrek batzar irekia egin dute Jaurrietan eta salatu dute Nafarroako Gobernua ez dela behar bezala garatzen ari Pirinioetako Plana.
Tokiko erakundeak biltzen dituen Pirinioetako Mahaiak eman zuen egoeraren berri eta, ekainaren 21eko bileran salatu zuten gisan, Pirinioetako Planaren garapena ez da ona izaten ari. Uste dute 2024an geldialdi bat egon dela eta, areago, Nafarroako Gobernuaren konpromisoa planarekiko txikitu egin dela. Besteak beste, plana garatzeko langile kopuruen murrizketa da horren adierazleetako bat, mahaiak berriki salatu duten moduan.
Irati Irratiaren arabera, 90 bat lagunek parte hartu duten herri batzarrean, eta mahaiko ordezkariek emandako azalpenen ondoren eta herritarren artean izandako iritzi trukaketan, haserrea sumatu da Nafarroako Gobernuarekin.
Herritarren ustez, Nafarroako Gobernuan atzera egin da Pirinioetako planari dagokionez. Besteak beste, batzarrean aditzera eman denez, 2025erako amaituta egon beharko litzateke despopulazioari buruzko lege berria, baina atzeratuta doa eta ez da egongo.
Lurralde Kohesioko Kontseilaritzaren menpe dago plana garatzea. Oscar Chivite kontseilaria eta José María Rodríguez planaren zuzendariarekin ekainaren 17an egindako bileran, gobernuko kideek denak berdin jarraitzen duela adierazi zieten eta, orain arte bezala, hilero joango direla Pirinioetara mahaiarekin biltzera. Pirinioetako Mahaiko kideen aburuz, dena den, eurek beste ikuspegi bat dute eta ikusten ari dira nola husten ari den plana, eta Jaurrietako batzarrean jasotako sentipena ere horixe bera dela uste dute.
Mahaiko kideetakoa da Unai Irigarai Auritzeko alkatea eta Euskalerria Irratiari egindako adierazpenetan “ahaztuak” sentitzen direla salatu du. Egoerak hobera egiten ez badu, herritarrei adi egoteko eskatu die.
Pirinioetako Mahaiak agerraldia egin zuen ostiralean, "konpromisoen lege bat" eskatzeko eta Nafarroako Gobernuari "neurri zehatzak" exijitzeko.
Artzibarko Urdirotz herrian, Nafarroako Pirinioetan, proiektu berri batek zabaldu ditu ateak otsailaren 24an. "Azoka-Denda" deitu diote Txabi Bados Ruizek eta Rita Perandrés Martínezek haien etxe azpian ireki duten dendatxoari. Azokoop mikrokooperatibaren... [+]
Desagertzeko arriskuan dagoen basoilarra ikusi dute azken egunetan Larra eta Aztaparretako naturgunean, Belaguako La Contienda bailarako eski estazioko aparkalekuan. Jokabide arraro horrek kezka sortu du biologoen artean, aurtengo negu beroak eraginda izan baitaiteke. Basoilarra... [+]
1936ko Gerra amaitzear zela, Franco diktadoreak Pirinioetan milaka bunker eraikitzea agindu zuen. Mendian horiek ikusten aspaldi ohituak gaude, baina ez genekien defentsarako lerro erraldoi bat osatzen zutela, eta azken urteetan berreskuratzeko ekimenak jarri dira abian. Izan... [+]
Nafarroako ipar-ekialdeko eskualde honetan lau pertsona bizi dira kilometro koadroko, Erkidegoaren batez bestekoa baino hamabost aldiz gutxiago. Biztanleriaren zahartze larria eta zerbitzu publikoen gabezia dira zonaldeko kezka nagusiak.
Goizeko berria. Zuberoako Herri Elkargoak kudeatzen duen Irati gaineko eski-estazioa behin betiko zerratzea erabaki du, elur eskasean izanen direlako aurten ere. Oroitzen naiz duela hogei bat urte, Pyrénées Magazine aldizkariko zenbaki berezi batean,... [+]
Guztira 160.000 euro bideratuko ditu Nafarroako Gobernuak bertako biztanleen “aukera berdintasuna” sustatzeko. 174 ikaslek jasoko dute 360 eta 2.000 euro bitarteko diru-laguntza. Ez da nahikoa izango, ordea, Pirinioetako herritarrentzat, diru-laguntza eskatu dutenen... [+]
Pirinioetako husteari aurre egiteko legea eskatu dute eskualdeko ordezkariek. Hamar biztanletik bat galtzen du urtero eskualdeak.
Pirinioetan etxebizitza lortzeko dagoen arazoari aurre egiteko neurria onartu du Nafarroako Gobernuak. Etxebizitza publikoen alokairuaren prezioa %38 jaisteko hobaria aktibatu du, despopulazio arriskuan diren ibarretan "biztanleria finkatzea" helburu.
Ez da klimaren larrialdirik, hain gutxi energia krisirik, kapital handiak eta agintari politikoek hain maite dituzten azpiegitura handien abiadura etengo duenik. Oraingoan “elefante zuri” berria Pirinioetan eraiki nahi dute, urtero milaka mendizale eta eskiaren... [+]
Baqueira Beret-eko eski estazioan eman du prentsaurrekoa 2030eko Neguko Joko Olinpikoak antolatzeko 'Bartzelona-Pirinioak' hautagaitzaren kontrako Stop JJOO plataformak, luxuzko 38 etxebizitza eraikitzen ari diren lekuan bertan.