Pirinioetako alkateek salatu dute “noraezean” dagoela despopulazioari aurre egiteko gobernuaren plana
Pirinioetako Mahaiak agerraldia egin zuen ostiralean, "konpromisoen lege bat" eskatzeko eta Nafarroako Gobernuari "neurri zehatzak" exijitzeko.
Nafarroako Pirinioetako Mahaiak batzorde iraunkorreko bilera egin zuen ostiralean eta agerraldi bateratua ondoren, Nafarroako Gobernuak abian ipinitako Pirinioetako Planaren egoera azaltzeko. "Une orotan adierazi digute denak berdin jarraitzen duela, gobernantza-sistema deiturikoak barne. Baina hori ez da horrela izaten ari", esan dute oharrean. Izan ere, seinalatu dutenez, langile falta pairatzen du planak. Aurreko legegintzaldian zuzendaritza batek egin zuen lana bi pertsonaren gain gelditu da, zeintzuek bestelako lanak ere egiten dituzten. Areago joan da gobernua azken astean: langileen "apurra" kargugabetu du, Pirinioetako Mahaiaren esanetan.
Beraz, Pirinioetako herrietako alkateek zera esan dute: "Aspalditik pentsatzen ari garenaren egiaztapena dela uste dugu, nahiz eta jarrera proaktibotik lanean jarraitzen saiatu garen denbora guztian. Gure ondorioa da gaur egungo Nafarroako Gobernuak ez duela Pirinioetako Plana sinesten, eta bertan behera uzten duela planaren garapena. Agian, pazientzia gehiegi izan dugu, edo konfiantza gehiegi, baina orain argi daukagu. Tresnarik gabe uzten gaitu, elkar gobernantzarako aukerarik gabe, eta okerrena, espero ez genuen atsekabe sentsazioarekin".
Herritarrei "gauzak diren bezala" jakinarazteko borondatea adierazi dute agerraldian, eta María Chivite lehendakariari ere bilera eskatu diote. Uztailaren 3an Jaurrietan biltzeko deia luzatu diete Pirinioetako bizilagunei, elkarren artean erabakitzeko nola egin aurre etorkizunari.
Lehen sektorea bultzatzeko eta indartzeko lanean dihardute Nafarroako Pirinioetan azken urteotan, eta lanketa horren baitan sortu zuten Pirinioetako Mahaia. Diagnostikoa ondu dute azken urteotan, eskualdean lehen sektoreari lotuta dituzten hutsuneak identifikatzeko, eta ondorio... [+]
XIX. eta XX. mendeetan ohikoa zen hiri nagusietako kaleetan ikustea janzkera tradizional ikusgarria zuten emakume batzuk, sendabelarrak saltzen. Ansotarrak ziren, Aragoiko Ansó ibarrekoak. Erakusketa batek haien historia kontatu digu, eta bide batez azalerazi du atzean... [+]
Nafarroako ipar-ekialdeko egoera larriari aurre egiteko Pirinioaldeko Mahaia sortu zuten zonaldeko hainbat gizarte eragilek eta erakundek. Nafarroako Gobernuaren utzikeria salatu dute bertako biztanleek. Aurizko alkate Unai Irigaraik eman dizkigu xehetasunak Guardasola saioan.
Asteazken honetan Pirinioetako herritarrek batzar irekia egin dute Jaurrietan eta salatu dute Nafarroako Gobernua ez dela behar bezala garatzen ari Pirinioetako Plana.
Artzibarko Urdirotz herrian, Nafarroako Pirinioetan, proiektu berri batek zabaldu ditu ateak otsailaren 24an. "Azoka-Denda" deitu diote Txabi Bados Ruizek eta Rita Perandrés Martínezek haien etxe azpian ireki duten dendatxoari. Azokoop mikrokooperatibaren... [+]
Desagertzeko arriskuan dagoen basoilarra ikusi dute azken egunetan Larra eta Aztaparretako naturgunean, Belaguako La Contienda bailarako eski estazioko aparkalekuan. Jokabide arraro horrek kezka sortu du biologoen artean, aurtengo negu beroak eraginda izan baitaiteke. Basoilarra... [+]
1936ko Gerra amaitzear zela, Franco diktadoreak Pirinioetan milaka bunker eraikitzea agindu zuen. Mendian horiek ikusten aspaldi ohituak gaude, baina ez genekien defentsarako lerro erraldoi bat osatzen zutela, eta azken urteetan berreskuratzeko ekimenak jarri dira abian. Izan... [+]
Nafarroako ipar-ekialdeko eskualde honetan lau pertsona bizi dira kilometro koadroko, Erkidegoaren batez bestekoa baino hamabost aldiz gutxiago. Biztanleriaren zahartze larria eta zerbitzu publikoen gabezia dira zonaldeko kezka nagusiak.
Goizeko berria. Zuberoako Herri Elkargoak kudeatzen duen Irati gaineko eski-estazioa behin betiko zerratzea erabaki du, elur eskasean izanen direlako aurten ere. Oroitzen naiz duela hogei bat urte, Pyrénées Magazine aldizkariko zenbaki berezi batean,... [+]
Guztira 160.000 euro bideratuko ditu Nafarroako Gobernuak bertako biztanleen “aukera berdintasuna” sustatzeko. 174 ikaslek jasoko dute 360 eta 2.000 euro bitarteko diru-laguntza. Ez da nahikoa izango, ordea, Pirinioetako herritarrentzat, diru-laguntza eskatu dutenen... [+]
Pirinioetako husteari aurre egiteko legea eskatu dute eskualdeko ordezkariek. Hamar biztanletik bat galtzen du urtero eskualdeak.