Pinu intsignisa: urre berdea izurrite gorri
Urre berdea zena izurrite gorri bihurtu zaigu. Eta gurera ere iritsi da pinuak ihartzen dituen onddo dontsu hori! Dozena bat urtera gure jubilazio sarrerak osatzeko balio behar zuena, bota eta huskeria baten truke eman behar. Eta ingurukoak ere berdin: dirutzak galtzeaz gain, kezkati, urduri: zer egin? Bota? Mantendu ea neguan errekuperatzen den? Bota ta gero berriz landatu? Zer landatu? Datorrena datorrela utzi? Pinuez gain, terrenoak ere erdi-erregaloan saldu? Eta erantzunak gutxi. Informazioa zeharo nahasia.
Behin baino gehiagotan entzuna diet bertako zaharrenei: pinu- leku onenean ere, lehenengo pinu aldia oso ona; bigarrena eskasagoa; eta hirugarrenean, lurrari bere onenak kendu ondoren, nabarmen pinu tristeagoak. Baina halako konstatazio logikoei begiratu gabe, eta uneak eskatzen duen hausnarketa sakonago baten faltan, baso politika zuzentzen duen Diputazioak eskutitz soil bat, bide beretik jarraituko dela esanez: gaitzak jotakoak bota eta landaketa berriak egitea sustatu. Laguntzetarako oraingo partidak potolotuz... baina zertarako? Aukera gehiago zabaldu gabe, informazio eta aholkularitza gehiago eman barik, berriz ere pinu-zulo berera botatzeko? Edo okerrago dena, lurrean dituen ondorio larriak inork zalantzan jartzen ez dituen eukalipto sailak hauspotzeko? Kontuz! Baso biziak nahi ta behar ditugu!
Natura ere tematia dela konturatu barik, konponbidea teknologiatik datorrelakoan, ikerketak areagotu eta pinu erresistenteagoak bilatzeaz dihardute... Edota, airezko fumigazioa egiteaz!! Jarri al dira balantzan hain zalantzazkoa den gaitzaren kontrako eraginkortasuna eta balizko kalteak inguru guztian? Egungo kaosari aurre egiteko eta gutxi batzuk (egurketari edo terrateniente) egoera nahasiaz errez aprobetxatzea ebitatzeko epe motzeko erantzun azkar eta zentzuzkoak behar ditugu, noski.
Baina baliabide handiak izan arren, lehengo baldintza beretsutan segitzeko ematen badira, ez dago porrot egin duen bidetik ateratzerik. Horregatik, urgentziazko neurriekin batera, oraintxe da unea gelditu, gogoeta sakon bati ekin eta epe ertain eta erdira begirako alternatiba bila hasteko, gaurko baso politiken hutsuneetatik abiatuta, baso politika berri bat eraikitzeko. Eta horretarako, administrazioaren teilatuan dago pilota, hasi gertukoenetik, udaletxetatik eta gobernuraino! Argi izanda, sektoretik bakarrik ezin zaiola honi aurre egin.
Naturarengandik hurbilago dagoen basogintza baterantz joateko, errentagarritasun ekonomikoaz gain, ekologikoa eta kulturala ere bilatu behar ditugu. Denon diruaz lagundutako jarduna, guztion onerako ere izan dadin, bai baserritar baso jabeena eta baita herritar guztiena ere, benetako balio publikoak izango dituena. Eta erabakiak hartzean ere, denon ahotsa entzutea komeniko da!
Ez dago arbola txarrik! Kontua da, non, zenbat, zertarako eta zer modutan landatu, zaindu eta botatzen diren… Informazioa, formazioa, aniztasuna bultzatzeko aukera eta adibide berriak ezagutu, antolatu eta praktikan jartzeko garaia da. Moztutako sailen hutsune nabarra, kolorez bete dezagun.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Bagira prozesuaren emaitza, Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da... [+]
Hizpidea jarri zuen Pello Salaburuk sare sozialetan, aipatuta hemendik hamabost urtera etorkinen pisua Bizkaian biderkatu egingo zela, biztanle guztien %22 izateraino, eta hori badela “zinez euskararen mehatxua”. Jakina, horrela botata, beste zehaztasunik gabe, azkar... [+]
Laugarrenez altxatu da eguzkia Baionako besten eremu setiatuan eta uste dut, septentrioko Euskal Herri honetan, hatsa hobekiago hartzen dugula, batez ere gure hiru diputatuak Fronte Herritar Berrikoak direlako eta olde beltz-kakia hirugarren postura zokoratu dugulako. Bi gauza,... [+]
Joseba Diez Antxustegi EAJk Eusko Legebiltzarrean duen bozeramaile berriaren iritziz, Imanol Pradales lehendakariak "esperientzia handiko emakumez eta gizonez osatutako gobernua osatu du, sektore profesionaletan errespetatuak eta Euskadirekin konpromisoa hartu... [+]
Pedrosa andere agurgarria:
Zorionak, Hezkuntza sailburu izendatu zaituztelako. Ez da ardura berria zure gainean izango duzuna aurrerantzean. Ederto ezagutu behar duzu Hezkuntza Saila, lau urte sailburuorde eman ostean. Ikasturtea bukatuta, kontu batzuk gogoratu nahi nizkizuke... [+]
Joe Bidenen narriadura kognitiboaren eztabaidak bi urte inguru ditu. Batzuetan portaera bitxia zuen, beste batzuetan ez zitzaion ondo ulertzen edo egiak ez ziren gauzak esaten zituen, semea Iraken hil zitzaiola, adibidez. Halere, establishment liberalak bere egoera kognitiboari... [+]
Ilarei buruzko artikulu bat irakurri nuen duela bizpahiru egun, Guillem Martinezena, eta ez dakit ondo ulertu nuen. Kontatzen zuen etxe azpian ezer berezirik ez zuen izozki denda bat daukala, eta azken aldian ireki orduko izaten duela jendea, bata bestearen atzean ordenatuta,... [+]
Ez dut oso argi gure bizitzak gidatzeko, banaka, botere nahikoa dugun, baina saiatzen jarraitu behar dugula bai. Taldean gauza asko egin badaitezke ere, egunero gure buruarekin borroka bakartia dugu aurrera egiteko. Gizaki gehienok, bizitzea den norabide bakarreko ur... [+]