Pinar Selek soziologoaren aurkako nazioarteko atxilotze agindua aurkeztu du Turkiak
Urtarrilaren 6koa da Turkiako Auzitegi Gorenak aurkezturiko agindua, eta bizi osorako kartzela zigorra bideratua dio soziologo eta idazle turkiarrari. Frantziako Gobernuak dio eskaerari erantzun behar, Nizan bizi delako azken urteetan, frantziar herritartasuna ere lorturik 2017an. Azken urteetan biderkaturiko Pinar Selekiko elkartasun-taldeak soziologo eta idazlearen behin betiko askatasuna eskatzen dabiltza. Euskal Herri mailan ere antolaturik daude.
Pinar Seleken aurka bideratu jazarpenean urrats bat gehiago eman berri du Turkiako Gobernuak: bere aurkako nazioarteko atxilotze agindua aurkeztu die bere abokatuei urtarrilaren 6an. Orduz geroztik, edonoiz atxilotu dezake Frantziako Poliziak, bertan dagoelako azken urteetan –frantses nazionalitatea lortu zuen 2017an–.
Soziologoa eta idazlea da Selek, antimilitarista, feminista eta libertarioa. "Turkiako Estatuari gustatzen ez zitzaion guztia ordezkatzen dut" zioen 2015ean ARGIAri eskainitako elkarrizketan. 1998an atxilotu zuten Turkiako poliziek, kurduen diaspora politikoari buruz egindako ikerketa soziologiko baterako zituen kontaktu kurduak sala zitzan. Tortura saioetatik inor salatu gabe jalgirik, Istanbulen urte berean lehertutako bonba baten erantzule egin zuten –orduz geroztik, frogatu da ez zela atentatua izan, baizik eta istripu bat, eta Selek salatu zuen gazteak ere aitortu izan du hori gezurra zela eta torturapean eman zuela bere izena–. 2001ean atera zen kartzelatik eta erbestean bizi da 2009tik hona. 2013an Frantziak iheslari politiko estatutua onartu zion eta hortik lau urtera herritartasuna.
Lau aldiz absolbitu duten arren, Turkiako Auzitegi Gorenak bestela erabaki du: atxilotzeko manua bideratu zuen iazko udan, absoluzioaren aurka kokatuz, eta urtarrilaren 6 honetan ukan dute horren berri Seleken abokatuek. Martxoaren 31ko dauka auzialdi berria finkaturik.
Seleken aurka martxan den "justifikatu gabeko jazarpen judiziala" salatu izan du Frantziako soziologoak biltzen dituen elkarteak. Azken urteetan Nizako unibertsitatean dabil lanean eta lankideen partetik sostengua jasotzen dabil. Orokorrean elkartasun zabala lorturikoa da, bai Turkian, bai nazioartean –Euskal Herrian ere badauka sostengu-taldea osaturik–. Baina bere aurkako erasoa zabalago kokatu eta Turkiak bideraturiko errepresio bortitzaren baitan sartzen du Selekek, sistema autoritario horren osagai gisa kokatuz.
Bizi osoko kartzela zigorrera kondenatua izan zela jakin eta egun batzuetara egon zen Euskal Herria Zuzenean festibalean, berearen berri ematen, iazko udan. Nola ez beldurtuta bazen ere, zutik eta tinko segitzen zuen ikerlari militanteak: "Ene egoera aski zaila da, zeren eta Turkiak dena eginen baitu nire hausteko. Badira interes geoestrategikoak. Inkiet naiz, nire borroketan segitu nahi baitut; beraz, eskandalu honen ikusgarritasunak eta elkartasunak garrantzia dute", adierazi zio Ipar Euskal Herriko Hitza-ko kazetariari.
Frantziari deia: ez kanporatu Selek
"Pinar Selekiko elkartasun-taldeok ez dugu onartzen, benetako fartsa judizial bat osatuz, bidegabeko politika batek bahiturikoa izatea idazlea eta soziologoa. Turkia astintzen duen erregimen autoritario eta libertizidarekiko Europako herrialdeen konplazentzia-politikaren alboko biktima izaterik ez dugu nahi", adierazi dute ekintzailearen sustengu taldeek. Hori horrela, Frantziako Gobernuari eskatu diote "segurtasun eta babes osoa" bideratzea Seleki.
Ekrem Imamoglu Erdoganekein lehiatzekoa da hurrengo presidentetzarako bozetan, CHP Herriaren Alderdi Errepublikanoa alderdiaren hautagaitzara aurkeztu den bakarra baita. Ustelkeria eta "terroristekin kolaboratzea" egotzi diote, eta bere atxiloketaren ostean piztutako... [+]
Lurrikara geopolitiko bat astintzen ari da Ekialde Hurbileko mapa. Anabasaren erdian, Abdullah Öcalanen bakerako azken deiak mahai gainean jarri du eskualdeko gatazka armatu zaharrena. Ez, aurrekariek ez diote bide ematen itxaropenari, eta historiaren trena inoiz baino... [+]
Urteak iragan dira bere azken argazkia ikusi zenetik. 26 urte daramatza preso Abdullah Öçalanek Turkiako Imrali uhartean, "erakunde terroristako" buruzagitza egotzita. Ostegun eguerdian bere bideo bat ez, baina argazki berri bat zabaltzeko baimena eman du... [+]
Editore Kurduen Elkarteak abenduaren 22an egin zuen salaketa: azken hiru asteetan Turkiako agintariek kurduei buruzko 120 liburu, aldizkari, egunkari edo bestelako argitalpen debekatu dituzte, Duvar hedabide kurduak jakinarazi duenez.
Astelehenean Manbij hiria hartu du Turkiaren babesa duen SNA Siriako Armada Nazionalak. Kurduen iraultzaren erreferente nagusia da Kobane, bertan garaitu zuten Estatu Islamikoa taldea orain zortzi urte, Rojavako Iraultzari hasiera emanez.
Siriako egoera bortitza izoztuta egon da azken urteetan, eta orain nazioarteko lehen planora atera da. Azaroaren azken egunetan, Siriako Gobernuaren aurka gerran diren talde jihadistek oso egun gutxitan hartu dute Alepo, herrialdeko bigarren hiria. Egoera oso konplexua eta... [+]
Abdullah Öcalanek, Kurdistango Langileen Alderdiko (PKK) buruzagi espetxeratuak, bere iloba Ömer Öcalanen lehen bisita izan du. Ia lau urtez ukatu dizkiote bisitak, telefono deiak eta kanpoaldearekiko komunikazio oro. Azken 25 urteetan ia erabateko isolamendu... [+]
Bi kazetari, Hêro Bahadîn eta Gulistan Tara, eta haien txofer zihoan Rêbîn Bekir lankidea, Hewraman eskualde kurduan dokumental bat egitera zihoazen. Beren autoa misil batek jo zuen. Bekir zorteduna izan zen, autoa sutan lehertu baino lehen, inpaktuak... [+]
2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]
Genozidioa zoritxarrez modan dagoen hitza da. Rafael Lemkinek 1946an egin zuen definizioaren arabera, “talde nazional, etniko, arrazazko edo erlijioso bat erabat edo partzialki suntsitzeko asmoz egindako ekintzak” dira genozidioa. Ekintza horiek “taldeko kideak... [+]
Teofanes Aitorlea kronikalariak jaso zuenez, 763-764ko negua inoizko hotzenetakoa izan zen Konstantinoplan. Elurrak eta izotza hartu omen zuten bizantziar hiriburua eta Bosforon iceberg bat ere ikusi omen zuten.
Orain arte klima hoztea, besteak beste, jarduera... [+]
Turkiak jakinarazi du Israelekin zituen merkataritza harreman guztiak eten dituela eta Nazioarteko Justizia Auzitegian Israelen aurkako genozidio salaketarekin bat egitea eskatuko duela.
Gazara doan Adkeniz itsasontziaren irteera eragozteko Israelen ahaleginek beste traba bat jarri dute. Gazako itsas-blokeoa hautsi nahi duen misioaren paturako behin betikoa izan liteke.
Droneen ekoizpena gorantza doan industria da, eta Turkia gerrarako droneen fabrikatzaile eta esportatzaile handienetakoa bihurtu da. Haien produktu izarra Bayraktar TB2 da. Modu autonomoan aireratu, lurreratu eta nabigatu dezakeen drone bat, baina giza operadore baten mende... [+]
Munduko dozenaka erakundek osatzen dute Askatasunaren Ontzidia eta bere helburua da 2007az geroztik Israelek Gazari jarritako blokeoa haustea. Iragan urriaren ondoren blokeo hori erabat areagotu da, eta flota horrek Gazara iristeko saioa egingo du datozen egunetan.