Baiko enpresako pilotariek hamabi eguneko greba egingo dute “lan baldintzen alde eta enpresaren mehatxuen aurka”
Baiko-ko pilotariek, enpresarekin bizi duten gatazkan urrats berria emanez, iragarri dute urrian hamabi lanuzte egingo dituztela, 9an hasi eta 26ra bitartean.
Urriaren 9, 10, 11, 12, 16, 17, 18, 19, 23, 24, 25 eta 26an egingo dute greba, ELAren Bilboko egoitzak emandako prentsaurrekoan jakinrazi dutenez. Bost aldarrikapen egin dituzte pilotariek: Eskiroz, Victor, Laso eta Mariezkurrena pilotarien kontratuen negoziazioei berriz heltzea, fede onez eta mehatxurik gabe; gutxieneko lan baldintzak arautzeko lan hitzarmen bat sinatzea; barne araubidea bertan behera uztea; eta pilotariekin gardentasun ekonomikoz jokatzea, Berriako kazetari Aitor Manterolak eta Paulo Ostolazak jaso dutenez.
Pilotariek azaldu dute enpresarekin negoziatzeko prest daudela, eta hark azalduko duen borondatearen arabera erabakiko dutela greba bertan behera utzi ala ez.
Duela bi aste azaleratu zen pilotarien eta Baiko enpresaren arteko gatazka. Hemezortzi pilotarik prentsaurrekoa eman zuten Tolosako Beotibar frontoian, bizi duten egoera salatzeko: "Pilotariok atsekabe orokor bat bizitzen ari gara aspaldian enpresak gurekiko hartu dituen hainbat jokabiderekin. Jokabide horiek, zuzendu beharrean, biderkatu egin dira azken hilabeteetan".
Ondoren etorriko ziren Unai Laso pilotariak Berrian salatutakoak –"Baiko diktadura bat da"–, eta egoeraren aurrean Baiko enpresako kirol zuzendari Jose Ramon Garaik ostegunean prentsaurrekoan esandakoak, gatazkaren jarraipena egiten ari diren Berriako kazetari Julen Etxeberria eta Jon Ordoñez kazetariek kronika honetan jasoak: "Egoerara egokitu behar izan dugu". Pilotarien kontratuetan azkenaldian egon diren gorabeherak, osasun krisiak sortu duen egoera aldaketak behartuta izan direla azaldu du Garaik. Baita jaialdi gutxiago dagoela eta sarrera gutxiago saltzen direla, eta Baikok hori kudeatu behar duela. Gaineratu du kirol profesionalaren oinarria kirolarien txandakatzea dela, eta azpimarratu du Baikok ez dituela bota, baizik eta eurek erabaki dutela ez segitzea.
Jakinarazi duenez, astelehenean da biltzekoa pilotari taldearekin, baina kirolariek mobilizazioak iragarriko dituzte gaur eguerdian, ELA sindikatuaren Bilboko egoitzan.
Iruñeko Labrit pilotalekuan ari da jokatzen 22 urtez azpiko XI. Munduko Euskal Pilota Txapelketa. Abuztuaren 31ra bitartean zazpi herrialdetako 200 pilotari baino gehiagok hartuko dute parte. Euskal selekzioak lehiatzerik ez duela-eta, haren ofizialtasuna eskatu dute... [+]
Euskal Herriko pilota selekzioa aldarrikatu du dozenaka pilotarik Hendaian egindako ekitaldi batean. Erabakia larunbatean, Hendaiako Beltzenia pilotalekuan egindako ekitaldi batean ezagutzera eman zuten.
Pilotari famatua izan zen, munduko txapelduna, baina tartean behin baizik ez zuen Euskal Herrian jokatu, Mexikon jaio, hazi eta hantxe bizi baitzen, gurasoak haraxe joanda 1936ko gerratik ihesi. Abertzalea, Mexikoko euskal etxeko presidentea, Jaurlaritzaren aholkularia,... [+]
Txikitatik bizi dugu lehia gizarte honetan: umetan haurren arteko jolasetan, heldutakoan bizitzako eremu guztietan –batzuetan kontzienteki onartzen dugu jokatzea eta bestetan nahi gabe erortzen gara lehia dinamiketan–. Agian horregatik dira kirolariak gizarte... [+]
Frontoia du habitat Naroa Iturainek (Iruñea, 1992). Pilotaria da, baita pilota epailea ere. Umetan ikusmina piztu zion palak, eta pasioari jarraika, esku-pilotan hasi zen gerora. Alabaina, ia behartuta egin zen epaile, emakumeen arteko neurketak pilotariek beraiek zuzendu... [+]
Maiatzaren 13an Larraul-Azpeitia partidak jokatuko dira Gipuzkoako Herriarteko Txapelketaren baitan, eskuzko modalitatean. 18:00etan hasiko dira partidak Tolosaldeko herri txikian, eta urtetan pilota sustatzen egindako lanaren emaitza izango da: jai handi bat, lehen aldiz parte... [+]
Nazioarteko Euskal Pilota Federazioak batzarra egingo du, lehen aldiz euskal pilotarien estatusaren aldaketa aztertzeko prest azaldu ostean. Espainiako Pilota Federazioak bere aurkako "iraintzat" jo du asmoa, eta gaineratu du "izaera nazionalista aitortzea"... [+]
Gernika, Donibane Lohizune, Biarritz eta Paueko lehiaketak batu egingo dira Jai Alai League sortuz.
Ados Pilota klubak salatu du ETBk ez duela larunbatean abiatuko den Binakako Txapelketaren partidarik emango eta, ondorioz, Eusko Labelek ez duela txapelketa babestuko.