Pilar Irigoien Sodena enpresa publikoko zuzendari nagusia zen, eta Nafarroako Gobernuko Mikel Irujo kontseilariak asteazkenez kendu zuen kargutik, 2020an Sodenak Nafarroako Enpresarien Konfederazioarekin (CEN) bideratutako akordio bat tartean.
COVID-19ak ekarritako 2020ko etxealdiaren garaian gauzatu zen akordioa, eta funtsean, haren bidez Nafarroako Gobernuak bermatu nahi zuen lurraldeko enpresek gaitzaren aurkako materiala izatea, bereziki maskarak.
Garai hartan ez zen erraza material hori lortzea eta nagusiki Txinatik ekartzen zen, Mendebaldeko enpresetan ez zelako horrelakorik ekoizten. Gobernuek era guztietako operazioak bideratzen zituzten ekonomia eta bizitza “normaltasun berrira” ahalik eta lasterren eramatearren.
Testuinguru konplexu horretan, Sodenak bi milioi euro aurreratu zizkion CENi, eta honen bidez, Albyn Medical enpresak bitartekaritza lana egin zuen Txinatik materiala ekartzeko, %3,6ko komisioarekin, zeinaren ondorioz 70.000 euro eskuratu zituen. Eskema honakoa zen: Sodenak dirua aurreratu, Albynek materiala ekarri, eta CENek enpresetara bideratu, haiek egindako eskarien arabera.
Zer gertatu zen bidean? Apurka hasierako prezio garestiak apalduz joan zirela eta enpresak CENek eskainitakoa baino merkeago hornitzen zirela merkatuan. Espekulazioari aurre egiteko, Espainiako Gobernuak ere muga jarri zien maskaren salneurriei. Ondorio nagusia honakoa da: enpresei garapenerako maileguak ematen dizkien Sodenak operazio horretan 1,24 milioi euro galdu dituela eta diru publikoz ordaindutako 1,7 milioi maskara bi almazenetan daudela saldu gabe (2,2 milioi erosi ziren).
Ez zen legea bete
Foru Gobernuko Kontu-Hartze Zuzendaritzak kudeaketa publikoaren behaketa egiten du enpresa pribatuen bidez, eta uztailaren 27an sinatutako txostenean zioenez, operazio horretan irregulartasunak izan ziren. Batetik, CENi emandakoa diru maileguak ez du betetzen Ogasun Publikoaren Foru Legea, %0 interesean egin zelako eta horrek ez duelako interesei buruzko araudia errespetatzen. Halaber, inspekzioak dio operazioa bermerik gabe egin zela.
Gainera, garai hartan Nafarroako Gobernuak gisa honetako operazioak bideratzeko jarritako baldintzak ere ez zituela bete zehazten du, besteak beste, operazioaren ezohikotasunagatik, berariaz behar zuen Nafarroako Gobernuaren baimena.
Nafarroako Kontuen Ganberak ere gainbegiratu zituen gobernuak garai hartan egindako operazioak, honi buruz ezer aipatu gabe, eta orain iragarri duenez, auditoria berezi bat egingo dio kasu honi.
Itzal esanguratsuak
Nafarroako Gobernuko eledun Javier Ramirez mugatu da esatera auziak erakusten duela gobernuaren kontu-hartzeak eraginkorrak direla. Alabaina, bistan da zerbait gehiago ere esan beharko lukeela, gobernuaren jardunaren ikuspegitik operazioak itzalak dituelako.
Batetik, kontu-hartzaileen txostenak dio operazioak ez zituela bete garai hartan gobernuak berak gisa horretako lanetarako finkatutako arauak, besteak beste ez zuela gobernuaren baimenik. Hala ere, garai hartan Industria eta Garapen Ekonomikorako kontseilaria zen Manu Ayerdiren baimena bederen bazuen, maiatzaren 7an Nafarroako Legebiltzarrean azaldu baitzituen CENekin egindako akordioaren ezaugarriak. Sodenaren arabera, halaber, Nafarroako Enpresa Publikoen Korporazioa zuzentzen duen Elma Saizek ere eman zuen akordiorako onespena.
Kontu-hartzaileek diote maileguak ez zuela bermerik, baina orain kargugabetutako Pilar Irigoienen esanetan, Foru Gobernuak operazio horietarako jarritako arauek ez zuten horretara behartzen, eta gainera, enpresarien elkarteari onartzen zaion kaudimen gaitasunak bermatzen zuen operazioa. Edozein kasutan, eta gobernuaren orduko neurrien gainetik, Foru Legeak halakoetarako jarritako baldintzak ez zirela bete ere badio kontrol azterketak.
Egin beharreko ikuskatzeen zain, operazioak utzitako 1,2 milioi euroko zuloak argi samar uzten du Sodenak berme zehatzik gabe eman ziola mailegua CENi, eta enpresarien elkartea ez dela uste bezain kaudimendun edo fidagarri, edo bestela akordioa ez zela behar bezala lotu. Itzalak ugari dira eta Sodenak, CENek eta gobernuak hobeto azaldu beharko dute gertatutakoa.
Zaurgarritasun ekonomikoaren baldintzak betetzen dituzten arren, Santander bankuak ordainketak epe batez etetea ukatu die bi familiei.
Atacamako Desertua Fundazioak eremu horretako geoglifoak suntsitzen ari direla salatu du sare sozialetan; hainbat argazkiren bidez, basamortura 4x4 ibilgailuetan doazen bisitariak eragiten ari diren triskantza erakutsi dute. 1000 eta 1520 urteen artean egindako geoglifo handiak... [+]
1970eko hamarkadaren erdialdean sigla dantza itzela zegoen euskal panorama soziopolitikoan, eta horien artean mordoxka bat ezker abertzalekoak. Mende erdi geroago, denboraren higaduraren edo errepresioaren ondorioz, horietako gehien-gehienak desagertuta daude, arbola bakarra... [+]
2017an izendatu zuten LABeko idazkari nagusi eta gaur egun Igor Arroyorekin partekatzen du koordinatzaile orokorraren kargua. Eredu sindikalak, aliantzak, helburu orokorrak eta etorkizuneko erronka handiak landu ditugu ondoko lerroetan. Eskuin muturraren mamua ere agertu da.
Espainiako Ministro Kontseiluak etxeko langileentzako osasun-azterketak, formazioa eta lan-arriskuak ebaluatzea ezartzen duen dekretua onartu berri du. Baina dekretu horrek arrakala garrantzitsuak ere baditu: langileari “sekretu profesionala” mantentzea eskatzen dio,... [+]
Europar Batasuneko Justizia Auzitegiak Apple eta Irlanda kasua ebatzi, eta Googleren aurkako zigorra berretsi du, nagusitasunezko posizioaz abusatzeagatik.
Sumarrek PSOEri ezarritako marra gorrietako bat horixe zen, lanaldia jaistea. Hala ere, laguntzak ematea ez zen hasierako asmoetan sartzen.
Asviamie amiantoaren biktimen elkartearen hitzetan, Gasteizko Lan-arloko 2. Epaitegiak Sidenor eta Cofivacasa enpresei ezarritako isunak erakusten du enpresek ez dutela betetzen "langileen osasuna babesteko obligazioa".
EH Bildu, PSN, Geroa Bai eta Zurekin taldeek lege egitasmoa adostu dute, Iruñeko Alde Zaharrean etxe turistikoei lizentzia gehiago ez emateko. Akordioak “izaera prebentiboa” duen “hirigintza-aldaketa” du ardatz, hiru helbururen bueltan oinarrituta:... [+]
Nafarroako Foru Komunitateko hezkuntza publikoko sindikatuek (STEILAS, ANPE, AFAPNA, LAB, CCOO, ELA eta UGT) 2024ko irailaren 26ko ostegunerako greba deialdia aurkeztu dute Hezkuntza Departamentuko erregistroan.
Hitzordua Noaingo Zentzumenen Parkean izango da. Herritarrak eta ekoizleak elikagai ekologikoen inguruan biltzeko Nafarroako topagune handiena da azoka. Bederatzigarren edizioa da aurtengoa eta laugarren urtez jarraian Noaingo Zentzumenen Parkean egingo da.
Olinpiar Jokoek eta Paralinpiarrek dakarten "festa" gutxietsi gabe, kostu sozial, ekologiko eta ekonomiko izugarria eragin dutela dioten ahotsak ere badira, entzun nahi izanez gero. Horretan dabiltza Frantziako Legebiltzarretik, LFI Frantzia Intsumisoa alderdiko... [+]
Salvador Illa Generalitateko president izendatzeko oinarrietako bat PSC-ERC arteko ituna izan da. Ez da itun subiranista inondik ere, baina hainbat alorretan ate berriak zabal litezke, ohikoa den PSC-PSOEren balaztaren estrategia politikoa berriz ere nagusitzen ez bada,... [+]
3.364 langabe gehiago erregistratu dira abuztuan Hego Euskal Herrian. Gehienak, emakumeak: 2.355. ELA eta LAB sindikatuek seinalatu dute "aldi baterako kontratu prekarioak" daudela horren atzean.