34 atxilotu Gasteizen, ikasle greban
Ikasle Abertzaleaek deiturik, greba eguna izan dute ostegunean Hego Euskal Herriko ikastetxe eta campusetan. Erreformei "aurre egiteko" eta "hezkuntza sistema sozialistaren beharra" agertzeko daude protestan. Hiriburuetan manifestazio jendetsuak egin dituzte eta Gasteizen Ertzaintzak 34 lagun atxilotu ditu, Eusko Jaurlaritzako Segurtasun sailaren arabera.
Ikasleek goizean goiz hasi dute mobilizazioa. Piketeak egin dituzte hainbat campus eta ikastetxetan, baita hainbat errepide moztu ere. Nafarroako Unibertsitate Publikoko atarian zenbait gazte kateatu da. Gasteizko campusean, berriz, Letren fakultatean altzariak hautsi dituzte protestariek eta beste hainbat kalte eragin:
Iritsi da greba eguna eta piketeak hasi dira hainbat fakultatetan zehar. pic.twitter.com/VPN5i2ixGk
— HARA BA! (@hara_ba) March 24, 2022
Ertzaintza Gasteizko campusera azaldu denean jendea identifikatu eta gazte ugari atxilotu du, 34 lagun, Eusko Jaurlaritzaren segurtasun sailaren arabera.
Ikasle Abertzaleek deiturik 12:00etan batu dira Iruñean, Donostian, Bilbon eta Gasteizen egindako manifestazioetan. Horietan jendetza bildu da, milaka, antolatzaileen arabera. Bilboko manifestazioan Ertzaintza ikasleei "oldartu" zaiela salatu dute antolatzaileek.
Milaka pertsona elkartu gara Bilbon, Iruñean, Donostian eta Gasteizen egin ditugun manifestazioetan. Hezkuntza erreformen aurrean, hezkuntza sistema sozialistaren aldarria zabaldu dugu.#M24IkasleGreba pic.twitter.com/iU9bJtToUF
— Ikasle Abertzaleak (@IAbertzaleak) March 24, 2022
Arratsalderako elkarretaratzeak eta bilkurak deitu dituzte Ikasle Abertzaleek 13 herri eta hiritan 19:30ean, atxilotuei elkartasuna adierazi eta "EHUren erantzukizuna" salatzeko. Gasteizen Andra Mari Zuriaren plazan bilduko dira Iruñean Nabarrerian, Donostian Bulebarrean eta Bilbon Etxebarrieta Anaien Plazan.
"Antolakuntzarik ezean, dirudunek nahieran erabiliko gaituzte"
Bigarren Hezkuntzan –LOMLOE erreforma–, unibertsitateetan –LOSU erreforma– eta Lanbide Heziketan –Lanbide Heziketa Plana– abiaturiko erreformen kontra dira protestan. Hezkuntzak soluzio integrala behar duela aldarrikatzen dute: "Hezkuntza sistema sozialista eraikitzea da bidea". LOMLOE pentsamendu kritikoa garatzeko "ezein aukera ezabatuko" dituela salatu dute eta LOSU eta Bizikidetza Legearen bidez "etekin ekonomikoa bermatzen duten graduak bultzatu eta bestelakoak desintegratuko" direla.
Manifestazio amaieran aipatu erreforma horien kontrako hitzak izan dituzte: "Guk argi dugu erreforma horiek zuzen-zuzenean kolpatzen dutena langile klasea dela, hezkuntza prozesutik indarrez kanporatua izateraino". Horregatik mobilizatzeko unea dela iritzi dute: "Ez baitago aldaketarik antolakuntzarik gabe. Horretarako atera gara agur kalera: mobilizaziorik eta antolakuntzarik ezean, dirudunek nahieran erabiliko gaituztelako beraien interesak asetzeko".
Ikasle Abertzaleen ustez, greba egunean parte hartzearen garrantzia horretan datza: "Argi dugu posible dela beste hezkuntza bat eraikitzea, guztion ongizatea gutxi batzuen interes ekonomikoei gainjarriko diona: hezkuntza sistema sozialista"
EHUko errektoretza taldea: "Bizikidetzaren aurka egindako atentatuak dira"
Euskal Herriko Unibertsitateko Errektoretza taldeak oharra kaleratu du unibertsitateko campusetan izandako istilu eta ekintzak salatzeko. Azaldu duenez, "bereziki larriak" izan dira Arabako campusean: "Hormetan pintadak egin eta eraikin horietako batzuen altzariak txikitu dituzte".
Errektoretzak "aringarririk gabe" gaitzetsi ditu ekintza horiek eta gaineratu du gutxiengo batzuek bizikidetzaren aurka egindako indarkeria ekintzak" izan direla. Kalteak baloratzen ari dira "dagokion salaketa jartzeko eta erantzukizunak eskatzeko".
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]
Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]
2016ko apirilean atxilotu zituzten Leioako 5ak, errepresioaren aurkako ikasle protesta batean. Zazpi urteren ostean izango da epaiketa, irailaren 27an, eta 39,5 urteko espetxe-zigorrak eta 45.000 euroko kalteordainak eskatuko dizkiete. Epaiketaren atarian, haietako birekin... [+]
Aurtengo edizioan Eskoriatza, Aretxabaleta eta Aramaio igaroko dituzte. Tailerrak, bertso-saioak, hitzaldiak, kontzertuak, eta abar antolatu dituzte hiru egunez. “Hausnarketarako eta formakuntza politikorako espazioa” izatea dela helburua azaldu dute.
Gazte Koordinadora Sozialistak eta Ikasle Abertzaleakek antolatu dute topagune sozialista. "Sozialismoaren kultura politikoa jaso, sakondu eta hedatzeko alternatiba sozialista eraiki behar" dela azaldu dute.
Selektibitatea hezkuntzaren elitizazioan sakontzeko mekanismoa dela salatu du Ikasle Abertzaleak antolakundeak. Bitarteko gutxien dituzten ikasleen heziketa prozesuan oztopo bat gehiago dela azpimarratu dute.
Martxoaren 30eko greba egunean, Ikasle Abertzaleek deitutako manifestazioek kaleak hartu dituzte Bilbon, Donostian, Gasteizen eta Iruñean, "Enpresarien hezkuntzaren aurrean, ikasle langileok borrokara" lelopean.
"Elite ekonomikoen araberako hezkuntza" dugula, eta enpresen eta hezkuntza zentroen arteko harremanak, jakintza-alor batzuetan jartzen den indarra, funtzio diziplinatzailea, kontrol sistemak… horren erakusgarri direla iritzi diote Ikasle Abertzaleek. Greba eguna... [+]
Martxoaren 30eko grebako propaganda egiten ari zela eraman dute atxilo Gasteizko ikaslea, asteazkenean. Ikasle Abertzaleak-ek elkarretaratzea egin du atxiloketa salatzeko. Ostegun goizean, berriz, lau ikasle identifikatu ditu Poliziak Ibaetako campusean.
2021-2022 ikasturtean ikasle greba deitu zuten Ikasle Abertzaleek, martxoaren 24an. Gasteizen 34 ikasle atxilotu zituen Poliziak, eta azken hilabeteetan EHUk gutuna helarazi die, espedienteak irekiko dizkietela jakinaraziz. Unibertsitatetik kanporatzeko arriskuan leudeke, beraz... [+]
Mugimendu Sozialistako bi kidek Poliziaren partetik jazarpen jarraitua pairatu dutela salatu dute. Irekita zeuzkaten prozesu judizialek etorkizunean eragin liezazkieketen balizko kalteen aurrean laguntza eskaini diete militanteei, trukean Mugimendu Sozialistari buruzko... [+]
Gasteizko campusean 34 ikasle atxilotu zituzten IAk martxoaren 24rako deitutako greban, eta "desordena publikoak" eragitea leporatzen diete. Urtarrilera bitartean deklaratu beharko dute.
Ikasle Abertzaleak (IA) erakundeak grebara deitu ditu gaur Hego Euskal Herriko Bigarren Hezkuntzako ikasleak eta ikastetxe ugaritan greba egiteaz gain, lau hiriburuetako mobilizazioetan milaka ikasle bildu ditu. Ikasle Sindikatuak ere bat egin du greba deialdiarekin, baina ez... [+]