Pikete feminista egin dute Palacio Elorriaga hotelean, “emakumeenganako diskriminazioan” oinarritutako kaleratze bat salatzeko
2018ko irailean, Palacio Elorriaga Hotelak, zazpi urteko harremana eta gero, haurdun egoteagaitik langile bat kaleratu zuen. LAB sindikatuak “indarkeria matxistaren eta emakumeenganako diskriminazioan” oinarritutako hiru kasu salatu ostean, pikete feminista egin du ostiralean hotelaren aurrean. Langileak kaleratzea salatu zuen eta, momentuz, epaiaren zain daude.
LAB sindikatuak lan munduan “indarkeria matxistaren eta emakumeenganako diskriminazioaren” hiru egoera salatu ostean, kalera atera nahi izan dituzte lan munduan emakumeek pairatzen dituzten diskriminazio eta indarkera kasuen salaketak. “Tamalez ez dira kasu isolatuak, ez dira ematen diren lehenak ezta azkenak ere”, esan du sindikatuak.
Hiru salaketa jarri dituzte mahaiaren gainean. Transportes Hombres Barreira enpresan sexu-jazarpen kasu bat eman da hilabeteetan zehar bertako emakume baten aurka; 2018ko azaroaren 2an, Arabako Foru Aldundiak azpikontratatutako enpresa batean ere sexu-eraso saiakera bat egon zen; eta, azkenik, Palacio Elorriaga Hoteleko kaleratze bat.
Azken honen sarreran, LAB sindikatuak, Mugimendu Feministaren laguntzarekin, pikete feminista bat burutu du otsailaren 1ean, ostiralean. Izan ere, 2018ko irailaren 25ean Palacio Elorriaga Hotelak, zazpi urteko harremana eta gero, haurdun egoteagaitik langile bat kaleratu zuen.
Hotelak emakumeak bere haurdunaldia enpresari jakinarazi eta bi aste barru notifikatu zion kaleratzea. Langileak kaleratzea salatu zuen, eta urtarrilaren 22an epaiketa ospatu zen: momentuz, epaiaren zain daude. Piketean bertan, hotelak daukan patioraino sartu dira bertaratutakoak.
“Lan munduan emakumeok diskriminazio eta indarkerari aurre egiten dizkiegun egoerak egunero gertatzen dira. Baina ez dira kontatzen, ez dira salatzen, ez dira ezagutzera ematen”, esan du sindikatuak.
Kasu gehiago
2018ko azaroaren 2an Arabako Foru Aldundiko azpikontrata bateko langile batek bere lankide emakume bat sexualki erasotzen saiatu zen. Langileak Ertzaintzaren aurrean gertaera salatu zuen eta erasotzailea derrigortze arin delitu batengatik kondenatua izan da, urruntze-agindua ere ezarri diotelarik.
Hau guztia jakinda ere enpresak ez ditu neurriak hartu, ez erasotzailea kaleratzeko ez eta prebentzio neurriak hartzeko honelako gertaerak berriz ere gerta ez daitezen. LAB sindikatuak azpimarratu duenez, ez Arabako Foru Aldundiak ezta enpresak ere ez dute jazarpen sexuala zein sexuagatiko jazarpenaren kontrako protokolo zehatzik.
Transportes Hombres Barreira garraio-enpresako langile batek jazarpen sexuala jasan du bere lankide eta nagusien partetik. Jazarpen sexual hau hilabete askotan zehar luzatu da langileak salatzea erabaki duen arte. “Enpresaren zuzendaritza egoera honen konplizea izan da, ez bakarrik langilea babesteko neurriak ez dituelako hartu, baizik eta bere datu pertsonalak akosatzaileen eskura jarri dituelako”.
Albiste hau Hala Bedik argitaratu du eta CC-by-sa lizentziari esker ekarri dugu ARGIAra.
Sei urteko espetxe zigorra ezar diezaiokete Oscar Pierreri langileen eskubideen aurkako hainbat delituengatik. Epaiketa asteartean izan da Bartzelonan, eta astelehenean iragarri du legearen pean kontratatuko dituela 15.000 rider. CGT sindikatuak “fiskaltzaren aurrean... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Enpresa jo dute egoeraren erantzuletzat, baita erakunde publikoak ere. Langile batzuek bost hilabete baino gehiago daramatzate kobratu gabe, eta ostiral honetan egingo dute manifestazio bat, ontziolatik abiatuta: ez dezatela itxi aldarrikatzeko.
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Nekazarien eta abeltzainen erreferentziazko sindikatua da Euskal Herriko Nekazarien Elkartasuna. 1976tik lanean daraman elkarte horrek 3.000 afiliatu baino gehiago ditu, eta lehen sektoreak dituen erronkak ez dira nolanahikoak. Egoera horretaz eta etorkizunari buruz sindikatuak... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Libertimenduzko Jardunaldiak antolatu ditu Gipuzkoako CNT sindikatu anarkistak bere egoitzan (Amara Berriko Olaeta plazan), martxora bitarte. Lehenengo jarduera abenduaren 14an izango da, eta Felix Likiniano anarkista historikoa izango dute hizpide.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Suhiltzaile Gaindituak Haserre elkarteko kidea da Josu Artetxe Esperanza (Aiara, 1995) dozenaka suhiltzailerekin batera, ziurgabetasun egoera bizi du 2022ko oposizioetako araudian egin nahi duten aldaketa dela eta.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Altsasuko enpresak likidaziorik gabeko hartzekodunen lehiaketa iragarri zuen pasa den asteartean, 48,8 miloi euroko zorra baitu autobusen enpresak. Gaur egun 367 pertsonak egiten duten lan bertan.