Petronorreko emisioen kontrolak “lasaitzea” leporatu dio Podemosek Jaurlaritzari
Petronorren funtzionamendu txarrari –“programatu gabeko 70 geldialdi eta kontrolik gabeko hainbat hauts emisio azken urte bietan”– Jaurlaritzak behar bezalako erantzunik ematen ez diola eta, areago, findegiaren emisioen kontrolerako irizpideak leundu dituela esan du Eusko Legebiltzarrean Elkarrekin Podemoseko Jose Ramon Becerrak. Gobernuak Petronorri “tratu berezia” ematen ote dion ere galdetu dio Arantza Tapia sailburuari.
Aireko kutsadura izan da gai aipatuenetako bat Eusko Legebiltzarraren gaurko kontrol saioan. Jose Ramon Becerrak Petronorren jarduerarekiko eta haren ondorioekiko Jaurlaritzak agertzen duen zorroztasun txikia kritikatu du, hiru sailbururi (Ekonomia Garapena, Ingurumena eta Osasuna) egindako galderen bidez. Horrez gain, EH Bilduko Mikel Oterok Iñaki Arriola Ingurumen sailburuari galdetu dio airearen kalitatea neurtzeko kabina-sarearen gabeziez, Durangaldean izandako irregulartasun batzuk direla eta.
Petronor: ate birakariak eta kontrol eskasa Podemosen esanetan
Becerrak ArantzaTapia Ekonomia Garapen sailburuari galdetu dio ea Jaurlaritzak pribilegiozko tratua eskaintzen dion Petronorri. Azken urteetan izandako aurreikusi gabeko geldialdi ugarik eta bizilagunek salatutako hauts emisioak aipatu ditu Equoko kideak; Tapiak, berriz, erantzun dio findegiaren inspekzio guztiak modu egokian eta garaiz egin dituela Jaurlaritzak, eta Petronorrek bere betebehar guztiak bete dituela orain arte.
Becerrak, orduan, Jaurlaritzako zenbait kargu ohik –EAJkoak denak– Petronorrekin dituzten loturak aipatu ditu: batetik Jose Ignacio Zudaire Industria sailburu izandakoa; bestetik, Javier Balza Barne sailburu ohia; eta hirugarrenik, Pilar Urrutikoetxea, EVEko zuzendaria iazko abendura arte. Tapiak erantzun du Zudairek duela asko utzi zuela Jaurlaritza, eta Balza eta Urrutikoetxea ez direla Petronorreko langileak. Balza, izatez, findegiarentzat lan egiten duen Uria Menendez bufeteko abokatua da, eta Urrutikoetxeak aholkularitza lanak egiten ditu.
Iñaki Arriola sailburuari galdera egiteko tartean, Jose Ramon Becerrak esan du Ingurumen Sailak kontrolerako protokolo batzuk –esaterako, zenbait substantzia kutsatzaileren neurketa– kendu dituela azken urteetan, 2016an sail berak egindako txosten batek aitortu arren Petronorrek ez dituela betetzen Ingurumen Baimen Bateratuak ezarritako zenbait baldintza. Kontrolerako sistema nolakoa izan behar zen Petronorri berari proposatzeko eskatu izana ere leporatu dio Podemosekoak gobernuari. Airearen kalitatea neurtzeko enpresaren inguruan dauden lau kabinetatik Petronorrek jarritakoak direla gehitu du: “Giltza haiek baino ez dute”.
Kutsadura neurtzeari uzten dioten kabinak
Arriolak ukatu du kontrola ahuldu denik, eta Petronorren jarduera behatzean estandar guztiak betetzen direla esan du. Antzera erantzun dio geroxeago Mikel Otero EH Bilduko legebiltzarkideari, hark galdetu dionean EAEko airearen kalitatea neurtzeko sistemaren gabezien aurren Jaurlaritzak zer egiteko asmoa duen. Oterok esan du estazioen heren batek behar baino datu portzentaje txikiagoa jaso zuela 2016an, Ekologistak Martxan taldeak urtero egiten duen txostenaren arabera. Substantzia guztien kasuan neurtutakoaren batez bestekoa %90etik gora egon dela ihardetsi dio Arriolak.
Azkenik, aireko kutsadura datuek gora egiten dutenean kabinek, oso maiz, neurtzeari uzten diotela adierazi du Mikel Oterok, eta adierazi du edozein kasutan legediaren barruko balioak izateak ez duela bermatzen osasunerako babesa; izan ere, konposatu gehienen kasuan europar araudiak baimentzen dituen kutsatzaileen kopuruak Osasunaren Munduko Erakundearen gomendioetatik gora daude.
Petronor eta osasun-mapak
Jon Darpon Osasun sailburuarentzat izan da Jose Ramon Becerraren azken interpelazioa. EAEko hainbat mapa erakutsi ditu Equoko kideak, zenbait gaitz larriren intzidentzia Muskizen eta inguruan EAEko batez bestekoa baino dezente altuagoa dela erakusten dutenak. “Ez dut gauza bien arteko lotura egingo, datuak erakutsi baino ez; lotura dagoen aurkitzea zure sailaren lana da”, esan dio Becerrak Darponi.
Hark erantzun dio mapa horiek ondo ezagun dituela eta faktore askorengatik sor daitezkeen gaixotasunen intzidentzia enpresa jakin baten jarduerarekin lotzen saiatzea ez dela zientzia, “parlamentarismo merkea” baizik.
Astelehenean egindako inspekzioaren ostean hartu da erabakia, azken asteetan izan diren istripuen harira.
Euro 7 araua, isuriak murriztea helburu duena, aurreikusitakoa baino beranduago sartuko da indarrean: ibilgailu arinen kasuan 2027an eta 2029an astunen kasuan.
Ortuellako udalerria herritarren mobilizazio baten lekuko izan ziren atzo, Barguilla auzoan, Sader enpresaren instalazioa berria jartzeko proiektuaren aurka. Ortuellan Sader Ez auzo-plataformak deitutako manifestazio honetan, Ekologistak Martxanek ere laguntzen duena, fabrika... [+]
Aspaldi ez bezala gure etxean marrubiak (Fragaria x ananassa) jan eta jan ari gara udazkenaren sarrera ospakizun hauetan. Ez da gertaera makala, izan ere udazkena da marrubidian lanerako sasoi nagusia. Marrubidia osatu eta gaztetu edo erabat berritzeko landaketak orain egin ohi... [+]
Osasunaren Mundu Erakundeak (OME) airearen kalitateari buruzko gomendio berriak argitaratu ditu asteazken honetan, 2005az geroztik zituenak baino zorrotzagoak, kutsadurak mundu osoan eragiten dituen urteko zazpi milioi heriotzak geldiarazteko asmoz.
Aire Zaintzaileak ekimenak ezagutzera eman dituen datuen arabera, Espainiako Estatuan neurtu dituzten 28 udalerrietatik Erandio da aire kutsatuena duena, Madril edo Bartzelonaren aurretik. Ikerketa antolatu duten elkarteetako bozeramaileek azaldu dutenez, harrituta daude emaitza... [+]
Anerreka Ingurumen Elkarteak Jaurlaritzako Ingurumena sailari eskatu dio Donostiako erraustegiak orain arte airera isuri dituen gai kutsakorren kopuruari buruzko datuak eman diezazkiola eta orain arte ez du inolako erantzunik jaso. Erraustegiak Ingurumen Baimen Bateratua... [+]
Gasoilezko motorren kutsaketak faltsutzen zituztela-eta, duela bost urte Dieselgate delakoak astindu baldin bazuen autogintzako industria, eskandalu berri bat egon daiteke lehertzeko zorian egunotan, Hybridgate deitu beharko genukeena: Transport & Environnement GKEak... [+]
Nafarroako lurralde osoan Osasunaren Mundu Erakundearen gomendioak gainditzen dituen kutsadura-maila erregistratu dela bildu du taldeak 2019ko aire kalitateari buruzko txostenean.
COVID-19aren pandemiaren ondorioz hartutako neurri zorrotzenen artean, herritarrak etxeetan konfinatzea erabaki dute munduko gobernu askok, eta horrek nabarmen eragin du ingurumenean: %17 jaitsi dira mundu osoko CO2 isurketak, eta urte amaierarako %4 eta %7 artean mantentzea... [+]
Koronabirusari aurre egiteko itxialdiek NO2 mailak izugarri jaitsi dituzte munduko hainbat tokitan; baina pandemiak badu txanponaren beste alde bat, eta AEBak dira horren erakusgarri: Trumpek bertan behera utzi ditu ingurumena babesteko neurri ugari, krisi ekonomikoaren lehen... [+]
Eguraldi lehor eta beroa medio airearen kutsadurak gora egin zuen otsailaren 3, besteak beste, Donostian eta Tolosan; «gure egunerokoak kutsakorrak direla» hausnartu beharraz hitz egin du Eguzkik Talde Ekologistak.
Ekologistak Martxan taldeak argitaratu duen txosten batek azaldu du EAEn eta Nafarroan lau herritarretik hiruk arnasten dutela aire kutsatua.
ToxicoWatch fundazioak eta Eusko Jaurlaritzak akreditatutako Euskal Herriko enpresa bat arduratuko dira Gipuzkoako erraustegiaren inguruetan kutsadura neurketak egiteaz. Astearte goizean prentsaren aurrean hartu dituzte Zubietako oilategi batean azpiegitura erretzailea piztu... [+]
Ekologistak Martxanek jakinarazi duenez, EAEko milioi eta erdi pertsonak aire kutsatua arnastu dute 2018an: biztanleriaren %70ak, lurraldearen %47an. Nafarroari dagokionez, lurraldearen bi heren ari dira kutsadura maila altua jasaten.